08/07/2026
Ня вельмі часта пішу пра асабістае. А сёння напішу. З пачатку года мы сталі пільна кантраляваць, што і колькі спажываем. Не запісваем дзённік ці штосьці падобнае, але рацыён плануем. Амаль адмовіліся ад мяса. Я цалкам, больш з этычных мэтаў і з-за факту, што мне перастаў падабацца яго смак. Лёша - да мінімума звёў яго колькасць у рацыёне.
Стараемся спажывецкім кошыкам падтрымліваць фермераў, лакальнае, этычнае (хоць не заўсёды гэта можна праверыць, нажаль). Больш ямо авечага і казінага сыру, авечага малака ў выглядзе мілк-шэйкаў. Гэта зразумела, бо мы ж маем казіна-авечую ферму😊, а цяпер - самы сезон на малако.
Ну і яшчэ пачалі жыццё без вячэры. Бо ізноў жа, лета, а 5:00 пачынаецца раніца, а 22:00 лепей ужо быць у ложку, а вячэра робіць сон не зусім якасным.
Але я заўважыла, што такія задачы карысныя і для цела, і для мозгу. Бо менавіта ён часта выступае ворагам нашаму здароўю, трэба ж наадварот, каб ён не шукаў лазеек. Карацей, ці то ўплыў узросту, ці то новае вызванне. Але здароўе і самаадчуванне відавочна палепшыліся😊Ну і з дзясятак кілаграмаў у кожнага сыйшло. Вось вам трошкі асабістых дасягненняў.
На здымку сезонная простая ежа і самыя лепшыя козкі і авечкі 🐐🐑🥰.
