25/02/2026
بالنسبة لي كونك تفتح مشروع أو محل محتاج شجاعة كبيرة جداً و دراسة جدوى ممتازة .
لكن الأهم انك تكسب عملائك بصورة فيها ثقة كبيرة !
ثقة تخليهو يذكر أسم البراند حقك و هو واثق انو ما بقول جهة ما واثق فيها مليون في المية .
ثقة تخليهو يجيك مرة و أتنين و عشرة بدون تردد .
ثقة تخليهو يطلب منك و هو مبسوط و مبتسم و في اريحية في التعامل و يسألك أعمل كده ولا كده ...الخ
كتير ناس صنعت أسماء عمل و نجحت لفترة مؤقتة ، بسبب سوء المعاملة أو سوء الإدارة و سوء المنتجات .
و أنت عاوز تبدأ بزنس أختار العاوزو بحب و أشتغل بحب و أتعامل مع الناس بحب ، في الأخر الفائدة متبادلة و ديه أهم حاجه مفروض تعرفها ❤
مبسوط اني رغم كل شيء صنعت حاجة بسيطة معمولة بحب و نجحت فيها في فترة بسيطة جدا.
العاوز اقولو ❤
انو الجملة الوحيدة الكانت بتخليني أنسى التعب و الجوطة انو شخص يقول لي نحنا واثقين فيك علشان كده بنطلب و ما خايفين ، اعتقد ماف أعظم من كده و سبب يخلي الأنسان يواصل رغم أي حاجة ممكن يلاقيها في طريقو .
شكراً لكل شخص طلب من حلويات ساريا saria sweet شكراً لأنو أنا بيكم بكبر و بحقق جزء من أحلامي❤️
#حلويات سودانيه
#اكل سوداني
