23/07/2026
ស្វាយរៀង៖ ហេតុការណ៍គ្រោះថ្នាក់ចរាចរណ៍មួយបានកើតឡើង កាលពីវេលាយប់អធ្រាត្រ ថ្ងៃទី២២ ខែកក្កដា ឆ្នាំ២០២៦ នៅចំណុចគីឡូម៉ែត្រលេខ ១៥៧ ស្ថិតក្នុងភូមិព្រៃផ្តៅ តាមបណ្តោយផ្លូវជាតិលេខ សង្កាត់ច្រកម្ទេស ក្រុងបាវិត ខេត្តស្វាយរៀង
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុ គេបានឃើញរថយន្តម៉ាក Toyota Prius ពណ៍ប្រាក់ ពាក់ស្លាកលេខ ភ្នំពេញ 2BX-5470 បានបើកបរក្នុងល្បឿនលឿន លុះមកដល់ចំណុចកើតហេតុ ក៏ស្រាប់តែបាត់បង់ម្ចាស់ការ រេចរាំងចង្កូតជ្រុលទៅបុកបុកកម្ទេចផ្លាកសញ្ញា និងរចនាសម្ព័ន្ធរបស់ស្ថានីយប្រេង/ហ្គាស (LPG) នៅខាងចិញ្ចើមផ្លូវយ៉ាងពេញទំហឹង។
ការខូចខាតនៅក្នុងហេតុការណ៍នេះរួមមាន៖
ផ្នែករថយន្ត៖ ផ្នែកខាងមុខ និងចំហៀងនៃរថយន្ត Toyota Prius ត្រូវបានរងការខូចខាត និងបាក់កៀបយ៉ាងធ្ងន់ធ្ងរ។
ទីតាំងកើតហេតុ៖ ផ្លាកសញ្ញាតម្លៃប្រេង LPG ព្រមទាំងដំបូលរោង និងសម្ភារផ្សេងៗត្រូវបាក់រលំសង្កត់លើដំបូលរថយន្ត និងរបាត់របាយពេញដី។
