16/08/2026
لو انت مجربتش إنك:
ـ تفضل تطبطب على طفل بإيد واحدة من ربع ساعة لساعة وشايله بالايد التانية علشان ينام وتبص عليه تلاقيه مغمضش عينه حتى.
ـ تدخّل طفل الحمام وبعد ما تستناه ربع ساعة يقولك مش عاوز أعمل ووهو خارج من الحمام يعمل في الطُرقة.
ـ تفضل مطبق يومين ورا بعض في صويت وعياط بسبب حقنة تطعيم أخدها ولما تحاول تغمض عينك يزغدك كأنه بيقولك ازاي يجيلك نوم وأنا تعبان.
ـ تفضل تجرب من خمس لـ سبع حاجات مختلفة علشان تعرف هو بيعيط ليه وبرضو متعرفش ويفضل يعيط ويزن.
ـ إنك تقعد أصلا مع طفل لوحدك لمدة يوم كامل.
ـ تعمل مهامك اليومية وتلحق صلواتك وفيه طفل متشال على كتفك ٢٤ ساعة.
لو مجربتش ولا حاجة من دول فـ مش من حقك تقولي إيه اللي تاعبك ولا تقولي اومال انتي فاكرة الأمومة سهلة ولا إيه ولا من حقك تكلمني أصلًا، وشكرًا.
