18/06/2026
الحمدللہ! عوامی خدمت کے جذبے کے تحت ہم نے اپنے علاقے میں 3 ٹیوب ویلوں کی مکمل اپ گریڈیشن اور نئی مشینری کی تنصیب کا کام کامیابی سے مکمل کیا۔ اس کے ساتھ ساتھ مختلف علاقوں میں 10 چھوٹے بورز بھی کروائے گئے تاکہ پانی کی فراہمی کے مسائل کو مستقل بنیادوں پر حل کیا جا سکے۔
اس منصوبے کے دوران نئی پائپ لائنیں، والوز، جدید کنٹرول سسٹم اور دیگر ضروری آلات نصب کیے گئے، جس سے پانی کی ترسیل کا نظام مزید مضبوط اور مؤثر ہوا۔ ان اقدامات سے دیر ٹاون انیس اباد مسلم کالونی، بابو ٹاؤن، یوسف آباد اور دیگر ملحقہ علاقوں کے تقریباً 17 محلوں کو براہِ راست فائدہ پہنچا اور ہزاروں شہریوں کو بہتر پانی کی سہولت میسر آئی۔
یہ ترقیاتی کام اس بات کا ثبوت ہیں کہ جب نیت خدمت کی ہو تو عوامی مسائل کے حل کے لیے عملی اقدامات کیے جاتے ہیں۔ ہم آئندہ بھی اپنے علاقے کی تعمیر و ترقی اور عوامی فلاح کے لیے اسی جذبے کے ساتھ کام جاری رکھیں گے۔
"ترقی نعروں سے نہیں، عملی کاموں سے پہچانی جاتی ہے۔" 💧💙
