17/02/2024
ကိုယ့်ကိုကိုယ် သိပ်လည်း အထင်မသေးမိပါစေနဲ့
အထင်သေးလွန်းရင် ကြိတ်ပြီးရူးသွားတတ်တယ်
ကိုယ့်ကိုကိုယ် သိပ်လည်း အထင်မကြီးမိပါစေနဲ့
အထင်ကြီးလွန်းရင် ထိန်းသိမ်းရခက်သွားတတ်တယ်
ကိုယ့်ကိုကိုယ် သိပ်လည်း စိတ်ကူးယဉ်မဆန်မိပါစေနဲ့
စိတ်ကူးယဉ်ဆန်မိရင် ခံစားချက်တွေ အစွန်းရောက်သွားတတ်တယ်
ကိုယ့်ကိုကိုယ် သိပ်လည်း မသိမ်ငယ်မိပါစေနဲ့
သိမ်ငယ်လွန်းရင် စိတ်ဓါတ်တွေပျော့သွားတတ်တယ်
ကိုယ့်ကိုကိုယ်သိပ်လည်း သည်းခံစိတ်မရှိမိပါစေနဲ့
သည်းခံလွန်းရင်လည်း အနိုင်ကျင့်ခံရတတ်တယ်
ကိုယ့်ကိုကိုယ် သိပ်လည်း အတ္တမာနတွေမတင်မိပါစေနဲ့
အတ္တမာနတွေ တင်လွန်းရင်လည်း ပူဆွေးလောင်မြိုက်နေတတ်တယ်
ကိုယ့်ကိုကိုယ် သိပ်လည်း အပြစ်မတင်မိပါစေနဲ့
အပြစ်တင်လွန်းရင်လည်း ကြိုးစားလိုစိတ်တွေ
ကွယ်ပျောက်သွားတတ်တယ်
ကိုယ့်ကိုကိုယ် သိပ်လည်း ယုံကြည်မှုမလွန်ကဲမိပါစေနဲ့
ယုံကြည်မှုတွေ လွန်ကဲလွန်းရင်လည်း ကျရှုံးခဲ့ရင် ဘ၀ပျက်သွားတတ်တယ်
ဘ၀ဆိုတာ အခိုက်အတန့်လေးသာဖြစ်သောကြောင့်
ကြိုးစားရုန်းကန်ရင်းနဲ့ သင်ခန်းစာယူကြရတာပါ
ကောင်းတဲ့သူဆီက သင်ယူရသလို
ဆိုးတဲ့သူဆီကလည်း သင်ယူရမယ်
ချစ်တဲ့သူဆီက သင်ယူရသလို
မုန်းတဲ့သူဆီကလည်း သင်ယူရမယ်
ရှင်ရသေ့ဆီက သင်ယူရလို
မုဆိုးဆီကလည်း သင်ယူရမယ်
လူကြီးတွေဆီက သင်ယူရသလို
ကလေးတွေဆီကလည်း သင်ယူရမယ်
တရားသမားဆီက သင်ယူရသလို
အရက်သမားဆီကလည်း သင်ယူရမယ်
ဘ၀သမားဆီက သင်ယူရသလို
အလှသမားဆီကလည်း သင်ယူရမယ်
သူဌေးသားဆီက သင်ယူရသလို
ဆင်းရဲသားဆီကလည်း သင်ယူရမယ်
ကားသမားဆီက သင်ယူရသလို
ဆိုက်ကားသမားဆီကလည်း သင်ယူရမယ်
ကိုယ့်ကိုကိုယ် ယုံကြည်မှုရှိသလို အခြားသူအပေါ်လည်း ယုံကြည်မှုရှိပါ
ကိုယ့်ကိုကိုယ် လေးစားမှုရှိသလို အခြားသူအပေါ်လည်း လေးစားမှုရှိပါ
ကိုယ့်ကိုကိုယ် တန်ဖိုးထားသလို အခြားသူအပေါ်လည်း တန်ဖိုးထားမှုရှိပါ
လူသားတိုင်း တစ်ယောက်ချင်းစီမှာ
သူ့တန်ဖိုးနဲ့သူ ရှိပါတယ်
#ရိုးရိုးကျင့်မြင့်မြင့်ကြံပါ
#ဆရာဇော်ဇော်မြင့်
