كرم أبو عافيه Karam Abu Afia

31/01/2026

02/12/2025

الليله اخترتا وبقلوبنا وبأعلي الصوت

01/12/2025

29/11/2025

*"كل البلد بتتكلم عن المواصلات…

اللي عايز ينقل الموقف… واللي عايز يدخل عربيات…
واللي عايز يجيب أتوبيس كبير يخدم الناس.
وكل ده كلام على الورق…
لأن محدش بصّ للجدر وقال: إيه اللي بوّظ الدنيا أصلًا؟"**

حد سأل نفسه:
ليه الناس كل يوم تصحى الفجر؟
ليه تصرف نص يومها وربع دخلها في الطريق؟
ليه رايحين جايين 30 كيلو علشان شغل أو قضاء مشوار؟

هقولك ليه…
لأن بلد كاملة محرومة من الخدمات اللي المفروض تكون قدام بابها.
مشكلتنا مش إن مفيش عربية تركبها…
مشكلتنا إنك أصلاً مضطر تركب عربية علشان كل حاجة بعيدة عنك.

إحنا محتاجين:
معهد…
كلية…
بنك…
مصالح حكومية…
مكتب خدمات…
مقرات تعليمية وصحية…
حاجات تخلي الحياة في بلدنا "حياة" مش محطة عبور.

لو عندك كلية ومعهد وبنك وجهاز يقدم خدماتك…
هتحتاج مواصلات ليه؟
ليه تسافر 30 كيلو؟
ليه تضيع وقتك وعمرك وصحتك؟

إحنا مش بنعالج المشكلة…
إحنا بندور على مسكنات.
والمسكنات مش بترجع حق… ولا بتبني بلد… ولا بتحترم تعب ناسها.

اللي عايز يخدم بجد…
ما يقولش: “هجيب لكم عربيات”.
لا… يقول:
“هجيب لكم الخدمات لحد بيتكم… علشان ما تحتاجوش مواصلات أصلاً.”

الناس مش محتاجة مواصلات…
الناس محتاجة بلدها تبقى “بلد” فيها كل حاجة.

وهو ده الكلام اللي يغير…
وهو ده اللي هيوصل للناس…
لأن ده صوت وجعهم الحقيقي.

عشان كده دعمك للمرشح احمد عبدالوهاب السنبسي مش مجرد دعم لشخص او قبيله بالعكس ده دعم لمركز كامل انهارت فيه كل حاجه علي مدار ٣٠ سنه من الاهمال

وقبل ما تفكر تدي صوتك للغريب

فكر في الخمس سنين اللي جايين هيكون شكل البلد دي ازاي لو مفيش حد يدافع عنها ويلبي طلباتها

فكر انه بكره وارد يتنقل موقف الوقف لحاجر الجبل وبدل ما تصحي من ٦ الصبح هتصحي الفجر وبدل ما تدفع ٢٠ هتدفع ٣٠

بص كل يوم علي الشارع اللي بتمشي فيه

وعلي المشاريع اللي مبتكملش وبقيت مطبات صناعيه

وسال نفسك سؤال واحد وسيب ضميرك يجاوب عليه

لو مقدرتش اساعد نفسي وبن بلدي ويكون لينا صوت وكلمه وحد يدافع عننا

يا تري هعمل ايه في الخمس سنين اللي جايين ؟

هقدر فعلا ارجع محطه قطار الوقف لاهل الوقف؟

هقدر لما ابيع بن بلدي ومركزي اجيب حتي حمارتين وحطهم في الموقف ؟

هقدر ارصف شارع ؟

هقدر اصلح طريق ؟

هقدر اكمل مشروع الغاز او الصرف الصحي ؟

ولا هفضل عايش طول عمري اصرخ وابكي وقول الحقونا

29/11/2025

🔴 صوره يمكن سماعها

من مؤتمر دعم النائب : أحمد عبدالوهاب السنبسي رقم ٣٤ رمز السفينه محافظه قنا مركز الوقف

21/03/2025

المداكير تنظم اكبر حفله افطار جماعي داخل مركز الوقف بطول واحد كيلو متر

21/03/2025

ردّدُوا دعاء ليلة القدر
اللَّهمَّ إنَّكَ عَفوٌّ تُحِبُّ العَفوَ فاعْفُ عَنِّي

21/03/2025

لديك دعوة للصلاه علي النبي