04/09/2026
(***ဘဝက ခက်တယ်ဆိုပြီး
ထိုင်ငိုမနေနဲ့။
ခက်ရင် ပိုကြိုးစား
မရရင် ထပ်လုပ်
လဲရင်ပြန်ထ***)
ဘဝက ခက်တယ်ဆိုပြီး
ဖျာစုတ်ပေါ် ထိုင်ငိုနေရုံနဲ့
မင်းဆီ ဘာမှ ဒူးထောက် ရောက်လာမှာ မဟုတ်ဘူး။
လောကကြီးက
မင်း ရဲ့ မျက်ရည်ကို ကြည့်ပြီး သနားမယ့်နေရာ မဟုတ်ဘူး။
မင်း ပျော့ညံ့ရင်
တက်နင်းသွားမယ့် နေရာ။
"ငါ့မှာ အခွင့်အရေး မရှိလို့၊
ငါ့မှာ ကူညီမယ့်သူ မရှိလို့" ဆိုပြီး
ပတ်ဝန်းကျင်ကို အပြစ်ပုံချနေတာဟာ
သက်သက် မင်းရဲ့ ပျင်းရိမှုကို ဆင်ခြေပေးနေတာပဲ။
ခက်နေသလား?
ပိုကြိုးစားလိုက်။
မရသေးဘူးလား? ရအောင် ထပ်လုပ်။
လဲကျသွားသလား? ရာဇဝင်တွင်အောင် ပြန်ထပြလိုက်။
မင်း လဲကျနေတုန်းမှာ
ဘေးကနေ လှောင်ပြုံး ပြုံးနေတဲ့ကောင်တွေကို
စကားနဲ့ ပြန်ရန်ဖြစ်မနေနဲ့။
မင်းရဲ့ အောင်မြင်မှုနဲ့ပဲ အဲဒီကောင်တွေရဲ့ ပါးကို ဒဲ့ရိုက်ပြလိုက်။
မနက်ဖြန်ဆိုတာ
အိပ်မောကျနေတဲ့ကောင်တွေအတွက် မဟုတ်ဘူး။
အခုချိန်မှာ နာကျင်မှုကို အံကြိတ်ခံပြီး
ရုန်းကန်နေတဲ့ကောင်တွေအတွက်ပဲ။
နေဝင်မှ မီးခြစ် ရှာမနေနဲ့၊ အချိန်ရှိတုန်းမှာ
မင်းဘဝရဲ့ မီးအိမ်ကို မင်းကိုယ်တိုင် ထွန်းညှိလိုက်စမ်းပါ။
မင်းရဲ့ ဇာတ်လိုက်ဟာ မင်းကိုယ်တိုင်ပဲ
သူများ လှေလှော်ရာ လိုက်ပါရတဲ့ တက်မ မဖြစ်ပါစေနဲ့။
မင်းဘဝကို မင်းပိုင်တယ်။
မင်းရဲ့ အိပ်မက်ကို
အကောင်ထည်ဖော်နိုင်အောင် လုပ်။
