Discover Farming PK

31/10/2025

Pakistan k mosam ma kon c farming faida mand hoti. Sab dost apny tajurby k hisab se rehnumai krain...

06/02/2025

Peacefull Environment..

06/02/2025

InshaAllah soon like this.

02/02/2025

–کامیاب فارمنگ مکمل گائیڈ

بکری پالنا (گوٹ فارمنگ) ایک فائدہ مند کاروبار اور زراعت کا اہم حصہ ہے۔ یہ دودھ، گوشت اور اون کی پیداوار کے لیے ایک بہترین ذریعہ ہے۔ کامیاب گوٹ فارمنگ کے لیے بکریوں کی نسل، خوراک، صحت اور ویکسینیشن پر توجہ دینا ضروری ہے۔ اس آرٹیکل میں، ہم بکری پالنے کے تمام پہلوؤں کا تفصیلی جائزہ لیں گے۔

بکریوں کی بہترین نسلوں کا انتخاب

گوٹ فارمنگ کے لیے اچھی نسل کا انتخاب بہت ضروری ہے، کیونکہ اچھی نسل کی بکریاں زیادہ پیداوار دیتی ہیں۔ کچھ مشہور نسلیں درج ذیل ہیں:

1. بیٹل – دودھ اور گوشت کے لیے بہترین
2. توتا پری – زیادہ دودھ دینے والی نسل
3. کجرائی – گوشت کے لیے مشہور
4. سرائی کی – گرم علاقوں کے لیے بہترین
5. جمناپاری – ہندوستان میں مشہور اور زیادہ دودھ دینے والی

بکریوں کی خوراک (ڈائٹ پلان)

بکریوں کی صحت اور پیداوار کا دار و مدار ان کی خوراک پر ہوتا ہے۔ ایک متوازن خوراک کا چارٹ کچھ یوں ہونا چاہیے:

✅ چارہ (گراس): ہری گھاس، برسیم، لوسرن
✅ فیڈ (دانا چارہ): مکئی، چوکر، گندم، جو
✅ پروٹین سپلیمنٹ: سویا بین، دالوں کے چھلکے
✅ منرل اور وٹامن سپلیمنٹ: کیلشیم، فاسفورس، نمک، وٹامن A, D, E
✅ پانی: ہر وقت تازہ پانی دستیاب ہو
✅ خصوصی خوراک: حاملہ اور دودھ دینے والی بکریوں کے لیے اضافی غذائیت دی جائے

بکریوں کی بیماریوں اور علاج

بکریاں مختلف بیماریوں کا شکار ہو سکتی ہیں، اس لیے ان کی جلد تشخیص اور علاج ضروری ہے۔

بکریوں کے لیے ویکسینیشن پلان

✅ PPR ویکسین – 3 ماہ کی عمر میں پہلی بار، پھر ہر سال
✅ FMD (منہ و پا بیماری) ویکسین – ہر 6 ماہ بعد
✅ انتھراکس ویکسین – سال میں ایک بار
✅ بلیک لیگ ویکسین – ہر سال
✅ بروسیلوسس ویکسین (حاملہ بکریوں کے لیے) – 3 سے 6 ماہ کی عمر میں
✅ کیڑے مار ادویات – ہر 3 ماہ بعد
✅ خارش اور جلدی بیماریوں کی ویکسین – سال میں ایک بار یا ضرورت کے مطابق

بکریوں کی دیکھ بھال

بکریوں کو روزانہ کھلی جگہ پر چھوڑیں تاکہ وہ فطری انداز میں چرتی رہیں۔
ان کے شیڈ کو روزانہ صاف کریں تاکہ بیماریاں نہ پھیلیں۔
شیڈ میں ہوا اور روشنی کا مناسب انتظام کریں۔
بارش یا سخت موسم میں بکریوں کو محفوظ جگہ پر رکھیں۔

گوٹ فارمنگ کا منافع

گوٹ فارمنگ ایک منافع بخش کاروبار ہے۔ اگر آپ 10 بکریوں سے شروعات کریں تو آپ ایک سال میں تقریباً 2-3 لاکھ روپے کما سکتے ہیں، بشرطیکہ اچھی نسل، خوراک اور دیکھ بھال پر توجہ دی جائے۔

01/02/2025

ایک منافع بخش کاروبار

تعارف

خرگوش کی فارمنگ ایک تیزی سے مقبول ہوتا ہوا کاروبار ہے، جو کم سرمایہ، کم جگہ، اور کم وقت میں منافع دینے کی صلاحیت رکھتا ہے۔ خرگوش کی نشوونما تیزی سے ہوتی ہے، اور ان کی افزائش بھی بہت آسانی سے کی جا سکتی ہے۔ اگر آپ جانوروں کی فارمنگ میں دلچسپی رکھتے ہیں، تو خرگوش پالنا ایک شاندار موقع ہو سکتا ہے۔

خرگوش فارمنگ کے فوائد

1. تیز افزائش – خرگوش بہت کم وقت میں افزائش کرتے ہیں اور ایک مادہ خرگوش سال میں کئی بار بچوں کو جنم دے سکتی ہے۔

2. کم جگہ درکار – خرگوشوں کو زیادہ جگہ کی ضرورت نہیں ہوتی، اور انہیں چھوٹے پنجروں میں بھی رکھا جا سکتا ہے۔

3. کم لاگت – اس کاروبار میں زیادہ سرمائے کی ضرورت نہیں پڑتی، اور خرگوشوں کی خوراک بھی نسبتاً سستی ہوتی ہے۔

4. گوشت اور فر کی مانگ – خرگوش کا گوشت غذائیت سے بھرپور اور کم چکنائی والا ہوتا ہے، جبکہ ان کی کھال بھی مارکیٹ میں اچھی قیمت پر فروخت کی جا سکتی ہے۔

5. سائیڈ بزنس کے طور پر موزوں – اگر آپ کے پاس پہلے سے کوئی کاروبار ہے، تو خرگوش فارمنگ ایک اضافی ذریعہ آمدنی ہو سکتا ہے۔

خرگوش فارمنگ کا آغاز کیسے کریں؟

1. مناسب نسل کا انتخاب

خرگوشوں کی کئی نسلیں دستیاب ہیں، لیکن تجارتی مقاصد کے لیے درج ذیل نسلیں بہترین ہیں:

نیو زیلینڈ وائٹ – گوشت کے لیے بہترین نسل

کیلیفورنیا – جلدی وزن بڑھانے والی نسل

فلینڈرش جائنٹ – بڑی جسامت والی نسل، فر اور گوشت کے لیے مشہور

2. رہائش اور پنجروں کا انتظام

خرگوشوں کو آرام دہ ماحول فراہم کرنا ضروری ہے تاکہ وہ صحت مند اور متحرک رہیں۔

لکڑی یا لوہے کے پنجروں میں رکھیں۔

ہر خرگوش کے لیے کم از کم 2x2 فٹ جگہ ہونی چاہیے۔

پنجروں کو خشک، ہوادار اور محفوظ جگہ پر رکھیں۔

گرمی اور سردی سے بچانے کے لیے مناسب اقدامات کریں۔

3. خوراک اور دیکھ بھال

خرگوش کی صحت مند نشوونما کے لیے متوازن خوراک ضروری ہے۔

قدرتی چارہ – گھاس، سبز پتیاں، اور سبزیاں

پیلٹ فیڈ – پروٹین اور وٹامن سے بھرپور تیار شدہ خوراک

پانی کی دستیابی – ہمیشہ تازہ اور صاف پانی رکھیں

4. افزائش اور پیداواری نظام

خرگوش تقریباً 4-6 ماہ میں افزائش کے قابل ہو جاتے ہیں۔ ایک مادہ خرگوش 28-32 دن میں بچے دیتی ہے اور ایک وقت میں 6 سے 12 بچے پیدا ہو سکتے ہیں۔

افزائش کے بعد نر اور مادہ خرگوش کو علیحدہ رکھیں۔

کمزور اور بیمار خرگوشوں کی خاص دیکھ بھال کریں۔

مناسب ویکسینیشن کروائیں تاکہ بیماریوں سے بچاؤ ہو سکے۔

5. خرگوشوں کی مارکیٹنگ اور فروخت

جب خرگوش فروخت کے قابل ہو جائیں، تو انہیں مختلف طریقوں سے بیچا جا سکتا ہے:

گوشت کے لیے مقامی مارکیٹ

پالتو جانوروں کے طور پر فروخت

کھال اور فر کی فروخت

ریسٹورنٹس اور ہوٹلوں کو سپلائی

احتیاطی تدابیر اور چیلنجز

خرگوش بہت نازک جانور ہوتے ہیں، اس لیے ان کی صحت کا خاص خیال رکھنا ضروری ہے۔

بیماریوں سے بچاؤ کے لیے صفائی کا خاص خیال رکھیں۔

مناسب درجہ حرارت کا انتظام کریں کیونکہ گرمی میں خرگوش زیادہ متاثر ہو سکتے ہیں۔

نتیجہ

خرگوش کی فارمنگ ایک بہترین اور منافع بخش کاروبار ثابت ہو سکتا ہے، اگر اسے درست طریقے سے کیا جائے۔ کم سرمایہ، آسان افزائش، اور گوشت و فر کی بڑھتی ہوئی مانگ کی وجہ سے یہ کاروبار ہر شخص کے لیے موزوں ہے۔ اگر آپ بھی اس شعبے میں قدم رکھنا چاہتے ہیں، تو آج ہی منصوبہ بندی کریں اور ایک کامیاب خرگوش فارمنگ بزنس شروع کریں۔

#کاروبار

31/01/2025

31/01/2025

خوراک کا انتخاب Goat Farming Part.3
ٹیڈی بکری کے بچے ٹیڈی اور بتیل کی دوغلی نسل کے بکرے بہت تعاون کرنے والے ہوتے ہیںِ ۔ ان کو جو بھی ملے وہ کھا لیتے ہیں۔ اور ونڈے کی ضرورت بھی نہیں ہوتی۔ اگر گھر میں بچی ہوئی روٹیوں کو گیلی کرکے باریک توڑی میں مکس کرکے کھلا دی جائیں تو پھر بھی ونڈے کی ضرورت پوری ہوجاتی ہے۔ کہنے کا مقصد یہ کہ جو دوست بکریوں فارمنگ کرنا چاہتے ہیں تو وہ ابتدا ٹیڈی بکریوں سے کریں۔

بکریوں کو سردی سے بچانے کے لیے روزانہ صبح کوئی بھی خشک چارہ کھلائیں, دن کے وقت سبز چارہ کھلائے جتنا مرضی سے کھا سکے, دوپہر 12 بجے سے لے کر 2 بجے کے درمیان تازہ پانی پلائیں,اس کے بعد پانی نہ پلائیں, رات کو خشک گندم کھلائیں بڑی بکری کے لیے آدھا کلو چھوٹی بکری کے لیے ایک پاو, رات کو باڑے میں ہوا اندر نہ جانے دیں, پیراشوٹ کے ترپال کا پردہ لگائیں, دن کو دھوپ میں نکال کر باڑے کو دھوپ یا پنکھا لگا کر خشک کرائیں, ایک دو دن بعد رات کو تھوڑا سا گڑ اور کھبی کھبی اس میں تھوڑا سا اجوائن مکس کرلے کھلائیں
ویکسینیشن
کئی قسم کی وائرل بیماریاں جیسے پی پی آر ، بکری کی پوکس ، پاؤں اور منہ کی بیماریاں اور بیکٹیریل بیماریاں جیسے اینتھراکس ، بروسلوسیس وغیرہ بکریوں کے لیے بہت نقصان دہ ہیں۔ اس طرح ، اس قسم کی بیماریوں کو روکنے کے لیے مناسب ویکسینیشن ضروری ہے۔ پی پی آر ، گوٹری پوکس ، بروسیلوسس کی ویکسین جو پہلے نہیں لگائی گئی تھیں ، حمل کے پانچویں مہینے میں انھیں ویکسین کریں۔ آپ کو بچوں کی پی پی آر ویکسین لگانی چاہیے جب تک کہ وہ 5 ماہ کی عمر کو پہنچ جائیں۔
روٹین ورک۔
بکریوں فارمنگ پارٹ ٹائم فارمنگ نہیں یہ فل ٹائم فارمنگ ہے۔ جو دوست بکریوں فارمنگ کی طرف آنا چاہتے ہیں تو سب سے پہلے بکریوں فارمنگ کی روٹین کو سمجھیں ، بکریوں فارمنگ کی ضروریات کو سمجھیں پھر اس پر خوب خوب سوچیں۔ سیانے کہتے ہیں کہ جو بھی کام کیا جاتا ہے اس کی کامیابی نسلوں کو سنوار دیتی ہے۔ اگر آپ فارمنگ میں کامیاب ہوجاتے ہیں تو اس کوپندرہ سے بیس سالوں میں زیادہ سے زیادہ بڑھا لیتے ہیں۔ آج آپ نے دس سے بیس جانوروں سے آغاز کیا اور وقت گذرنے کے ساتھ ساتھ اس میں اضافہ ہوتا چلا جاتا ہے اور اس کاروبار میں اضافے کے ساتھ ہی آپ کو زیادہ ورکروں کی ضرورت ہوگی۔

تو اگر اچھے طریقے سے اس کو چلایا گیا ہوگا تو اسی فارم کو گورنمنٹ سے بطور سنگل پرسن کمپنی رجسٹرڈ کرویا جا سکتا ہے۔ اگر آپ پانچ سے دس سال کامیاب فارمنگ کرلیتے ہیں اور مناسب تجربہ ہوجاتا ہے ، مناسب بنک بیلنس کے مالک ہوجاتے ہیں تو آپ بطور وزیٹر کسی بھی ملک کا ویزہ باآسانی حاصل کرسکتے ہیں۔

31/01/2025

Goat Farming Part. 2 بکریوں کا انتخاب کرنا

اپنے مخصوص علاقے کی بریڈ پالیں۔ بکری بنیادی طور پر ایک نازک جانور ہے۔ تھوڑا سا موسم کا مزاج بدلنے سے بکری بیمار ہونا شروع ہو جاتی ہے۔ تمام تر حفاظتی تدابیر کے باوجود بہت سے فارم نقصان اٹھاتے ہیں۔ اس کی بنیادی وجہ دوسرے علاقے کی نسل کو اپنے علاقے میں لے کے آنا ہے۔
اور یہ اصول تمام نسلوں پے لاگو ہوتا ہے۔ مثلاً ایک دو فارمز والوں نے راجن پوری نسل کا اپر پنجاب اور وسطی پنجاب میں پالنے کا تجربہ کیا۔ ایک فارمر کے ڈیڑھ سو جانور تھے جو اس علاقے کے موسم سے مطابقت نہ رکھنے کی وجہ سے ہلاک ہو گئے۔
اسی طرح پندرا بیس اور بھی ہیں جو راجن پوری سفید بکریوں کا نقصان کر چکے ہیں۔ لہٰذا سینیئر ڈاکٹرز اور فیصل آباد زرعی یونیورسٹی کے ماہرین کی مشترکہ رائے یہی ہے کہ اس علاقے کی لوکل بریڈ کو زیادہ ترجیح دی جائے اگر نقصان سے بچنا ہے۔

پاکستان کی تمام نسلوں میں راجن پوری بیتل سفید زیادہ خوبصورت مانی جاتی ہے اور سب سے زیادہ نازک بھی یہی بریڈ ہے۔ یہ بریڈ صرف ڈی جی خان راجن پور اور مظفر گڑھ تک کامیاب ہے۔ اس سے آگے یا پیچھے یہ نسل جائے گی تو بکریوں فارمر کا نقصان کرے گی۔ اس نسل کی بیماری کے خلاف قوت مدافعت انتہائی کم ہے۔ اپنی پتلی چمڑی کی وجہ سے یہ نسل بہت جلد موسمی اثرات قبول کرتی ہے۔ اور اگر ملتان اور گھوٹکی تک اس نسل کو مصنوعی ماحول دیکر کچھ عرصہ برقرار بھی رکھتے ہیں تو جانور ویسا قد کاٹھ نہیں بنائے گا جس طرح وہ اپنے آبائی علاقے میں بناتے ہیں۔

عام طور بکریوں فارمنگ میں ٹیڈی بکری کا کراس بتیل بکرے سے کروا لیا جاتا ہے ۔ اور اس سے حاصل ہونے والا جانور ٹیڈی جانور سے قد میں تھوڑا بڑا لیکن بتیل سے کم ہوگا۔ اور ایسا جانور دوغلا کہلاتا ہے۔ یہ جانور مناسب قیمت پر فروخت ہوجاتا ہے۔ اور ایسے جانور کو پالنے پر زیادہ اخراجات بھی نہیں آتے

جگہ کا انتخاب

بکریوں کی فارمنگ ان لوگوں کے بہت منافع کا باعث ہے جو دیہات میں رہائش پزیر ہیں۔
جن کے پاس فارمنگ کے لیے تین سے پانچ ایکڑ زمین موجود ہے یا ابتدائی طور ایک سے دو ایکڑ زمین مناسب سالانہ کرائے یا ٹھیکا پر حاصل کرسکتے ہیں۔
ابتدائی طور پر دس سے پندرہ ٹیڈی بکریاں خرید سکتے ہیں۔ ایک سال تک ان کو چارہ اور بوقت ضرورت ونڈا کھلا سکتے ہیں۔ وقت ڈی ورمنگ اور حفاظتی ٹیکہ جات لگوا سکتے ہیں۔
جانوروں کی جگہ کو صآف اور خشک رکھ سکتے ہیں۔ دن میں دو سے تین گھنٹے کے لیے چرائی یا چہل قدمی کروا سکتے ہیں۔ دو سے تین کنال گوارا اور جنتر لگا سکتے ہیں۔ ہر چھ ماہ کے بعد نر جانوروں کو مناسب قیمت پر لوکل سطح پر فروخت کرنے کی کوشش کرسکتے ہیں۔یہ درست یہ کہ بکریوں فارمنگ دیہاتی پیشہ ہے۔ اور دیہات میں رہنے والے بکریوں پروڈکشن سے اپنے لیے مناسب آمدن حاصل کرسکتے ہیں۔ مگر شہروں میں رہنے والے حضرات بکریوں کی مارکیٹنگ سے اپنے لیے مناسب آمدن حاصل کرسکتے ہیںِ۔
یعنی بکرے خرید کر ان کو بیچا جا سکتا ہے

اگر آپ کے پاس اپنی ذاتی زمین ہے اور مناسب سرمایہ ہے اور وقت ہے تو پھر یہ کام شوق سے کریں۔ اگر زمین اور سرمایہ تو ہے لیکن خود کوئی نوکری یا کاروبار کرتے ہیں تو پھر ایسے ملازم کا انتخاب کریں جو کام چھوڑ کر نہ بھاگے۔ زمینداری کے کاموں میں ورکر کا ہر وقت موجود ہونا بہت ضروری ہے، ورکر آپ کے فارم کے لیے ریڑھ کی ہڈی کی حثیت رکھتا ہے۔ اگر کسی وقت ورکر بھاگ جائے اور آپ خود فارم پر کام نہ کرسکیں تو پھر سمجھیں کام ختم .

29/01/2025

بکریاں پالنا سنت نبوی ﷺ اور منافع بخش کاروبار ہے۔
بکریاں قدیم زمانے سے پالی جا رہی ہے عام طور پر بکریوں کی فارمنگ کا مطلب ہے کہ انھیں دودھ، گوشت اور ریشہ کی کٹائی کے لیے پالیں
آج کل بکریوں کی farmining ایک منافع بخش کاروبار بن چکا ہے اور اس کی افادیت کے باوجود اس میں معمولی سرمایہ کاری کی ضرورت ہوتی ہے
بکریاں پالنے کے لحاظ سے پاکستان دنیا کا تیسرا بڑا ملک ہے جبکہ چین بکریوں کی تعداد کے حوالے سے سب سے بڑا ملک ہے۔ مجموعی ملکی برآمدات میں لائیو سٹاک کے شعبہ کا حصہ 13 فیصد سے بڑھ چکا ہے۔

بکریوں کی فارمنگ دو اقسام کی ہوتی ہے

1- دودھ دینے والی قسم
2- گوشت کی پیداوار والی قسم

دونوں اقسام کا کام منافع بخش ہوتا ہے آپ کوئی سی بھی قسم پال سکتے ہیں
انشاءاللہ اگلی مکمل تفصیلی پوسٹ جلد شیر کی جائے گی۔
۔جس میں
جگہ کا انتخاب ۔۔ بکریوں کا انتخاب
شامل ہے۔ پیج کو لائن کر لیں تاکہ آپکو اگلی اپڈیٹ مل سکے۔