16/05/2026
بنگلادیش میں عیدالاضحیٰ سے قبل ایک بھینسا سوشل میڈیا پر خوب وائرل ہورہا ہے جسے اس کی غیر معمولی شکل و شباہت کی وجہ سے ’’ڈونلڈ ٹرمپ‘‘ کا لقب دے دیا گیا ہے۔
یہ بھینسا بنگلادیش کے شہر ناریان گنج کے ایک مقامی فارم میں پرورش پا رہا ہے اور اس کا وزن تقریباً 700 کلوگرام بتایا جا رہا ہے۔
فارم مالکان کے مطابق بھینسے کو مکئی، سویا بین اور بھوسے پر مشتمل متوازن اور غذائیت سے بھرپور خوراک دی گئی، جس کے باعث اس کا حجم غیر معمولی طور پر بڑھ گیا ہے۔
بھینسے کی منفرد ساخت اور مضبوط جسامت نے نہ صرف مقامی افراد کو اپنی طرف متوجہ کیا ہے بلکہ عیدالاضحیٰ کے لیے جانور خریدنے والے افراد کی بھی خصوصی توجہ حاصل کر لی ہے۔
دلچسپ بات یہ ہے کہ اس بھینسے کی شکل و صورت کو امریکی صدر ٹرمپ سے مشابہ قرار دیا جا رہا ہے، جس کی وجہ سے یہ سوشل میڈیا پر تیزی سے وائرل ہو رہی ہے۔
مقامی افراد اور خریدار بڑی تعداد میں فارم کا رخ کر رہے ہیں تاکہ اس ’’مشہور‘‘ بھینسے کو قریب سے دیکھ سکیں۔
