30/07/2026
នៅលេីលោកនេះ តេីមាននរណាទៅចង់ក្លាយជាឃាតករ? មាននរណចង់បុកគេស្លាប់?
ប៉ុន្តែបេីមានថ្ងៃមួយ អ្នកធ្វេសប្រហែស អ្នកបេីកយានយន្តបុកអ្នកដទៃ ឬក៏ទោះបីអ្នកដទៃនោះជិះម៉ូតូមកចូលឡានអ្នក ហេីយបណ្តាលឱ្យអ្នកដទៃណាមួយនោះបាត់បង់ជីវិត យ៉ាងហោចណាស់អ្នកត្រូវបង្ហាញសមានចិត្តជាមនុស្ស។
អ្នកត្រូវចុះពីរថយន្តដេីរទៅមេីលជនរងគ្រោះ អ្នកខ្វាយខ្វល់ខលរកឡានពេទ្យ អ្នកមានចិត្តសោកស្តាយ អ្នកសួររកសមាជិកគ្រួសារជនរងគ្រោះ អ្នកខលហៅសមត្ថកិច្ចថាខ្ញុំបានប្រព្រឹត្តកំហុសដោយអចេតនាបង្ករឱ្យអ្នកដទៃស្លាប់ អ្នកខលហៅគ្រួសារអ្នកឱ្យមកចូលរួមដោះស្រាយជាមួយជនរងគ្រោះ។ ល។
បេីមិនអាចសង្គ្រោះជីវិតជនរងគ្រោះបាន អ្នកអាចសុំទោសគ្រួសារជនរងគ្រោះ និងទទួលខុសត្រូវគ្រប់យ៉ាងលេីជោគវាសនាគ្រួសារជនរងគ្រោះ។ ការទទួលខុសត្រូវប៉ុណ្ណេះ វាមិនស្មេីរនឹង1/10000នៃធនធានគ្រួសាររបស់អ្នកនោះទេ ហេីយក្រោយបុណ្យសព គ្រួសាររបស់ជនរងគ្រោះក៏គេនឹងអាចត្រជាក់ចិត្តបន្តិច កាត់បន្ថយភាពសោកសង្រេងនៃការបាត់បង់មនុស្សជាទីស្រលាញ់ដែរ។
តែអ្នកសាហាវពេក សពមិនទាន់ដាច់ខ្យល់រលត់ ឈា+មសពមិនទាន់ត្រជាក់ តែអ្នកដេីរចុចទូរស័ព្ទហៅកង់បីនាំគ្នារត់យករួចខ្លួន ទុកឪពុក ប្តីរបស់គេឱ្យនៅដេកលេីផ្លូវក្បែរបំណែកម៉ូតូ និងសម្ភាររបស់កូនតូច កំពុងរង់ចាំប៉ាៗត្រឡប់ទៅផ្ទះ។
កាយវិកានេះ វាបង្ហាញថាអ្នកជាមនុស្សគ្មានគុណធម៌ អាងអំណាច អាងលុយ ដេីម្បីដោះស្រាយពេលក្រោយទៀត។ គ្មាននរណាអត់ឱនឱ្យអ្នកនោះទេ!
