Crypto King

เส้นทาง

Crypto King Visa Card အတွက် အယုံကြည်ရဆုံး၊ စိတ်အချရဆုံး Page

27/10/2026

ကိုယ်ကျိုးစီးပွားနဲ့ တကိုယ်ရေကောင်းစားရေးတွေကို လျှော့ကြဖို့ပြောတဲ့ Post တိုင်း Ha ha လာပေးတဲ့သူတွေရှိတယ်။

အင်း... နာလိုခံခက်ဖြစ်ပြီထင်ပါရဲ့။
သူတို့ခိုးတာပြောတိုင်း တခြားသူခိုးတွေကိုပါ လက်ညှိုးထိုးပြတဲ့ သောက်ကျင့်ကြီးက အရိုးစွဲနေပြီ။

ကိုယ်မခိုးရင် မခိုးဘူးလို့ပဲ ပြောစမ်းပါ။
ဟိုလူတွေလည်း ခိုးတာပဲဆိုပြီး ကလေးအထာနဲ့မပြောစမ်းနဲ့။

ဟိုလူတွေခိုးတာက လူတိုင်းသိတယ်။
မခိုးပါဘူးပြောပြီး ခိုးနေတဲ့ ကိုယ့်ကိုယ်ကိုယ်ပြန်မြင်အောင်ပဲကြည့်။

26/10/2026

ဒီ Page မှာ ရေးခဲ့သမျှက အတော်စုံပါတယ်။

နည်းပညာပိုင်း ပါတယ်။ ဟာသပါတယ်။ နိုင်ငံရေးပါတယ်။ သရော်စာပါတယ်။ အချစ်အကြောင်းပါတယ်။ အိမ်ထောင်ရေးပါတယ်။ သံဝေဂယူစရာပါတယ်။ အရည်မရ အဖတ်မရတွေလည်းပါတယ်။ အမျိုးစုံပါပဲ။

လူတယောက် ဖြတ်သန်းခဲ့သမျှဘဝအတွေ့အကြုံတွေ ၊ခံစားခဲ့ဖူးတာတွေ၊ တွေ့မြင်ကြားသိခဲ့ရတာတွေ အကုန်အစုံနီးပါးပါတယ်။

စာရေးသူနဲ့ စာဖတ်သူ သဘောချင်းတူတာလည်းရှိမယ်။ ကွဲလွဲတာလည်းရှိမယ်။ မည်သို့ပင်ဆိုစေကာမူ တခုခုတော့ ‌ရသွားမှာပါ။ ဘာမှမရရင်တောင် ဖတ်မိလေခြင်းဆိုတဲ့ နောင်တတော့ရမှာပေါ့။

ရေးခဲ့သမျှ အကြောင်းအရာတွေထဲမှာ ကိုယ်အားစိုက်ပြီး ကိုယ်ပေးချင်တဲ့ Message ရှိတယ်။ အဲတာက...

"ကိုယ်ကျိုးစီးပွား တကိုယ်ရေကောင်းစားရေးအတွက် လုပ်ဆောင်နေကြတာတွေကို ဖယ်ထုတ်သန့်စင်ဖို့။" ပါ။

ကိုယ်ကျိုးစီးပွား ကိုယ့်အတ္တကို ရှေ့တန်းမတင်ဘဲ တကယ်စေတနာမှန်ရင် ခင်များတို့ရဲ့ ရည်ရွယ်ချက်တွေ၊ ရည်မှန်းချက်တွေ အမှန်တကယ်အောင်မြင်မယ်ဆိုတာပါပဲလေ။ ဆေးစက်ကျရာအရုပ်ထင်ပြီး စိတ်သွားတိုင်း ကိုယ်ပါ ကြံတိုင်းအောင် ဆောင်တိုင်းမြောက်ပါလိမ့်မယ်။

26/10/2026

ညီ... အဆင်ရောပြေရဲ့လား။
သတိရပါတယ်ညီ။
အခုလိုသီတင်းကျွတ်လပြည့်ညလေးမှာ ညီနဲ့အတူဖူးခဲ့တဲ့ စေတီလေးရယ်၊ ညီနဲ့အတူ ထွန်းညှိခဲ့ဖူးတဲ့ ဆီမီးတိုင်လေးရယ်... ပြီးတော့ ညီတဲ့အတူ စကားတွေတွတ်တိုးပြောခဲ့ဖူးတဲ့ ဘုရားစောင်းတန်းက ထိုင်ခုံလေးရယ်ပေါ့။

လွန်ခဲ့တဲ့ သုံးနှစ်က ညီ... ကို့ကို ဖုန်း တခါဆက်ခဲ့သေးတယ်နော်။
"အရမ်းတွေ့ချင်လွန်းလို့ ခဏလေးပြန်လာခဲ့ပါဗျာ။" ဆိုတဲ့ ညီ့အသံလေးကို ကိုမမေ့ခဲ့ပါဘူးညီ။

ဒါပေမယ့်ညီရယ်... မချစ်လို့ထားရစ်ခဲ့တာမှမဟုတ်တာ။ ချစ်လျက်နဲ့ တမင်ထားရစ်ခဲ့တာ‌ပဲလေ။ ပြီးတော့ ညီ့မိသားစု ဘဝလေးကို ကို့ကြောင့် မုန်တိုင်းမထန်စေချင်ဘူး။

မှတ်မိပါသေးတယ်ညီရယ်။
ညီ့ကို အိမ်ထောင်ချပေးတော့မယ်ဆိုတော့ ညီပြောခဲ့တဲ့ "အဝေးဆုံးကို ထွက်သွားကြမယ်။" ဆိုတဲ့စကား။

အငိုလွယ်ပေမယ့် အရှိုက်ခက်သတဲ့ညီ။ အရာရာကို ပေါ့ပေါ့လေးတွေးလို့မရဘူးညီရဲ့။ ပတ်ဝန်းကျင်ကပြောလာမယ့် နိန္ဒာ၊ ပသံသာဆိုတဲ့ လောကဓံကို ရေရှည်မှာညီခံနိုင်ရည်ရှိမှာမဟုတ်ဘူးဆိုတာ ကို အစောကြီးကတည်းက သိတာပေါ့ညီ။ အဝေးဆုံးကို ထွက်သွားရမယ်ဆိုရင် ကိုတယောက်တည်းသာ ညီ့ဘဝထဲက ပျောက်ကွယ်ရမယ်ဆိုတာ ကိုယ်သိခဲ့ပြီးသားပဲလေ။

ဘာလိုလိုနဲ့ ညီနဲ့ ဝေးခဲ့တာ ခုနစ်နှစ်တောင် ရှိပြီနော်။ ညီ့မှာ သားလေးမွေးတယ်လို့ သတင်းကြားပါတယ်ညီ။ အခုဆို ညီ့သားလေးလည်း ကျောင်းတက်နေလောက်ရောပေါ့။ ညီ့သားလေးသာ ညီနဲ့တူမယ်ဆိုရင် အရမ်းချောတဲ့ ကလေးလေးဖြစ်မှာသေခြာတယ်။

ညီ့ရဲ့အမွေအဖြစ်ညီ့သားလေးမှာ ရှိလာမှာက မျက်ခုံးမွေး ထူထူနဲ့ မျက်တောင်ရှည်ကြီးတွေ၊ အရည်လဲ့နေနဲ့ မျက်လုံးတွေ၊ ယောက်ျားလေးနဲ့ မလိုက်ဖက်စွာ နုထွေးနီရဲနေတဲ့နှုတ်ခမ်းတွေ၊ ပြီးတော့ ကြည်လင်တောက်ပနေတဲ့ ညီ့အသားအရေတွေရောပေါ့။

ကို... ညီ့ကို နောက်ဆုံးမှာခဲ့သလိုပေါ့ညီရယ်။ ကို့ ကိုချစ်ရင် ညီ့ဇနီးကို ပိုချစ်ပေးပါ။ ကို့ ကို တခါသတိရတိုင်း ညီ့ဇနီးကို အနမ်းတပွင့်ပေးပါ ဆိုတာလေ။ အခုတော့ ညီ့မှာ ပိုချစ်ရမယ့်နှောင်ကြိုးလေးပါ ထပ်တိုးလာပြီပေါ့။

ကို့ ကို သတိမရပါတော့နဲ့ညီ။
သတိရစရာရှိရင် ကိုပဲ သတိရမယ်။ လွမ်းစရာရှိရင် ကိုပဲလွမ်းမယ်။ ဆွေးစရာရှိရင်လည်း ကိုပဲဆွေးပါ့မယ်။

ညီကတော့ သာယာအေးချမ်းတဲ့ မိသားစုဘဝလေးမှာ ပျော်ရွှင်စွာ ကျန်နေရစ်သင့်တာလေ။

26/10/2026

ငါပြောပါတယ်။ အဆင့်ဆင့်ခိုးကြပါတယ်လို့။
ငတ်နေသူကို ထောက်ပံ့တာတောင် ရသင့်တဲ့အတိုင်း အပြည့်အဝမပေးဘူး။

အထက်ကို စာရင်းတင်တော့ အတိအကျ။
ပြန်ဝေပေးတော့ မပြည့်မဝ။
ပိုတာ ဘယ်ရောက်။ ဘယ်ကောင်ခိုးတာလဲ။

ထောက်ပံ့တာကိုယူတယ်ဆိုတာ မရှိလို့ယူရတာ။ ငတ်လို့ယူရတာ။ ရှင်းရှင်းပြောရရင် ခွက်ဆွဲမတောင်းရတာပဲရှိတယ်။ ယူရပေမယ့် ရှက်တယ်ကွ။ ငါ့ဝမ်းပူဆာ မနေသာလို့ယူကြရတာ။ ဖြစ်နိုင်ရင် ဘယ်သူမှ ပေးစာကမ်းစာနဲ့ အသက်မရှင်ချင်ဘူး။ ကိုယ်သာ ပေးလိုက်ချင်ကြတာချည်း။

ခုတော့ကွာ...
ငတ်နေသူဆီက ထမင်းလုတ်တောင် ချမ်းသာမပေးဘူး။ ခိုးချက်က။

တယ်... ငါမပြောလိုက်ချင်ဘူး။

26/10/2026

Starlink Billing Service မှာ ကျရှုံးသွားတဲ့သူတွေ တွေ့ရတယ်။ ပုံမှန်ဆို Billing Service မှာ ရှုံးတယ်ဆိုတာ ရှိကိုမရှိဘူး။ $ ဈေးကမောက်ကမဖြစ်လို့ အမြတ်နည်းသွားတာမျိုးတော့ရှိမယ်။

အကယ်၍ ကိုယ်တောင်းထားတဲ့ဈေးနဲ့ တက်လာတဲ့ $ ဈေး လုံးဝ ဟန်ချက်မညီလို့ရှုံးရင်တောင် စက်အနည်းငယ်အပေါ်မှာပဲရှုံးမယ်။ ကျန်တဲ့စက်က အမြတ်နဲ့ထေလိုက်ရင် အရင်းတော့ ပြန်ရတယ်။ ဒါဖြင့် တချို့တွေဘာကြောင့် Billing Service လောက ကနေ ပျောက်ကွယ်သွားရတာလဲ။

(၁) ကတိမတည် မမှန်ကန်တာကြောင့်။

Customer ဘက်က ငွေလွဲတာကြာနေပြီ။ ဆောင်မပေးဘဲ ပစ်ထားတာမျိုး။ တချို့ကလည်း တောင်းထားတဲ့ဈေးနဲ့ တက်လာတဲ့ $ ဈေး မကိုက်တော့တဲ့အတွက် ရှုံးမှာကြောက်ပြီး $ ဈေးအကျကိုစောင့်တယ်။ အကျမှာပဲ ဝယ်ဆောင်ပေးမယ်ဆိုပြီး အချိန်ရွေ့တယ်။ အဲဒီလိုလုပ်လိုက်တာက Customer ရဲ့ ယုံကြည်မှု ပျောက်ဆုံးတယ်။ တက်တက်ကျကျ ရှုံးခဲ့ရင်တောင် အရှုံးခံဆောင်ပေးရဲရမယ်။ ကတိကိုတော့ လုံးဝမဖျက်ရဘူး။

ကိုယ်ဆိုရင် USDT အရောင်းမှားပြီး ခွက်ခွက်လောရှုံးတာရှိတယ်။ ဈေးတက်နေတာမသိဘဲ ကျဈေး ဈေးအဟောင်းအတိုင်း ရောင်းမိတဲ့ အချိန်တွေရှိတယ်။ ဘယ်လိုဖြစ်ဖြစ် ကိုယ်ပြောပြီးသားဈေး ပြန်မပြင်ဘူး။ အရှုံးခံရောင်းပေးလိုက်တယ်။ Customer အပေါ်တော့ မှားသွားလို့ပါဆိုပြီး ငွေထပ်မတောင်းဘူး။ ကိုယ်မှားရင် ကိုယ်ခံပဲ။

(၂) ပြတ်သားမှုမရှိခြင်း။

ဘေလ်ဆောင်ရမယ့်ရက်ရောက်နေတာတောင် ငွေကို ပြတ်ပြတ်သားသား မတောင်းရဲတာ။ မိတ်ပျက်မှာစိုးတဲ့စိတ်နဲ့ လိုက်လျောရင်း မျှောပါရင်း အခန့်မသင့်ရင် ကဒ်ချိတ်ထားမိတဲ့စက်က အော်တိုဖြတ်သွားလို့ ဘေလ်သာဆောင်ပေးလိုက်ရတယ်။ ငွေတောင်းလို့မရသေးတာမျိုးတွေ ဖြစ်တယ်။ အမှန်က ကဒ်အပိုဆောင်ထားရမယ်။ လက်ခက်တဲ့ Customer ဆိုရင် ချက်ချင်း ကဒ်အစားထိုးပစ်ပြီး ပစ်ထားနိုင်ရမယ်။ တကြိမ်က နှစ်ကြိမ် စည်းဖောက်လာပြီဆိုရင် Get Out ပဲ။ အဲဒီ Customer မျိုး အယောက်တရာမလိုချင်ဘူး။ မှန်ကန် တိကျတဲ့ Customer တယောက်ပဲ လိုချင်တယ်ဆိုတဲ့စိတ်မျိုးနဲ့ ပြတ်ပြတ်သားသားဆက်ဆံရဲရမယ်။ ကြိုက်‌တဲ့နေရာသွား။ ကိုယ့်လိုမှန်ကန်တိကျစွာလုပ်ဆောင်မပေးနိုင်လို့ ပြဿနာဖြစ်လာမှ တကြော့ပြန်မလာနဲ့ဆိုပြီး ရဲရဲကြီး နှင်ထုတ်ပစ်ရဲရမယ်။

(၃) အမြတ်ကို အကုန်ထုတ်စားခြင်း။

ဒါ လုံးဝမှားတယ်။ Visa Card တွေမှာ ကဒ်လက်ကျန်ချန်ရတယ်။ ဒါ့အပြင် ကမ္ဘာ့ငွေကြေးလဲလှယ်နှုန်းအရ ဖြတ်ငွေသည် တကြိမ်နဲ့တကြိမ်မတူဘူး။ အနည်းငယ် အတိုးအလျော့ရှိတယ်။ ဒီအချက်ကို နားမလည်ဘဲ အနည်းဆုံးဖြတ်ငွေကို ပုံသေမှတ်ထားပြီး အဲဒီအတိုင်းတွက်တောင်းနေရင် မှားမှာပဲ။ ပြီး ကဒ်ထဲ ကွက်တိတွေထည့်တယ်။ ဆောင်မရလို့ Failed ဖြစ်ရင် Card Fee က နေရင်းထိုင်ရင်း ကုန်ပြီ။ တကြိမ်နှစ်ကြိမ်မသိသာပေမယ့် အကြိမ်ရေများလာတဲ့အခါ အတော်ထိတယ်။ နှမြောပြီး ကွက်တိထည့်လေလေ ပြဿနာကို ပိုပြီး လက်ယပ်ခေါ်လေလေပဲ။ ကဒ်လက်ကျန်ချန်တာထက် ပိုမှ အမြတ်လို့တွက်ရပါမယ်။ အကုန်ထုတ်စားမပစ်ရဘူး။

(၄) Background ကောင်းကောင်းမရှိခြင်း။

ကိုယ်တိုင်က Visa Card တွေရဲ့ သဘောသဘာဝနဲ့ Starlink ဆိုင်ရာ နည်းပညာတွေကို ကျွမ်းကျင်နေရင် ပြဿနာမရှိဘူး။ မကျွမ်းကျင်ရင် Support ပေးနိုင်မယ့် Background ကိုရှာရမယ်။ Customer ရှေ့မှာတော့ ကိုယ်တိုင် ဆောင်ရွက်သလိုပဲ မြင်စေရမယ်။ သို့သော် ကိုယ့်နောက်ကွယ်မှာ ကိုယ့်ကို ထောက်ကန်ထားနိုင်မယ့်သူ ရှိထားရမယ်။

(၅) အလုပ်ကို မလေးစားခြင်း။

ကိုယ်လုပ်ရမယ့်အလုပ်ကို မလေးစားတာကလည်း ကျရှုံးခြင်းရဲ့ လမ်းစပဲ။ ဘေလ်သာဆောင်စားနေတယ် စက်ဘယ်နှလုံးရှိမှန်းမသိ၊ ဘယ်စက် ဘယ်ရက်ဆောင်ရမယ်ဆိုတာမသိ၊ စက်ပိုင်ရှင် ဘယ်သူဆိုတာ မှတ်မထား။ စာရင်းဇယားမရှိဘဲ ပစ်စလခတ်ပရမ်းပတာလုပ်နေရင် အဲဒီလူ ကျရှုံးမှာပဲ။ ကိုယ့်အလုပ်နဲ့ပတ်သက်တာအကုန် စာရင်းအင်းတဲ့တကွ အတိအကျ ကိုယ့်မှာရှိနေရမယ်။

🤐
26/10/2026

🤐

မသိဘူး။ ကြော်ငြာမယ်။ 🫩
25/10/2026

မသိဘူး။ ကြော်ငြာမယ်။ 🫩

25/10/2026

LGBT အများစုက သူများတကာထက် ထိုးထွင်းဉာဏ် ပိုကောင်းတတ်တယ်။ တီထွင်ကြံဆမှုမှာလည်း အများတကာထက် သာလေ့ရှိတယ်။ ကိုယ်တွေ့ဖူးသမျှကတော့ ဒီအတိုင်းပဲ။

ခက်တာက LGBT လို့ပြောရင် မြန်မာ့လူ့ဘောင်အဖွဲ့အစည်းက သိပ်လက်မခံချင်ကြဘူး။ နယ်ဘက်တွေဆို ပိုဆိုးတယ်။ လှောင်ပြောင်သရော်တာတွေက ပိုပြီး ဆိုးရွားတယ်။

ရုပ်ရှင်တွေ၊ ဗွီဒီယိုတွေမှာလည်း LGBT ဆိုရင် ပြောင်ပြောင်လက်လက် မထော်မနန်းတွေဝတ်ပြပြီး ယောက်ျားလေးမြင်တိုင်း အသံသေး အသံကြောင်နဲ့ အော်ဟစ်မြှူဆွယ်တာမျိုးတွေ ရိုက်ပြလေ့ရှိတယ်။ ကြည့်လိုက်တာနဲ့ အော်ဂလီဆန်ချင်စရာကောင်းအောင်ကို ရိုက်ပြတာ။ သူတို့ရိုက်ပြသလိုမျိုးလည်း အပြင်လောကမှာ ရှိကောင်းရှိမှာပါပဲ။

ဒါပေမယ့် နယ်ပယ်တခုမှာ ဂုဏ်သိက္ခာရှိရှိ ရပ်တည်နေတဲ့ LGBT တွေလည်း အများကြီးရှိတယ်နော်။ ဒါမျိုးကိုကျ သိပ်ရိုက်မပြကြဘူး။

ရုပ်ရှင်တွေ ဇာတ်လမ်းတွေဆိုတာ ပြည်သူလူထုကို အများကြီး လွှမ်းမိုးတယ်။ အသိမှား အမြင်မှားစေမယ့်အကြောင်းအရာတွေကို ရိုက်ပြလိုက်ရင် အဲဒီအတိုင်းပဲလို့ ထင်မြင်ယူဆသွားတတ်ကြတယ်။ အထူးသဖြင့် အတွေးအခေါ်နုံနဲ့တဲ့သူဆိုရင် ဘာမှဝေဖန်ပိုင်းဆစ်မနေတော့ဘူး။ ရုပ်ရှင်ကဒီလိုရိုက်ပြရင် ဒါဟာတကယ်ပဲလို့ကို မှတ်ထင်ယူဆသွားတယ်။ သူနဲ့ ဆန့်ကျင်ဘက် အခြားအရာရှိပါသေးလားဆိုတာ သူမတွေးတတ်ဘူး။ တွေးခေါ်နိုင်စွမ်းလည်းမရှိဘူး။

LGBT တွေရဲ့ ထက်မြက်တဲ့ ဉာဏ်ရည်နဲ့ တီထွင်ဖန်တီးနိုင်စွမ်းတွေကို အကောင်းဆုံး မြေတောင်မြှောက်ပေးလိုက်ရင် သူတို့တွေကလည်း နိုင်ငံအတွက် တထောင့်တနေရာကနေ အကျိုးပြုနိုင်တယ်။

သူတို့သေနတ်မပစ်တတ်တာမျိုးရှိမယ်။ လက်ဝှေ့မထိုးတတ်တာမျိုးရှိမယ်။ ဘောလုံးမကန်တတ်တာမျိုးရှိမယ်။ ဒါပေမယ့် အလှအပနဲ့ တီထွင်ဖန်တီးနိုင်စွမ်းအားတွေ သူတို့မှာရှိမယ်။ နိုင်ငံတနိုင်ငံက Hard Power နဲ့ချည်းသွားလို့မရဘူး။ Soft Power လည်းလိုတယ်။

LGBT တွေကို ချစ်ဖို့မလိုဘူး။ LGBT တွေကို သနားဖို့လည်းမလိုဘူး။ ဒါပေမယ့် သူတို့ရဲ့ ဖြစ်တည်မှုကို စော်ကားပိုင်ခွင့်တော့မရှိဘူး။

ဟော... 🤭
25/10/2026

ဟော... 🤭

25/10/2026

ချေစရာ စကားလုံးတွေ ရှာပေးဦးမယ်။
ထော်ကိုင်းကို မြန်မာတွေ ကျွန်ပြုခဲ့တာအမှန်ပဲ။
လက်ရှိ မြန်မာတွေ ထော်ကိုင်းမှာ အလုပ်လုပ်နေတာလည်း အမှန်ပဲ။ ဒါကို တန်းညှိပြီး ပြောလာရင် ဟောဒီလိုပြန်ပြော။

"ကျွန်ပြုတာနဲ့ လုပ်အားရောင်းစားတာကိုတောင် ကွဲပြားအောင် နားမလည်ဘဲ သုတ်ပိုးငယ်ထိပ် တက်ဆောင့်နေတဲ့ဟာတွေ။" လို့။

ငါတို့က ဒင်းတို့ကို ကျွန်ပြုခဲ့တာ။
အခုလက်ရှိက လုပ်အားရောင်းစားနေတာ။ တနိုင်ငံလုံး ကျွန်ပြုခံရတာမဟုတ်ဘူး။

ညည်းတို့လည်း သိကြ။
စကားလုံးရော အခြေအနေရော မတူဘူးဆိုတာ။

ပြောရတာ မောတယ်။ 🫩

ที่อยู่

Amphoe Nakhon Thai

เวลาทำการ

จันทร์ 09:00 - 20:00
อังคาร 09:00 - 20:00
พุธ 09:00 - 20:00
พฤหัสบดี 09:00 - 20:00
ศุกร์ 09:00 - 20:00
เสาร์ 09:00 - 20:00
อาทิตย์ 09:00 - 20:00

เว็บไซต์

แจ้งเตือน

เป็นคนแรกที่รู้ข่าว: เราจะส่งอีเมลแจ้งเมื่อ Crypto King โพสต์ข่าวสารและโปรโมชั่น อีเมลของคุณจะไม่ถูกนำไปใช้เพื่อวัตถุประสงค์อื่น และคุณสามารถยกเลิกการรับข่าวสารได้ทุกเมื่อ

ทางลัด

แชร์

หมวดหมู่