Sweet Bites

27/07/2026

كيكه الحليب التركيه (التريليشيا )
الكيك ده مميز جدا لانه غنى بطعم الحليب جدا و بيبقى طرى جدا من كميه الحليب إلى فيه بالاضافه الى طعم الكراميل فعلا جميل جدا و مغذى كمان لان الكيك بيتشرب بلتر من الحليب فبتبقى غنيه جدا
المقادير
٥ بيض كبير
١ كوب سكر
١ و نصف ملعقة صغيرة فانيليا
رشه ملح
١ و نصف كوب دقيق منخول
١/٢ كوب زيت
١ معلقه صغيره بكنج بودر
الطريقه
نضع البيض و السكر و رشه الملح و الفانيليا فى وعاء و نخفق جيدا لمده ١٠ دقائق حتى يتضاعف حجم البيض و يكون مثل الموس الخفيف
نبدأ فى اضافه الدقيق و البيكنج بودر على دفعات مع التقليب بهدوء شديد حتى لا نخرج الهواء من الخليط
ثم نضيف الزيت و نقلب بهدوء شديد من تحت لفوق
الخطوات مهمه لان لو الهواء إلى فى البيض راح الكيك مش حينجح
نضع الكيك فى القالب و على فرن ١٧٥ لمده ٣٠ إلى ٤٠ دقيقه

نسقى الكيك ب ٣ أكواب حليب مضاف إليه ١ كوب كريمه و نصف معلقه صغيره قرفه بودره و نضعه فى الثلاجه
نخفق ١ كوب كريمه خفق حتى نحصل على قوام متماسك و نفردها على الكيك البارد و نضعها مره اخرى فى الثلاجه
لصنع الكراميل
١/٢ كوب سكر
٢ معلقه كبيره زبده
١ كوب كريمه سائله
نضع السكر على النار حتى الحصول على لون الكراميل ثم نضيف الزبده و نقلب ثم نضيف الكريمه و نقلب حتى يغلى و نتركه يبرد
يجب أن يكون قوام الكراميل و هو بارد مثل قوام العسل مثلا حتى نستطيع توزيعه على الكيك
لو جمد اوى ممكن نحطه على النار تانى و نضيف شويه كريمه
نضيف الكراميل على سطح الكيك فوق طبقه الكريمه

14/03/2026

مره تانيه الكحك
الكحك طبعا شئ أساسى في العيد
فى طرق كتير و مستحدثة للكحك بس انا طريقتى بين البنين أو هى الطريقة القديمة بس على البارد أسهل و أخف و جميله

المكونات
1 كيلو دقيق
1/2 كيلو سمن
1 ملعقة صغيرة خميرة
3 أو 4 ملعقة كبيرة سمسم محمص ( و ممكن نجيب سمسم مش متحمص و ناخد معلقه من سمنه الكحك و نحمص السمسم فيها على النار )
2 ملعقة كبيرة ماء ورد
1/2 كوب لبن
1 كوب ماء ( او اقل حسب نوع الدقيق )
ممكن إضافة 1/2 ملعقة صغيرة محلب مطحون أو بهارات كحك
الطريقة

نضع الخميرة على نصف كوب ماء دافئ ملعقة كبيرة سكر و نتركه قليلا ليخمر
نضع الدقيق و السمسم و المحلب و نقلب ثم نضيف السمن و نفرك السمن و الدقيق جيدا
ثم نضيف الخميرة و اللبن و نعجن جيدا نضيف نصف كوب الماء و ماء الورد
نشكل الكحك و نضع الحشو و تخبز فى الفرن 15 دقيقه حتى يحمر القعر
تعديل
انا السنه دى شلت ١٦٠ جم من الدقيق و حطيت نشا طلع جميل بردو و ناعم

11/03/2026

كل سنه و الجميع يخير

بسكوت النشادر.
طيب الوصفه دى عزيزه عليا جدا لان احنا كاعيله بنحب بسكوت النشادر جدا بس على شرط لا يمكن التنازل عنه أنه يكون بيدوب فى الشاى لأن دى بتعتبر وجبه أساسية عندنا و للأسف كان دايما مش بينجح معايا لحد الوصفه دى الطعم رائع زى بتاع جدتى ربنا يديها العافيه و طول العمر و بيدوووووب
المكونات
250 جم سكر
3 بيض
125 جم لبن ( او اقل حسب تماسك العجينه )
1/2 كوب سمن + 2 ملعقة كبيرة
1/2 كوب - 2 ملعقة كبيرة زيت (يعنى المجموع 1 كوب مواد دهنيه)
1/2 ملعقة كبيرة نشا در
5 إلى 5 1/2 كوب دقيق
الطريقه
نخفق الزيت و السمن و السكر و بعدين البيض و نحط النشادر فى اللبن و نضيف الدقيق و البن و نعجن حتى الحصول على عجينه (مش ناشفه اوى انا بشكلها بمكة البيتي فور )
يتحط فى فرن ساخن فوق و تحت 4 أو 5 دقائق خلى عينك عليه علشان بيستوي بسرعه جدا
ملحوظة
انا زودت 100 جم سكر علشان كان عادب شويه بالنسبه لى