เว็บไซต์คืออะไร?

https://youtube.com/channel/UCIrxjF442JauLnVuiFM-ylg

Eat with Seng, Bangkok (2026)

02/10/2026

ဟိုးကြည့်မြင်တိုင်က ဆိုင်ပုစိလေးကနေ ကော်ရည်ဆို ဒီဆိုင်သွားဆိုတဲ့ထိ ရန်ကုန်ရဲ့ နာမည်အကြီးဆုံးဖြစ်လာတဲ့ကော်ရည်ဆိုင်...♨️

ကြည့်မြင်တိုင်မှာ စဖွင့်တယ်...ကော်ရည် တမျိုးတည်းကို အသားစုံနဲ့ စွယ်စုံရောင်းရင်း နာမည်ကြီး ၊ Brand ခွဲတွေ ဆိုင်ခွဲတွေအများကြီးနဲ့ ကိုယ်ပိုင်စားသောက်ကုန် တံဆိပ်ပါ ထပ်ထုတ်တဲ့ထိ အရမ်း ကြိုးစားတယ်။✨

ဒါပေမယ့် မူလ ဘူမိ နေရာ ကြည့်မြင်တိုင်ကနေ ဘယ်တော့မှ မစွန့်ခွာသွားတဲ့ ကော်ရည်ဆိုင်။ ဟုတ်ပါတယ်...အဲ့ဒါ NooDi ပါပဲ။

ကြည့်မြင်တိုင်ရဲ့ နေရာပေါင်းစုံမှာ အမျိုးမျိုး ပြောင်းဖွင့်ခဲ့သမျှ NooDi ဆိုင်တွေထဲမှာ ဒီတခါ ဖွင့်လိုက်တဲ့ NooDi ဆိုင်က ၂ ထပ်အကျယ်ကြီးနဲ့ အပေါ်ရော အောက်ရော ရှင်းသန့် လင်းထင်းစိတ်ချမ်းသာနေတာပဲ။💕

NooDi မှာ ကော်ရည် ခေါက်ဆွဲ မှာရင် အထာရှိတယ်။ ဘယ်အသားလဲ ရွေးပြီးမှာလို့ရတယ်။

အဲ့ဒါက်ိုမှ ပန်းကန်အပြည့်မောက်ကြီးနဲ့ကို ၉,၅၀၀ ပဲပေးရတယ်။

ကုန်ဈေးနှုန်းတွေတက်တဲ့ကာလမှာတောင် အသားမခို၊ ကော်ရည်မခို၊ ခေါက်ဆွဲမခိုဘူး။
ငါးပိထောင်း ကြိုက်သလောက်တောင်း။
စေတနာပါတယ်။

ကော်ရည်ခေါက်ဆွဲကို ကြက်ပေါင်း၊ကြက်စင်းကော၊ဝက်လက်၊ ဝက်နံရိုး၊ဝက်အမယ်စုံ၊အသားလုံးတွေနဲ့ စားလို့ရတယ်။🍛

ကော်ရည် ခေါက်ဆွဲအပြင် ကော်ရည် ထမင်းပေါင်း၊ ဆီကော်ခေါက်ဆွဲ နဲ့ ကြက်ပေါင်းခေါက်ဆွဲပြုတ်တွေအဓိက ရတယ်။🍲

ကိုယ်တွေအဲ့ဆိုင်မှာ အမြဲစားတာ ဝက်အမယ်စုံကော်ရည်ထမင်းပေါင်းနဲ့ ဝက်နံရိုးနုကော်ရည်ခေါက်ဆွဲ။

ဝက်နံရိုးကို အရိုးများတာမသုံးဘဲ အသားများပြီး နုတာသုံးတာကိုက NooDi Signature ပဲ။

ပြီးတော့ ကော်ရည်နဲ့သိပ်လိုက်တာ ၂ ခု ထပ်ရှာဖွေတွေ့ရှိခဲ့တာ သူ့ဆိုင်က ကန်စွန်းရွက်သုပ်ကို ကော်ရည်နဲ့စားကြည့်။

ပြီးတော့ ဖက်ထုပ် ဂျွမ်းဂျွမ်းကြော်ကို ကော်ရည်ထဲစိမ်စားကြည့်။

သက်သက်လွတ်ကော်ပြန့်ကြော်လေးလည်း ပြောင်းဖူးလေးတွေပါပါတယ် ချိုနေတာပဲ။

ဈေးတွေကတော့ ၅,၅၀၀-၇,၀၀၀ လောက်ပဲ။ ခုချိန်ထိတန်နေတုန်းပဲ။

ကော်ရည်မီနူးတွေအပြင် မထင်ထားဘဲ သွားစားကောင်းနေတာ တရုတ်တန်းခေါက်ဆွဲကြော်/ ကြာဆံကြော်တွေ၊ မလေးရှားဆန်ပြားကြော်တွေပါ တော်တော်လေး ပွဲကြီးပြီး အရသာရှိနေတာ။ ဈေးကြည့်တော့လည်း တသောင်းဝန်းကျင်လေးတွေ။

အရင်က NooDi မှာ မရခဲ့တဲ့ ထောပတ်သီးဖျော်ရည်တို့၊ စတောဘယ်ရီဖျော်ရည်တို့၊ ချောကလက် milkshake တွေ၊ Banana Milkshake တွေပါရနေပြီ။

နေရာက ၂ ထပ်ဆိုတော့ မိသားစုတွေ၊ လူများများအဖွဲ့များများ လာစားကြတယ်။ မိသားစု စားဝိုင်းကြီးတွေရှိတယ်။ အပြန်လက်ဆောင် ဝယ်သွားဖို့ Easy Way by NooDi အိမ်ချက်ဟင်းလျာထုပ်တွေရှိတယ်။

လိပ်စာက ကြည့်မြင်တိုင် ဘူတာနောက်တည့်တည့်မှာ ၂ ထပ်ဆိုင်ကြီး ဟီးထနေတာပဲ။Catering တွေဆိုလည်း သူ့ကော်ရည်မီနူးတွေ မှာကျွေးကြတာများတယ်။

မနက် ၁၁ နာရီဆိုတာနဲ့ ဖွင့်ပြီ။ ည ၈ နာရီထိ ညစာပါ စားလို့ရတယ်။

☎️ဖုန်း- 𝟎𝟗 𝟒𝟓𝟒𝟏𝟔𝟔𝟑𝟏𝟎, 𝟎𝟗 𝟒𝟐𝟎𝟎𝟓𝟕𝟐𝟗𝟐

📍ဆိုင်ဖွင့်ချိန်-𝟏𝟏:𝟎𝟎 𝐚𝐦 ~𝟖:𝟎𝟎𝐩𝐦

လိပ်စာ-အမှတ်၄၇ အထက်ကြည့်မြင်တိုင်လမ်း၊ဘူတာမှတ်တိုင်ကပ်လျက်၊ကြည့်မြင်တိုင်မြိုနယ်၊ရန်ကုန်မြို့။

24/09/2026

တောင်ဥက္ကလာမှာ အသစ်ထပ်ဖွင့်ထားတဲ့ ဒီဆိုင်လေးမှာ မနက်စာတွေအပြင် ညထမင်းကြော်ပါရတာ စုံနေရောပဲ..✨☕️

အရင်က ညနေပိုင်းသီးသန့်ဖွင့်တဲ့ လက်ဖက်ရည်ဆိုင်လေးကနေ အခု မနက်စာပါ အေးအေးလူလူစားလို့ရအောင် မနက် ၆ခွဲလောက်ဆို စဖွင့်ပြီတဲ့..

ဆိုင်နာမည်လေးကတော့ “မြိုင်” ဆိုတဲ့အတိုင်း တစ်ဆိုင်လုံးစိမ်းစိုစိုအပင်လေးတွေနဲ့ ထိုင်လို့ကောင်းတယ်။

ဒီမှာက ပေါ့ပေါ့ပါးပါး မနက်စာမီနူးတွေအပြင် နေ့လည်နေ့ခင်း ရုံးသမားတွေစားလို့အဆင်ပြေမယ့် နေ့လည်စာ one portion set menu တွေ… ညဆို ဟင်းအစုံနဲ့ စားလို့ရမယ့် ညထမင်းကြော်မီနူးတွေပါရသေးတာ..

ရှားရှားပါးပါးစားလို့ရတာက ဆိုင်ရဲ့ signature ဂဏန်းမုန့်ဟင်းခါး🦀 ဟင်းရည်ပျစ်ပျစ်မွှေးမွှေးထဲ ချိုအိနေတဲ့ ဂဏန်းအကောင်လိုက်ထည့်ချက်ထားတာ အရသာခပ်လေးလေးကိုမှ ဂဏန်းသားအချိုဓာတ်လေးနဲ့ လျှာစည်းစိမ်ခံလို့ကောင်းရော..

ပြီးရင်မနက်စာထဲက ပူပူနွေးနွေးဒင်းဆမ်းပေါင်း ဝက်သားပေါင်းနဲ့ နိုင်လွန်ပေါင်းအကိတ်ကြီးတွေ..
ပျစ်နှစ်ဆိမ့်နေတဲ့ နို့စိမ်းခေါက်ဆွဲတွေ၊ နန်းကြီးသုပ်၊ တိုဟူးနွေး၊ ရှမ်းခေါက်ဆွဲတွေ..
မြိုင်ရဲ့ မလိုင်ဖတ်အပြည့်နဲ့ စီလုံတီးတစ်ခွက်လည်း မပါမဖြစ်ပဲ..

အခုဆို နေ့လည်စာမီနူးတွေပါ ထပ်တိုးထားတော့ ရွေးစရာကအစုံပဲ။ one portion ကိုမှ ၁ယောက်စာ ဝဝလင်လင်စားလို့ရတဲ့ဆိုဒ်မျိုးမလို့ ရုံးသမားတွေအတွက်လည်း အဆင်ပြေတယ်..

♨️ထိုင်းစတိုင် အနံ့မွှေးမွှေး ကြက်ပင်စိမ်းထမင်း

♨️အခေါက်အသားကြွပ်ရွပြီး ကြက်သွန်ဆီချက်လေးနဲ့ချက်ထားတဲ့ ဝက်ခေါက်ကင်

♨️သုံးထပ်သားနူးအိနေအောင်ပေါင်းထားတာလေးကို အရည်ရွှဲရွှဲဆမ်းစားလို့ကောင်းတဲ့ ဝက်သုံးထပ်သားစတူး

♨️ထိုင်းက တရုတ်တန်းမှာ စားတဲ့ပုံစံမျိုး ကြက်ဥအနှစ်များများနဲ့ ဆိမ့်နေအောင်ချက်ထားတဲ့ ပုစွန်ကြက်ဥအနှစ်ချက်

ဒီလို နေ့လည်စာ one portion မှာရင် ဟင်းချိုပူပူလေးတစ်ခွက်နဲ့ အအီပြေ အချဉ်ကလည်း အရံသင့် ချပေးသေးတာ..

ညနေခင်းထမင်းကြော်နဲ့စားဖို့က ဟင်းအမျိုး ၂၀ ကျော်လောက်ရှိတာ။ ထမင်းကြော် ၁ပွဲမှာရင် ငရုတ်သီးနဲ့ ပဲသီးထောင်းလေးရယ်၊ ငပိထောင်း နဲ့ ကြက်ရိုးဟင်းချိုလေးပါ ပေးတာ။ စျေးတွေက ၁ပွဲကို ၄၀၀၀ လောက်ကစတယ်..

မဟုတ်လည်း ဒီမှာက အကြော်စုံတစ်ပွဲမှာပြီး ရေနွေးကြမ်းထိုင်သောက်လို့ကောင်းတဲ့ vibe မျိုးလေး။ ကိုယ်ကတော့ အပြင်ဝိုင်းက စိမ်းစိုစိုအပင်လေးတွေကြားမှာထိုင်ပြီး view လေးကြည့်ရတဲ့ ဖီလင်ပိုကြိုက်တယ်..

ပိုပြီး private ဆန်ဆန်ထိုင်ချင်ရင်တော့ အင်းယားကန်ဘောင်နားက ဆိုင်ခွဲအဟောင်းလေးမှာ သွားထိုင်ဖြစ်တယ်။ ဆိုင်ရဲ့ vibeကိုက အစားအသောက်ကို ဇိမ်နဲ့အေးအေးလူလူ ထိုင်စားရတဲ့ vibe မျိုးပေးထားတာလေးမို့ ပိုသဘောကျတယ်..🍃

တခါတလေတော့လည်း ကိုယ်ကြိုက်တဲ့မုန့်လေးတစ်ခုနဲ့ မနက်ခင်းကို အေးဆေးဖြတ်သန်းဖို့ ထိုက်တန်တယ်လေနော်..☕️

📍“ Myaing Tea House “
⏰ Open Daily - 6:30 AM - 11:00 PM
🏡 အမှတ် (၁၂၉/၁၃၀)၊ ၈ရပ်ကွက်၊ စက်မှုစုံ ၃လမ်းထိပ်၊ ဝေဇယန္တာလမ်း၊ တောင်ဥက္ကလာမြို့နယ်၊၊

#မနက်စာ #ညနေခင်းထမင်းကြော်

04/09/2026

မြောက်ဒဂုံမှာ ဒီဆိုင်ဖွင့်လိုက်တာ လူတွေ နေ့ရောညရော လာစားကြတာ အပြည့်တဲ့...🔥☕️

ဒီဆိုင်ကို ဘယ်လောက် မြောက်ဒဂုံကို လာစေချင်ကြလဲဆို စဖွင့်တာမှ တလမပြည့်သေးဘူး။ ခုထိ တရက်မပြတ် လူအပြည့်၊ ကားအပြည့် လာစားကြတာ အဲ့နားကို စည်နေရော။🫢

ဘယ်ဆိုင်လဲဆို ရန်ကုန်မှာ ကော်ရည် နဲ့ နာမည်ကြီးလာပြီး ဒင်းဆမ်း နဲ့ မနက်စာတွေ၊ ဖက်ထုပ်၊ စီချွမ်ခေါက်ဆွဲနဲ့ အစားသောက်လောကမှာ နာမည်ယူလာတဲ့ NooDi & Her Creations ပေါ့။

ဒီဆိုင်နာမည်ကြားတာနဲ့ ကော်ရည် ခေါက်ဆွဲနဲ့ ကော်ရည် ထမင်းပေါင်းပဲမြင်ပြီဆို မေ့လိုက်တော့။

ခု မြောက်ဒဂုံဆိုင်သစ်မှာ မနက် ၇ နာရီတည်းက ရောင်းတာ တခါမှ ဒီဆိုင်နဲ့ တွဲမမြင်ဖူးတဲ့ မနက်စာတွေ...

👉 ငါးထမင်းနယ်၊ ဟင်းထုပ် ၊ ရှမ်းခေါက်ဆွဲ ၊ တိုဟူးနွေး ၊ ရန်ကုန်မုန့်ဟင်းခါး ၊ နန်းကြီးသုပ်၊ နန်းပြားသုပ် ၊ မြီးရှည်၊ ထောပတ်ဘိန်းမုန့် ၊ ငါးမုန့်တီသုပ်၊မတ်ပဲကြော်၊ဆိတ်စမူဆာကြော် အဲ့လို မနက်စာတွေ....

👉အိမ်လုပ်၊ ဒင်းဆမ်း အသားပေါင်း တွေနဲ့ ချိစ်တို့ ဂဏန်းသားတို့လိုအစုံ ရှောင်လုံးဘောင်း ဟင်းရည် ပေါက်စီတွေ...

👉ထုံစပ်နေတဲ့ နီရဲရဲ စီချွမ်ခေါက်ဆွဲတွေ၊ ကြက်ပေါင်း ခေါက်ဆွဲတွေ၊ ဖက်ထုပ်နဲ့ ခေါက်ဆွဲအရောတွေ၊ မာလာခေါက်ဆွဲတွေ...

ဘာစားစား မနက်စာတွေဆို ၅,၀၀၀ ဝန်းကျင်၊ ခေါက်ဆွဲတွေဆို တသောင်း ဝန်းကျင်က စပြီး တန်မှတန်...

ဒီဆိုင်လေးက ကားရပ်စရာနေရာတွေလည်း ကျယ်တယ်...

မြောက်ဒဂုံ ဘုရင့်နောင်လမ်းမလို အချက်ခြာနေရာမှာရှိတော့ လူလည်း တအားစည်တယ်။

ပြီးတော့ ဆိုင်လေးကို သန့်ပြန့်နေအောင် စိတ်ချမ်းသာအောင် ပြင်ဆင်ထားတယ်။ မီနူးတွေကအစ ကြည့်ရတာ စိတ်ချမ်းသာတယ်။

အဓိကက ဆိုင်ရှင်က သူ့ဆိုင်လေးကို သားသမီးလို သေသေချာချာ ပြုစုပျိုးထောင် ဖန်တီးထားမှန်းသိရတယ်။

သွားစားမယ်ဆို ပုံထဲက မနက်စာတွေ၊ ခေါက်ဆွဲတွေစားခဲ့။ ကော်ရည်ကတော့ NooDi နဲ့ တွဲမြင်ပြီးသားမို့ မညွှန်းတော့ဘူး။😉

ဆိုင်နာမည် "NooDi & Her Creations"

လိပ်စာ- အမှတ် ၃၂၄ , ဘုရင့်နောင်လမ်းမ၊ ၃၁ ရပ်ကွက်၊ မိတ်ကပ် SORA ကျောင်းရှေ့၊ ဘေးနားမှာ မိသားစု Mart ရှိတယ်။

ဖွင့်ချိန်-မနက် ၇ နာရီကနေ ည ၈နာရီခွဲထိ။

ဖုန်း-𝟎𝟗𝟒𝟐𝟎𝟎𝟓𝟕𝟖𝟕𝟑

05/08/2026

မြောက်ဒဂုံအထိကို ချောင်းသာက ပင်လယ်စာလှိုင်းလုံးကြီးရောက်ချလာတာဆိုတာ ချက်ပို့ စားဖို့ ကမ်းခြေသွားစရာမလိုတော့ဖူး..🦞🌊

အခု မြောက်ဒဂုံမှာ အသစ်စက်စက်ဖွင့်ထားတာ #ချောင်းသာအရသာချက်ပို့ ဆိုင်တဲ့.. ဆိုင်ကလည်း မိသားစုလိုက် လာစားလို့ရတဲ့ vibe မျိုး ကျယ်ကျယ်ဝန်းဝန်းနဲ့ကို ဖွင့်ထားတာ..

ဆိုင်နာမည်က K ချောင်းသာ seafood တဲ့..🦞

ဒီမှာကလေ ချောင်းသာမှာစားရတဲ့ ချက်ပို့အရသာအတိုင်းကို ချက်ပေးထားတာ။ ဟင်းပွဲတွေဆိုလည်း portion များပြီး စျေးသက်သာချက်က ပင်လယ်စာ၁ပွဲကိုမှ ဘာစားစား ၁၈,၀၀၀ -၂၀,၀၀၀ ဝန်းကျင်..

ဆိုင်ရှင်အမဆိုလည်း သဘောကောင်းချက်က သူ့ရဲ့ဝါသနာအရင်းခံပြီး ချောင်းသာမှာစားရတဲ့အရသာတိုင်း စားစေချင်လို့ ဒီဆိုင်လေးကို လာဖွင့်ထားတာ..

ပြီးတော့ ကိုယ်ကြိုက်တဲ့ပင်လယ်စာရွေးပြီး ကြိုက်တဲ့အနှစ်လေးနဲ့ ချက်ခိုင်းလို့ရတယ်။ ချဉ်စပ်၊ မဆလာ၊ မာလာချက်၊ ရခိုင်စတိုင်၊ ဗမာစတိုင်အသုပ်တွေရတဲ့အပြင် ချိုချဉ်၊ အခြောက်၊ အစပ်ကြော် ဘယ်ဖက်ကစမ်းစမ်း လာထားဆိုတာမျိုး..🫢

အသားအပြည့်နဲ့ လတ်လတ်ဆတ်ဆတ် ဂဏန်းအကောင်လိုက်ကိုက်ချင်ရင်တော့ ဒီက ဂဏန်းမဆလာရှယ်မိုက်🦀 ကိုယ်တိုင်ချက်ရင် အလုပ်ကရှုပ် ဂဏန်းကမလတ်နဲ့ ဒီမှာက ဇိမ်ပြေနပြေနဲ့ ထိုင်စားရတဲ့ ဖီလင်က သိပ်မိုက်..🫢

ပုစွန်ကင်ဆို ချောင်းသာကမ်းခြေရောက်မှ စားရတဲ့ အရသာမျိုး.. ပုစွန်တွေကအစ ချောင်းသာကနေ မှာပြီးတိုက်ရိုက်ပို့တာဆိုတော့ အရသာရော ကွာလတီပါ ပြောစရာမလို..🦐

ချက်ပို့အရသာ ဟင်းအနှစ်လေးကို ထမင်းပူပူလေးနဲ့ အားရပါးရစားချင်တာ ဆိုရင်တော့ -

🦐ကြက်သွန်အနှစ်များများ ဆီပြန်လေးချက်ထားတဲ့ ပုဇွန် အချိုချက်

🦑ကင်းမွန်အကွင်းလေးတွေကို ချဉ်စပ်အရသာအနှစ်မွှေးမွှေးလေးနဲ့ ချက်ထားတဲ့ ကင်းမွန်ချဉ်စပ်

🐟ငါးပိအရသာခပ်ပါးပါး ခပ်စပ်စပ်ကိုမှ ပူပူလေး စားရင်ပိုကောင်းတဲ့ ငါးသောက်ဆမ်း

🐙ချဉ်ချဉ်စပ်စပ်လေးနဲ့မှ ထမင်းမြိန်တာဆိုရင် ရခိုင်စတိုင်သုပ်ပေးထားတဲ့ ပင်လယ်စာစုံ ရခိုင်သုပ် တွေကတော့ must try ပဲ..🔥

🍢 ကမ်းခြေတုတ်ထိုးအကင်စုံဗန်းကြီးဆိုတာ ရှိသေးတယ်။ အဲ့မှာက ပုစွန်၊ ဂဏန်း၊ ငါး၊ ပြည်ကြီးငါး၊ ရေဘဝဲ၊ ကင်းမွန် နဲ့ ဂုံး ၇မျိုးပါတာ ပင်လယ်စာအစုံကို တစ်ဝစားချင်တဲ့သူဆို ဒီဗန်းကြီးနဲ့ကကွက်တိ..

သူက delivery နဲ့လည်း အိမ်တိုင်ရာရောက်ပို့ပေးသေးတာဆိုတော့ မိုးရွာလို့အပြင်ထွက်မစားချင်တဲ့သူတွေဆို ဖုန်းလေးဆက်ပြီး မှာလိုက်ရုံပဲ..

ပြောရရင် သူ့ စျေးနှုန်း၊ ပါတဲ့ portion နဲ့ အရသာတွေက ချောင်းသာချက်ပို့ စားနေကြသူတွေဆို ကြိုက်မှာသေချာတယ်..

ချောင်းသာအထိ သွားစရာမလိုဘဲ မြောက်ဒဂုံမှာတင် ပင်လယ်စာလတ်လတ်ဆတ်ဆတ်ကြီးတွေကို ချက်ပို့အရသာမျိုးစားချင်ရင်တော့ ဒီဆိုင်သာ သွားစားကြည့်…😉

ဖုန်း - 09777893800, 09777131800

လိပ်စာ- မြောက်ဒဂုံမြို့နယ် (၃၃)ရပ်ကွက် အမှတ် (၂၅) သင်းဝင်လမ်း စိန်ပန်းမြိုင် ၁လမ်းထောင့် ။ (ပင်လုံ Capital City Mall အနောက်)

#ချောင်းသာ #ပင်လယ်စာ

10/07/2026

Melia ဟိုတယ်အောက်က စစဖွင့်ချင်းကို စည်ကားနေတဲ့ နောက်ထပ် ကိုရီးယားဆိုင်အသစ်ကြီး...🥓♨️

2026 ထဲမှာ ခေတ်အစားဆုံးကတော့ဟိုတယ်တွေထဲမှာ အမိုက်စားဖွင့်လာကြတဲ့ ကိုရီးယားစားသောက်ဆိုင်တွေပဲ..

ခုလည်းကြည့်....ရန်ကုန်မြို့ရဲ့ အမိုက်စား Melia Hotel ကြီးထဲမှာ ဝါးတောအုပ်လေးထဲ ရောက်သွားသလို Outdoor ရယ်၊ Indoor ရယ် ကြိုက်သလို ရွေးထိုင်လို့ရတဲ့ Korean Restaurant အသစ်စက်စက်။

နာမည်က "Hwa Ro" တဲ့....ဆိုင်ထဲ ဝင်လိုက်တာနဲ့ တကယ့် Luxury ကွယ်....table နည်းနည်း...Private table တွေနဲ့ အပြင်ဘက် Outdoor Area မှာ ဝက်သားကင်တွေစားဖို့ BBQ Table လေးတွေက တပိုင်း။

အဲ့တော့ ကိုရီးယားစာတွေ အစုံလင်စားမယ် ဝက်သားကင် မစားဘူးဆို အတွင်းဘက် Table တွေရွေး။ဝက်သားကင်ပါ ကိုယ်တိုင်ကင်စားမယ်ဆို အပြင်ဘက် Table တွေ ရွေးလို့ရတယ်။ အရမ်း အရမ်း သာယာပြီး စိမ်းစိုနေတာပဲ။

ဘာတွေရလဲလို့ မီနူးထဲ စပ်စုမှာလိုက်တာ....
👉ဝက်အူစုံ ကိုရီးယားအသုပ် ပွဲကြီး

👉ဝက်သုံးထပ်သား ကိုရီးယားအစပ်သုပ် ပွဲကြီး

👉ရေဘဝဲ ကိုရီးယား အစပ်သုပ်ပွဲကြီးတွေ

👉မစားမဖြစ် တော်တော့်ကို အပြင်ဘက် crispy ဖြစ်ပြီးအထဲက အိစက်စက် ဆန်မုန့်နှစ်စပ်တာ အရသာကောင်းကောင်း နဲ့ပင်လယ်စာ ချိုလတ်တဲ့ Korea Pancake ရယ်

👉ဂုံးတွေ ကိုရီးယား ပဲငါးပိနှစ်နဲ့သေချာလေးချက်ထားတာ သိသာတဲ့ ပင်လယ်စာ ပဲငါးပိဟင်းရည်

👉ကိုရီးယား ခေါက်ဆွဲအေးသုပ်တွေ

👉တော်တော်လေး စေးပိုင်ပြီး ငါးအသားချောင်းများများ နဲ့ တော့ပူကီတွေ

👉ကိုရီးယားကြက်ဥပေါင်းရယ်

👉ဆိုဂျူး၊ မက်ကောလီ အကုန်ရတယ်။

👉အာလူးတွေနဲ့ ဧရာမ ဝက်ကျောရိုးစွပ်ကို အကြာကြီး မြေ့နေအောင် တည်ထားတဲ့ ဝက်ကျောရိုးစွပ်ပွဲကြီးက ဒီမိုးရာသီအတွက် အထိမိဆုံးပဲ။

ဟိုတယ်ထဲမှာ ဖွင့်ထားတော့ ကွာလတီ ကုန်ကြမ်း သိသိသာသာ ထိန်းထားတာ တွေ့ရတယ်။ အကုန် ကိုရီးယားက Import မှာတယ်တဲ့။ ဈေးနှုန်းတွေကတော့ ၂သောင်းကနေ ၇သောင်းဝန်းကျင်ပေးရတယ်။

အဲ့မှာသွားစားတဲ့အခါ ကိုယ်ကတော့ ဖြစ်နိုင်ရင် အထဲဘက်ဝိုင်းတွေမှာ ထိုင်စေချင်တယ်။ ဘယ်နေရာထိုင်ထိုင်ကို ဇိမ်ကျပြီး အရမ်း သက်တောင့်သက်သာနဲ့ စိတ်ချမ်းသာရတယ်။

အပြင်ဘက်ဝိုင်းတွေကတော့ အသားကင် ကင်စားပြီး အေးဆေး Relax လုပ်၊ လေကောင်းလေသန့်ရှူ၊ ရုံးသမားအဖွဲ့တွေ လွတ်လွတ်လပ်လပ် ထိုင်လို့ကောင်းတယ်။

အသားကင်အတွက်ဆို ဝက်သုံးထပ်သား၊ ဂုတ်သားတွေအပြင် အမဲသား ကို Premium Texture နဲ့ Imported Beef တွေကအစရတယ်။ Side Dish တွေ၊ Sauce တွေ တောင်းသလောက်ရတယ်။🥓

ဆိုင်သစ်ဆိုတော့ ဝန်ထမ်းလေးတွေ Service လေး နည်းနည်း ဂရုစိုက်ရမှာကလွဲရင် ဆိုင်က လူပြည့်တာတောင် ဟိုပြေးဒီပြေးနဲ့ သေချာလုပ်ပေးကြရှာတယ်။

လတ်တလော ကိုရီးယားစာလည်း စားချင်တယ်...ဟိုတယ်မှာ ချေချေမိုးမိုးမှဆို Melia ရဲ့ Ground Floor ညာထောင့်ဆုံးက Hwa Ro မှာ သွားစားကြည့်။‼️

Melia မှာ ကိုရီးယား ဝက်သားကင် သွားစားမယ်တ်ို့ဘာတို့ ချေလို့ကောင်းတယ်..😎😜

ဆိုင်နာမည်- "Hwa-Ro Korean BBQ”

ဖွင့်ချိန်- မနက် 10 နာရီကနေ ည 11 နာရီ

ဖုန်း -09 7648 7777 1

လိပ်စာ- Melia Hotel မြေညီထပ် ညာဘက်။

25/06/2026

အလုံမှာ သင်္ဘောသားတယောက် ပိုက်ဆံလေးစုပြီး ဖွင့်ထားတဲ့ ကော်ဖီဆိုင်အသစ်လေးတဲ့...🥐☕️

သူ့ဆိုင်လေးဖွင့်တုန်းက Post လေးကြည့်ပြီး စိတ်ဝင်စားသွားလို့ တကူးတက သွားအားပေးခဲ့တာ..

အိမ်ကိုလွမ်းလို့ မြန်မာပြည်မှာပဲ အခြေကျချင်တဲ့ သင်္ဘောသားတယောက်က သူ့လုပ်အားလေးတွေနဲ့စုပြီး ဒီမြန်မာပြည်မှာပဲ နေတော့မယ်ဆိုတဲ့စိတ်နဲ့ ကော်ဖီဆိုင်လေးကို အလုံ ငုဝါလမ်းထဲမှာ ဖွင့်လိုက်တာ။

အဲ့ဒီကော်ဖီဆိုင်လေးက သူ့အိပ်မက် သူ့စိတ်ကူးတွေတဲ့။ မြန်မာပြည်ကိုချစ်လွန်းတဲ့သူ၊ စိတ်ကူးယဉ် ကဗျာသမား၊ စာပေသမားမှန်းသိရတယ်။

ဆိုင်ကလေးက နွေးနွေးထွေးထွေး လင်းထင်းနေပြီး တဆိုင်လုံး နံရံတွေကနေ ထိုင်ခုံစားပွဲတွေကအစ လက်နဲ့ဆွဲတဲ့ ပန်းချီရုပ်လေးတွေ။ ပြီးတော့ စာအုပ်စင်နဲ့ အရုပ်ကောက်စက်လေး ရှိတယ်။

နံရံကအရုပ်လေးတွေက ပစ်တိုင်းထောင်၊ဖိုးဝရုပ်တို့လို မြန်မာဆန်ဆန်လေး၊ ဆိုင်လေးတခုလုံးကို handmade လေးတွေ တန်ဖိုးထားလို့ အဲ့လို အလှဆင်ထားတယ်တဲ့။

နောက်ပိုင်း မြန်မာမုန့် ဆီထမင်း၊ ကောက်ညှင်းပေါင်း၊ ဘိန်းမုန့်တို့လို မုန့်လေးတွေအများကြီးထည့်မယ်ပြောတယ်။

ဆိုင်မှာ Coffee , Matcha , Smoothie , Soda နဲ့ Frappe လေးတွေ ရတယ်။ ဈေးမှန်တယ်။ ☕️Cheese & Ham Sandwich ကောင်းတယ်။ 🌭

စမူဆာက ငှက်ပျောစမူဆာလေး ချိုချို အိအိဖောင်းဖောင်းလေးနဲ့ သိပ်စားကောင်းတယ်။

သီးရွက်စုံကော်ပြန့်ကြော်၊ ပြောင်းဖူးကော်ပြန့်ကြော်လေးတွေရှိတယ်။🌯

ကြက်သားပြားကြော် ဆော့စ်လောင်းထားတာလေးတွေလည်း ပွဲအကြီးကြီးပဲ။

Beef Hot Dog ကလည်း အကိတ်ကြီး။ အားရပါးရစားပဲ။ အထဲမှာ Hot Dog Sausage နဲ့ အမဲသားတွေနဲ့။ တခြား အသားလည်းရတယ်။

Prawn Cocktail လို ဆလပ်လေးရတယ်။ သူ့ဆီမှာ ကိုယ်တ်ိုင်ဖုတ် Mini Pizza လေးတွေ ဈေးအရမ်းတန်။🍕

Cheese Cake / Tiramisu စတဲ့ကိတ်အစုံရတယ်။ ဈေးက တသောင်းဝန်းကျင်လေးတွေပဲပေးရတယ်။ တော်တော်တန်တာပါ။🍰

အဓိကက ဆိုင်ကလေးရော ဝန်ထမ်းတွေရော ပိုင်ရှင်ကအစ Humble ဖြစ်လွန်းပြီး နွေးနွေးထွေးထွေး ဖော်ရွေတယ်။

ပိုအားပေးချင်တာက သူ့ပိုက်ဆံလေးတွေအကုန်စုပြီး အိပ်မက်ကဖေးလေးဖွင့်ထားတဲ့ အသစ်စက်စက်ဆိုင်လေးမို့ လူတွေ အများကြီး လာစေချင်တယ်။ တကယ်လည်း ထိုင်လို့ကောင်းတယ်။❤️

ဆိုင်လေးက တိုက်ခန်းမြေညီထပ်မှာ ၂ ဖက်ခွဲဖွင့်ထားတာ။ ဝိုင်းလေးတွေတော့ ၈ ဝိုင်းလောက်ပဲ ရှိတယ်။ ဆိုင်လာရင် အချိန်နဲ့ ဝိုင်း ကြိုယူရမယ်ထင်တယ်။

ဒါမျိုး ကိုယ်ထူကိုယ်ထဆိုင်လေးတွေက အားပေးကောင်းပါတယ်။ မြန်မာပြည်ကနေ မထွက်သွားချင်တဲ့ လူတယောက်ရဲ့ အဆုံးစွန် မျှော်လင့်ချက် ကဖေးလေးပေါ့။

အပတ်စဉ် အင်္ဂါတစ်ရက်ပဲ ပိတ်ပါတယ်တဲ့။ ကျန်တဲ့ ၆ရက်လုံး သွားလို့ရတယ်။ ဝိုင်းတော့ ကြိုယူသွားနော်။

ဆိုင်နာမည်က “ ကဖေးဧကေ “ တဲ့။

အလုံ ငုဝါလမ်းထဲမှာ သွားမယ်ဆို Grab မှာ Pet World Vet Clinic လို့ Point ထောက်ရင်သူ့ရှေ့တည့်တည့်ပဲ။

ဆိုင်ဖွင့်ချိန် - မနက် 9 နာရီ - ည 8 နာရီ

လိပ်စာ- အမှတ် ၂၂၉ , ငုဝါလမ်း , အလုံမြို့နယ်။ (Pet World Vet Clinic ရှေ့)

ဖုန်း- 09 750 160 748 , 09 426 061 421

#ကဖေးဧက

23/06/2026

ပူစပ်ထုံမွှေး မာလာထန်အရည်ပျစ်ပျစ်လေးရယ်.. မာလာအကင်မွှေးမွှေးလေးပါအစုံစားရမယ့်ဆိုင်..🫕🔥

(၂သောင်းခွဲတန် မာလာထန် set ၃ယောက်စာ လေးပါတယ်နော်‼️)

မာလာကိုဘယ်လောက်စွဲလမ်းသလဲဆို မိုးလင်း မိုးချုပ် မာလာထန်နဲ့ပဲ မျက်နှာသစ်ရလည်းဖြစ်တယ်ဆိုတဲ့အထိ..🫢 မာလာကို အဲ့လောက်ကြိုက်တဲ့အထဲ ဒီဆိုင်က မာလာထန်နဲ့ မာလာအကင်က မပါမဖြစ်ပဲ..🔥

ဒီမှာက မာလာမောက်ချိုက်၊ မာလာထန်သုပ်၊ မာလာဟင်း၊ မာလာအကင်တွေပါ အစုံရတယ်..

♨️အကြိုက်ဆုံးဆို သူ့ရဲ့ မာလာထန်အရည်.. အချိန်ကြာကြာတည်ထားတဲ့ အရိုးပြုတ်ရည်ရဲ့ အရသာဆိမ့်ဆိမ့်လေးနဲ့ မာလာအရသာကို Lvl 3 လောက်ထည့်စားရင် စပ်စပ်လေးနဲ့ စားလို့သိပ်ကောင်းတာ..

♨️မာလာထန်သုပ်က မြေပဲနှစ်စေးစေး၊ အရသာခပ်လေးလေးနဲ့ ထိထိမိမိရှိတယ်..

စျေးတန်တန် ၂ယောက်စာ set menu လေးတွေဆို ၁ပွဲလုံးစာမှ ၂၅၀၀၀ ကျပ်။ အသား၊အသားလုံး၊အသီးအရွက်အစုံပါပြီးသား အရည်ဖိုး ဘာညာထပ်ပေးစရာမလိုဖူး။ ခုလို လကုန်ရက်တွေဆို ဒီ မာလာထန် set လေးမှာ ၁ယောက် ၁သောင်းကျော်လောက် ကောင်းကောင်းစားရတယ်..😉

ကိုယ်တိုင်ရွေးစားမယ်ဆို မာလာမောက်ချိုက်/ မာလာထန်အတွက်က အသား၊ ပင်လယ်စာအကန့်သပ်သပ်၊ မာလာအကင်စားဖို့အတွက် တုတ်ထိုးအသားနှပ်ထားတာတွေ၊ မန်ထို၊ ကောက်ညှင်းကြာစွယ်၊ ပုစွန်အစာသွပ်၊ ပဲလိပ်ခြောက်ကင်၊ နို့ပြားကင်တွေကတော့ ရှယ်..🔥 အကင်အရသာနှပ်ထားတာလည်းမိုက်သလို မာလာမှုန့်လေးဖြူးပြီး မန်ကျည်းဆော့စ်နဲ့တွဲစားရတာလည်းလိုက်တယ်..

မန်ထိုကြော်အိအိလေးဆို နို့ဆီနဲ့တို့စား.. မဟုတ်ရင် မာလာထန်အရည်လေးနဲ့ နှစ်စားရင်ပိုအရသာရှိတာ..😋

ညနေပိုင်းရုံးဆင်းပြီဆို ဒီမှာ ငါးကင်တွေ၊ ဖက်ရွက်နဲ့ ငါးပေါင်းမွှေးမွှေး၊ နို့ခဲကင်တွေအပြင် ဆိတ်သားခြောက်ဖုတ်သုပ်၊ ရှမ်းခေါပုတ်၊ ကြက်စလွတ်ကြော်လိုမျိုး one portion တွေလာစားကြတာ.. သောက်မယ်ဆို ပုလင်းတွေယူလာလည်းရသေးတယ်.. Bottle charges ဖရီးတဲ့👀

ပြီးတော့ ဝိုင်းတိုင်းကို ပြောင်းဖူးကြော် ၁ပွဲစီပါ လက်ဆောင်ဆိုပြီးကျွေးသေးတာ..

ဆိုင်ကတော့ အိမ်ဆိုင်လိုမျိုး ခြံဝန်းလေးနဲ့ဆိုတော့ အေးဆေးထိုင်လို့ကောင်းတယ်.. မာလာထန်ကောင်းကောင်း၊ အကင်ကောင်းကောင်း စားချင်ရင်ဒီမှာအကုန်ရတော့ ကွက်တိ..♨️

Giveaway လေးက ၂သောင်းခွဲတန်မောက်ချိုက် set ၃ ယောက်စာပါ။ ဒီပိုစ့်ကို like & share ပြီး မဲပေါက်ရင် တူတူစားမယ့်သူကို comment မှာ mention ခေါ်ထားတဲ့ထဲက ၃ယောက်ကိုရွေးပြီး Let’s eat with Seng❣️Group မှာ ကြေညာပေးပါမယ်။💎

ဆိုင်နာမည်က “Po Tay Toe Mao Cai “
☎️ Phone - 09757586337 , 095061985
⏰Open Daily - 11:00 AM - 9:30 PM
📍 အမှတ်(၇)၊မဂ္ဂင်လမ်း၊(၁၄)ရပ်ကွက်၊ကျောက်ကုန်း၊ရန်ကင်းမြို့နယ်၊ ရန်ကုန်မြို့ ။
(ရန်ကင်းလမ်းနဲ့ ကျောက်ကုန်းလမ်းကြား)

19/06/2026

Matcha တစ်ခေတ်ထချိန်မှာ ဒီလို series လိုက် matcha အအေးနဲ့ အီဆိမ့်မွှေး tart လေးပါ ရတဲ့ ဆိုင်..🥧💚

(matcha flavor အသစ် try ချင်တဲ့သူတွေအတွက် ၃သောင်းတန် #၅ယောက်စာGiveaway လေး ပါတယ်နော်💚)

ဒါကလေ matcha ကြိုက်တဲ့သူတွေ သွားကိုသွား try သင့်တာ.. ဆိုင်က နိုင်ငံခြားစတိုင်အမိုက်စားကော်ဖီဆိုင်မျိုး၊ သူ့ဆီက pastry တွေကအစ တော်တော်လေး fresh ဖြစ်ပြီး စားကောင်းတဲ့ထဲပါတယ်..🥐

အခုအသစ်ထွက်ထားတဲ့ထဲက Tart လေးတွေဆို matcha, strawberry, passion အရသာ ၃မျိုး.. အပြင် crustသားက crunchy ဖြစ်တယ်၊ အထဲမှာ cream filling လေးထည့်ထားတာ ပျစ်နှစ်နေရော တစ်ခုဆိုတစ်ခုထိထိမိမိ စားရတာ..🥧

ပြီးတော့ matcha fan တွေအကြိုက် matcha series drinks လေးတွေလည်း ရှယ်မိုက်💚🔥

Matcha ကောင်းကောင်းရဲ့အရသာသိချင်ရင် ဒီက Matcha Cloudy ☁️ သာသောက်ကြည့်..
matcha ရဲ့ဆိမ့်သက်သက်နဲ့ coconut ရဲ့ ချိုမွှေးအရသာစပ်လေးက တအားလိုက်တာ.. 🥥

Matcha Mango က အသီးရဲ့အချဉ်ဓာတ်နဲ့ matcha အဖန်အရသာဆိုတော့ တစ်မျိုးလေး🥭

ချိစ်တွေနဲ့ အရသာခပ်လေးလေး ပျစ်နှစ်နေတာမျိုးကြိုက်ရင် Matcha Cheesy လေးသောက်ခဲ့..🧀

ဒီလို Drinks & Pastry တွေအပြင် နေ့လည်
နေ့ခင်း အဝစားလို့ရမယ့် မီနူးတွေလည်းအစုံရတယ်.. အရင်ကဆို European မီနူးပိုများပေမယ့် အခုအသစ်ထွက်ထားတဲ့မီနူးအကုန် ကိုယ်တွေအကြိုက်တွေချည်း..🔥

♨️ကြက်တောင်ပံကြော်က အပြင်သားကြွပ်ကြွပ်လေးကိုမှ အတွင်းသားနူးအိနေတာလေးကို ကြက်သွန်ကြော်နဲ့ပြန်အုပ်ထားတာ မွှေးနေရော..

♨️ကက္ကတစ်ငါးခေါင်းဟင်းချိုဆို ပူပူနွေးနွေးအိုးကြီးနဲ့ ၃ယောက်လောက်ရှဲသောက်လို့ရတယ်..

♨️နာနတ်သီးထမင်းကြော်ကိုပင်လယ်စာနဲ့စားရတာက ဘားတွေမှာစားနေကြအရသာလေးတောင် သွားသတိရမိ..

♨️နူးနူးအိအိငါးခဲပတ်ကင်တွေ.. ပင်လယ်စာ၊ bbq အကင်ချောင်းတွေပါ အသစ်ထပ်ထည့်ထားတော့ ညနေခင်း outdoor ဝိုင်းတွေမှာထိုင်ရင်း chillရင်း အေးဆေးစားသောက်လို့ရသေး..🍢

ဆိုင်ရဲ့ vibe ကအစ မနက်ပိုင်းဆို bakeryမုန့်လေးမှာ ကော်ဖီတစ်ခွက် မာချာတစ်ခွက်နဲ့ ကောင်မလေးတွေအကြိုက် photo spot အပြည့်ဆိုင် vibe ကနေ.. ညနေပိုင်းဆို ရုံးအပြန်၊ လူကြီးတွေအကြိုက် အေးဆေးလာစားလို့ကောင်းတဲ့ vibe လေးပြောင်းသွားတာ.. ကိုယ်ကတော့ ဘယ်အချိန်သွားသွား ဒီက pastry နဲ့ drinks လေးရယ်၊ warm ဖြစ်တဲ့ ဆိုင် vibe လေးနဲ့ service ကိုတော့ တော်တော်လေးသဘောကျတယ်..❤️

ဒါနဲ့ အခုအသစ်ထွက်တဲ့ Tart နဲ့ Matcha series ကိုတော့ တစ်ခါလောက် သွားtryကြည့်ကြ..😉

Giveaway လေးက ၃သောင်းတန် Gift voucher ၅ယောက်စာပါ။🥂 ဒီပိုစ့်ကို like & share ပြီးရင် တူတူသွားစားမယ့်သူကို comment မှာ mention ခေါ်ခဲ့တဲ့ထဲက ၅ ယောက်ကို နောက်တစ်ပတ်ရွေးပေးပါမယ်။💎

ဆိုင်နာမည်က “Archway Bistro“

🕥 ဆိုင်ဖွင့်ချိန် : 7:00 AM - 10:30 PM

☎️ ဖုန်း : 09 969 775 877

🏠 8 Mile Junction, Kabar Aye Road, Myaing Hay Wun Park, Mayangone Township, Yangon.

03/06/2026

ဘန်ကောက်ရောက်နေသလို ရန်ကုန်မှာတင် ဒီလို ၂၄လွှာက viewအမိုက်စားနဲ့ ဆိုင်နေရာလှလှလေးရှာတွေ့ထားတာ..👀🔥🥂

( #၅သောင်းတန်Gift voucher ၃ ယောက်စာ Giveaway လေးပါတယ်နော်‼️)

ဒီဆိုင်က M Tower ရဲ့ ၂၄ လွှာမှာဖွင့်ထားတဲ့ W**e Bar vibe မျိုးကိုမှ အစားအသောက်တွေက local taste နဲ့ စားရအဆင်ပြေတာမျိုး..🍷

ညနေခင်းဆို နေဝင်ချိန် view လေးနဲ့ တအားလှသလို ညဖက်တွေဆိုလည်း အမျှော်ကင့်ကနေ city view လေးကြည့်ရင်း Chill beats နားထောင်ရင်းဇိမ်...🔥 ဆိုင်ရဲ့အလယ်တည့်တည့်က စိမ်းစိုစိုသစ်ပင်ကြီးကလည်း ဆိုင် vibe တစ်ခုလုံးကိုဖမ်းစားထားတာ။ အဲ့နေရာလေးဆို ဓာတ်ပုံရိုက်လို့သိပ်လှ..🌳

ဆိုင်အပြင်အဆင်နဲ့ နေရာကြည့်ပြီး စျေးတအားကြီးမယ်ထင်ထားရင်မှားမယ်။ တကယ်က အစားအသောက်တွေ အမြည်းတွေဆို ၁ပွဲ ၁၅,၀၀၀ လောက်ကနေ စားလို့ရပြီ…

ပြီးတော့ ကော့တေးလ် Free သောက်လို့ရမယ့် Challenge တစ်ခုက သူငယ်ချင်း ၄ ယောက်လာပြီး Fish Bowl W**e Cocktail မှာ။ အဲ့တာက 30 sec အတွင်း သောက်နိုင်ရင် လုံးဝပေးစရာမလိုဘူး။ မကုန်ရင်တော့ အဲ့ကော့တေးလ်ဖိုးပြန်ရှင်းပေါ့..🫢

အမြည်းတွေထဲကဆို -
ကယား sausage မွှေးမွှေးလေး
ကြွပ်ကြွပ်ရွရွငါးသလဲထိုးကြော်
ဆာတေးလိုပုံစံနဲ့ Pork Skewer ထုပ်ထုပ်အိအိ
အမြည်းနဲ့လိုက်တဲ့ အထောင်း၊အသုပ် အစုံရတယ်

♨️ထူးထူးဆန်းဆန်း လက်ဖက် pasta ဆို လက်ဖက်အရသာစပ်စပ်လေးကိုမှ ပါစတာရဲ့အဆိမ့်ဓာတ်လေးနဲ့တွဲစားရတာ..

♨️Ah-So ကြက်ကင်ကတော့ သူရဲ့ signature sauce ကအသက်၊ spice အရသာအစုံပါတဲ့ ဆော့စ်လေးဆမ်းပြီးစားရင်တော့ ရှယ်မိုက်

♨️မီးအေးအေးနဲ့အချိန်ကြာကြာချက်ထားတဲ့ ဘဲပေါင်းဆို အသားကနူးပြီးအိနေတာ

♨️အမိုက်ဆုံးကတော့ စားလိုက်တာနဲ့ လျှာပေါ်ပျော်ဝင်သွားမယ့် Cold Smoked Salmon ပဲ

ပြီးရင် အမိုက်စားကော့တေးလ်တွေ.. ဝိုင်တွေဆိုလည်း ပုလင်းဖောက်မလား..glass by glass သောက်မလား ရသေးတယ်..🍾

ဒီလို view နဲ့ ဆိုင်နေရာအမိုက်စားမှာ classic ဆန်ဆန်ဒိတ်မယ်.. Party ပွဲတွေလုပ်ချင်လည်းအဆင်ပြေတယ်..

သွားမယ်ဆို လှည်းတန်း M Tower ဝင်ပေါက်ရဲ့ ဘေးအပေါက်က ဝင်လို့ရတယ်။ ကားပါကင်ကလာမယ်ဆို Ground floor ကိုတက်သွားပြီး Mall ထဲမဝင်ဘဲ ညာဖက်က Office Tower entrance ထဲ ဝင်သွားရုံပဲနော်…📍

လေးက ၅သောင်းတန် Gift voucher ၃ယောက်စာပါ။🥂 ဒီပိုစ့်ကို like & share ပြီးရင် တူတူသွားစားမယ့်သူကို comment မှာ mention ခေါ်ခဲ့တဲ့ထဲက ၃ယောက်ကို နောက်တစ်ပတ်ရွေးပေးပါမယ်။💎

ဆိုင်နာမည်က “Bar Ah-So”

🕥 Open Daily : 4:00 PM - 11:00 PM

🏠24th Floor, M Tower, Pyay Road, Hledan.

**eBar

01/06/2026

ရန်ကုန်မှာ ရှားမှရှားတဲ့ စီချွမ်စာအစစ်တွေ...ဧရာမ စီချွမ်အိုးကြီးတွေနဲ့ ...ကျောက်ပုစွန်တွေ...စီချွမ်အသုပ်အပေါင်း၊ စီချွမ်ခေါက်ဆွဲပျစ်နှစ်နေတာ အကုန်ရတဲ့ဆိုင်...🌶️

ဆိုင်နာမည်က "Sichuan House " တဲ့...အလုံ အောက်ကြည့်မြင်တိုင် က လျှပ်စစ်ရုံး ရှေ့တည့်တည့်မှာ ဟီးနေအောင် ဖွင့်ထားတာ။

ဒီဆိုင်ရောက်ရင် မစားမဖြစ် စားရမှာက "စီချွမ်အိုးကြီးတွေ" ။ အမဲသား/ ငါးအသားလွှာ/ ဝက်သားလွှာစီချွမ်အိုးတွေမှ ၃-၄ ယောက်စာ အိုးကြီးကို ၃သောင်းခွဲကျော်ပဲကျတယ်။

♨️ဘဲကင် ၊ကြက်ကင်၊ အသား၃မျိုးစပ်ကင်တွေ၊ ပီကင်းဘဲကင်တွေ နာမည်ကြီးတယ်။ ဘဲသားကို အိစိုနေတာ။ ဈေးတော့နည်းတဲ့ထဲ မပါဘူး။ ဒါပေမယ့် အရသာရှိတယ် ဘဲညှီနံ့မရဘူး။ အသား များတယ်။

🫕သူ့ဆီမှာ တကယ့် ချုံချင့်အရသာ စစ်စစ် ခေါက်ဆွဲတွေ ရှိတယ်။ တနေကုန် တမြေ့မြေ့တည်ထားတဲ့ အမဲသားခေါက်ဆွဲ၊ ဆိတ်သားခေါက်ဆွဲတွေနဲ့ ချားရှုးထျန်းရွှေခေါက်ဆွဲတွေ မဖြစ်မနေစားခဲ့။ တပွဲမှ ၁၅,၀၀၀ ကျော်လေးပဲကျတယ်။ အသားတွေအများကြီးပဲ။

ကိုယ်တွေစားခဲ့တာက ဝက်အူစုံ ကန်းကောအိုးကြီး။ အူစုံတွေဆိုတာ နူးအိနေတာပဲ။ အဲ့ဒါကို မွှေးမွှေးလေးစားရတာ။

♨️နောက်ပြီး ဝက်သားလွှာ စီချွမ်အိုးကြီးဆို အသားတွေက ခပ်လိုက်တိုင်း အလွှာလိုက်ကြီးပါတာ။ အရည်က ထုံစပ်ပြီး မပျစ်မကျဲနဲ့ တော်တော်ကောင်းတာပါ။

ဝက်သားမာပိုတိုဟူးကတော့ ဘယ်တရုတ်ဆိုင်သွားသွားမစားမဖြစ်။ ပွဲလည်း ကြီးတယ်။

♨️အမဲအူကြမ်းတွေကို စီချွမ်လို သုပ်တာဆို အရည်လေးနဲ့ ခပ်အေးအေး စပ်စပ်ရွှဲရွှဲလေးစားရတာ။

ဒီဆိုင်ရဲ့ အတန်ဆုံး မစားမဖြစ်တွေဆို တယောက်စာမှ ၁၅,၅၀၀ ပဲပေးရတဲ့ ထမင်း ၊စီချွမ်ဟင်း၊ ဟင်းချို Set လိုက်ကြီးတွေ။ အသားဟင်းတပွဲစာလောက်ကို ပါလို့ တန်တယ်လို့တောင် ပြောယူရတဲ့ထိပဲ။ ဟင်း Set ကို ၈ မျိုးလောက်ရွေးလို့ရတယ်။‼️

♨️နောက်ပြီး သူ့ဆီမှာ တရုတ်ထမင်းပေါင်းတွေ ကောင်းတယ်။ အသားတွေအများကြီးကိုမှ ပန်းကန်အပြားကြီးနဲ့ အယ်စတုံချပေးတာ။

Sichuan House ရောက်ရင် ဘာမှာမှာ ပန်းကန်တွေ ပွဲတွေကြီးလို့ တကယ် ပေးရတဲ့ဈေးနဲ့ တန်တယ်။ စိတ်ချမ်းသာတယ်။

ဪ...ဒီဆိုင်က Deli ပို့တာလည်း ချေတယ်အမိုက်စားနော်။ ဘာပဲမှာမှာ EV ကားတစီးဝယ်ပြီး EV Deli နဲ့ပို့ပေးတာ။👀

ရန်ကုန်မြို့တွင်းတွေဆို တသိန်းခွဲဖိုး စုမှာကြရင် ပို့ခ ဖရီးတဲ့။

သာကေတ၊ မြောက်ဒဂုံ၊ သန်လျင် star city တွေ၊ လှိုင်သာယာတွေ၊ ရွှေပြည်သာတွေဆို တသိန်းခွဲဖိုးပဲမှာ ပို့ခ ၅ထောင်တည်းနဲ့ပို့ပေးတယ်တဲ့။

သူ့ဆိုင်ကလည်း အဲ့လို ဘောစိတွေ၊ တရုတ်သူဌေး အစစ်တွေ၊ ဆယ်လီတွေ၊ တရုတ်စာအစစ်စားချင်သူတွေချည်း စုနေတာ။

မီနူးဈေးတွေက ၁၅,၀၀၀ လောက်ကနေ စပါတယ်။ အပေါ်ထပ် အောက်ထပ်တင် လူ၃၀၀ လောက်ဆန့်တာဆိုတော့ မွေးနေ့တွေ၊ ပွဲတွေလုပ်လို့လည်း အရမ်းအဆင်ပြေတယ်နော်..

သွားစားမယ်ဆို ဆိုင်နေရာလေးက -

☎️ 𝟎𝟗𝟕𝟔𝟕𝟏𝟏𝟎𝟗𝟖𝟕
⏰ 𝟏𝟏:𝟎𝟎 𝐀𝐌 ~ 𝟏𝟎:𝟎𝟎 𝐏𝐌
🚴‍♀️ 𝐅𝐨𝐨𝐝𝐩𝐚𝐧𝐝𝐚 , 𝐆𝐫𝐚𝐛𝐟𝐨𝐨𝐝 , 𝐒𝐢𝐜𝐡𝐮𝐚𝐧 𝐇𝐨𝐮𝐬𝐞 𝐃𝐞𝐥𝐢𝐯𝐞𝐫𝐲
📍အမှတ် (၂၁၄) အောက်ကြည့်မြင်တိုင်လမ်း၊ လျှပ်စစ်ရုံးအရှေ့တည့်တည့် အလုံ။

#စီချွမ်

Eat with Seng

02/10/2026

24/09/2026

04/09/2026

05/08/2026

10/07/2026

25/06/2026

23/06/2026

19/06/2026

03/06/2026

01/06/2026

ที่อยู่

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

คำขอนำรายการออก