Recipe n family

Recipe n family ▪️I’m NOT A CHEF
▪️I’m a PASSIONATE COOK👩🏻‍🍳
▪️Sharing with you simple & easy recipes

28/08/2026

يحميلي عيونَك رَبّي 🙏🏻🧿💙✨

23/08/2026

أساتذة الرقص، رجاءً ما تعملولنا بلوك 🤣

21/08/2026

ما أغلى مِن الوَلَد إلاّ وَلَد الوَلَد ♥️✨

Little moments, big summer memories 🌊🩵☀️
19/08/2026

Little moments, big summer memories 🌊🩵☀️

A little piece of their childhood I wish I could keep forever 🌊🩵✨
17/08/2026

A little piece of their childhood I wish I could keep forever 🌊🩵✨

16/08/2026

My heart’s happiest memories are the ones made with them 🌊🩵✨

14/08/2026

سُكَّر نَبات 😍🌸💖✨

تيتا…تِتذَكّري لَمّا كِنّا نِنزَل لَ عندكُن؟دايماً، كِل ما بَدنا نِجي نفِلّ، تقولولنا إنتي وجدّو نَفس الجِملة:"طَب خَلّي...
10/08/2026

تيتا…
تِتذَكّري لَمّا كِنّا نِنزَل لَ عندكُن؟
دايماً، كِل ما بَدنا نِجي نفِلّ، تقولولنا إنتي وجدّو
نَفس الجِملة:
"طَب خَلّيكُن بَعد شويّ؟"
مش يا ريت لو إنتو ضلّيتو بعد شويّ؟ 💔

بتَعرفي بس وصُلني الخَبَر،
أوَّل شي مَرَق قِدّام عيوني شريط طُفولتي كِلّا…

بيت الضيعة،
الجنَينة لِ كِنتي تنَزلينا علَيها،
الشَجَر لِ كِنّا نقَطِّف مِنّو،
الدَرَج لِ كِنّا نُطلَع عليه ل تيَبسي الكِشك تَحت الشَمس،
أوضِة المونة لِ كِنتي تَعملي فيها لَبنة وتقَعدينا حَدِّك،
المَطبَخ لِ كنتي تُطبخيلنا فيه أكلات…
لَ اليوم بَس تُطبخهُن ماما، مِنقِلّا:
"بَس تيتا بتَعمِلهُن أطيَب…"

صَحن العِنَب لِ كان جِدّو يحبّو كتير،
وممنوع نفِّل مش آكلينو.
بعدني ل هلّق بس شوف العِنَب، بتذَكَّرو.

الخوخ والكرز،
لِ بس شوفهُن دِغري ذاكرتي بتُربُط هالفواكة فيكُن،
قد ما كنتو تطعمونا هنّي.

صينيّة المَتّي،
لِ كِنّا نوصَل نلاقيكي محَضِّرتيها إنتي وجِدّو،
وناطرين…

وبَس نِسألِك:
"طَب يا تيتا كِنتو شرِبتو، شو عَرَّفك بَدنا نِجي؟"
تقوليلنا:
"مَعليش، مننطُر بَركي جيتو…"

بس يا تيتا إنتو شرَبو وإذا جينا مِنكَفّي مَعكُن.
"لأ، مننطَر…بَركي جيتو…"

في أحَنّ من هيك؟
كِنتو تِقعدو وتُنطرونا، وإنتو مش عارفين إذا رح نجي أو لأ.
وهنّي هالإيّام يا تيتا، لِ بيَعرفونا إنّو جايين،
ما بينطرونا…

قدّيش رح نشتاق ل هالبركة؟

حتّى بنتي كانت محظوظة إنها عِرفِتِك،
وتنطُر نهار ل بدها تنزل ل عندك،
وتِحتار شو بدها تنَزِّلك معها ل تطَعميكي منهن.

سَلمي ع جدّو كتير،
كتير كتير كتير
وقوليلو
إنّو دايماً رح نشتاق لَ غَمرتكُن،
ولَ عيونكُن لِ ما حدا بِ شوفنا فيهُن متل ما إنتو بتشوفونا.

وقوليلو
إنتو رح تبقو أجمل جزء بطفولتي
ورح تبقو من أجمل الذكريات لِ عشتا،
ورح تعيش معي كل هالسنين.

وقوليلو
إنّو بيت الجدّ ما بيتعوَّض
وإنّو لِ بينعاش فيه ما فينا نعيشو بوَلا مطرَح
لو برَمنا الكون كِلّو.

وقوليلو
إنّو رح يبقى قلبي يِطلَع مِن مَحَلّو
كل ما بُكرا مرَقت من حَد هالبيت…

وقوليلو
نيّال ل خلقتو عندُن وصارو أهلكُن هلّق.

وقوليلو…
شو صَعب هالشعور،
إنو نقعُد وننطُركُن،
بَس ما فينا متلكُن نقول
بَركي جيتو…💔

🇱🇧❤️‍🩹…
09/04/2026

🇱🇧❤️‍🩹…

Address

…
Khobar
…

Website

Alerts

Be the first to know and let us send you an email when Recipe n family posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Recipe n family:

Shortcuts

Share

Category