23/05/2026
ٺل ويجهو ڳوٺ عودي سرڪي ۾ انسانيت کي لڄائيندڙ واقعو، بااثر وڏيري ڊاڪٽر سعيد سرڪي جي ٽرڙي پٽ بلال سرڪي مبينا طور شراب جي نشي ۾ پورهيت نوجوان نعمان پٽ فيض محمد ڪوري مٿان گوليون وسائي بي دردي سان قتل ڪري ڇڏيو. غريب پورهيت جو لاش تعلقه اسپتال ٺل منتقل ڪيو ويو، پر افسوس جو ٺل پوليس قاتل کي گرفتار ڪرڻ بدران واقعي کي “اتفاقي” قرار ڏئي اصل حقيقت لڪائڻ جي ڪوشش ڪري رهي آهي.
ڇا غريب جو خون ايترو سستو ٿي ويو آهي؟
ڇا بااثر ماڻهن لاءِ قانون رڳو رانديڪو بڻجي ويو آهي؟
نعمان ڪوري جي بيگناهه خون سان انصاف ٿيڻ گهرجي، قاتل کي فوري گرفتار ڪري سخت سزا ڏني وڃي. جيڪڏهن اڄ خاموش رهياسين ته سڀاڻي ڪنهن ٻئي غريب جو گهر اجڙي ويندو.
اسان اعليٰ اختيارين کان مطالبو ٿا ڪريون ته واقعي جو شفاف جاچ ڪرائي مقتول جي وارثن کي انصاف فراهم ڪيو وڃي.
