BEE TIMOR-LESTE E.P

Página Inicial
Timor-Leste
Dili
BEE TIMOR-LESTE E.P

Welcome to BTL, E.P - Bee Timor-Leste Empressa Publica (BTL, E.P.) We are new, but enthusiastic in performing our tasks.

is a public utility company recently established by the Government of Timor-Leste through a Decree Law no. 41/2020. Our tasks are to promote greater efficiency and sustainability for the implementation of the Government's strategy in providing clean water and improved sanitation services to the public.

[ Who We Are ]
We are a public utility company’s which responsible for providing clean water and improved sanitation services to the benefit of all citizens throughout the country. We are also responsible for raising financial resources for the sector.

[ Our Mission ]
Our mission is; to increase universal and equitable access to safe drinking water and sanitation services to all populations in all territories; to maintain regular, continuous and efficient water supply and sanitation services; to promote affordable water and sanitation services that contribute to economic development, social, environmental and technological advancement; to improve public health; and to promote industrial, commercial and research development.

[ Our Core Values ]
Integrity: we lead by example, committed and honesty in executing our tasks. Respect: we will support each other, and respects individual believes, ideas, knowledges and skills. People matter: in performing our tasks, safety and security of our clients, consumers and of our staffs will be our top priority. Courage: in performing our tasks we will embrace changing to improved our service level, and facing challenges and risks with smart approach and cares. Trust: our clients and consumers trust in us would be an important asset for us in performing our tasks. Their trust is a sign of our positive performance. Thus, we will perform our tasks to the maximum of our ability, provide clear information, respond to the clients’ grievances on time, and deliver best service quality to gain their trust.

14/09/2026

𝐁𝐓𝐋, 𝐄.𝐏 𝐀𝐤𝐨𝐦𝐩𝐚𝐧̃𝐚 𝐀𝐩𝐫𝐞𝐳𝐞𝐧𝐭𝐚𝐬𝐚𝐮𝐧 𝐑𝐞𝐥𝐚𝐭𝐨́𝐫𝐢𝐮 𝐅𝐢𝐧𝐚́𝐥 𝐄𝐬𝐭𝐚́𝐣𝐢𝐮 𝐏𝐫𝐨𝐟𝐢𝐬𝐢𝐨𝐧𝐚́𝐥 𝐧𝐢𝐚𝐧 𝐡𝐨𝐬𝐢 𝐄𝐬𝐭𝐚𝐣𝐢𝐚́𝐫𝐢𝐮 𝐂𝐍𝐅𝐏 𝐁𝐞𝐜𝐨𝐫𝐚

𝐃𝐢́𝐥𝐢, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚 𝟏𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔

Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith hamutuk ho Diretór DOM, Aleixo dos Santos, Jestór Distribuisaun, Koordenadór Armazérn BTL, E.P ho ekipa akompaña aprezentasaun relatóriu finál estájiu nian, hosi estajiáriu Kanalizasaun no Soldadura, hafoin finaliza sira-nia estájiu profisionál iha BTL, E.P. Aprezentasaun ne’e, realiza iha sala reuniaun DOM, Caicoli.

Iha intervensaun, Vise-Prezidente KE BTL, E.P ba Asuntu Tékniku, José Filipe Ximenes Smith apresia ho estajiáriu sira-nia responsabilidade no seriedade hodi hala’o estájiu profisionál, tanba hafoin finaliza estájiu, sira bele aprezenta relatóriu finál estájiu nian. Ida ne’e, hatudu katak sira iha ona sentidu responsabilidade no bele aplika iha futuru, wainhira sira hala’o knaar ruma, iha nasaun ida ne’e.

Ezekutivu BTL, E.P hatete, matenek no esperiénsia sei la naton, nune'e presiza mos iha integridade pesoál, komportamentu umana, prontidaun no lealdade nomos labele egoísta, hahalok hirak ne’e, hodi kompleta sai profisionál liu tan. Tanba formandu sira ne’ebé hetan ona formasaun profisionál ou kualifikadu sei kompete iha merkadu traballu, nune’e presiza ema ne’ebé iha sentidu responsabilidade no disiplina.

Alen de ne’e, obstákulu ne’ebé estajiáriu sira enfrenta iha terrenu, Vise-Prezidente KE BTL, E.P ba Asuntu Tékniku konsidera, ida ne’e la’ós dezafiu, maibé nudár oportunidade hodi buka hatene no apreende, nune’e bele aumenta koñesimentu durante hala’o prátika ou estájiu iha terrenu, tanba prátika mak kritéria ne’ebé loloos, nune’e labele baruk atu apreende no nafatin prátika no kontinua kuda hahalok ne’ebé di’ak, nune’e bele fó benefísiu no susesu ba idak-idak nia moris.

Iha oportunidade ne'e, Diretór DOM hatete maske ho tempu estájiu nian ne’ebé limitadu tebes, maibé BTL, E.P jere oinsá bele koloka estajiáriu sira iha Departamentu idak-idak ne’ebé eziste iha BTL, E.P, hodi hala'o prátika no hetan esperiénsia, durante fulan ida iha terrenu. BTL, E.P mos nafatin nakloke no servisu hamutuk ho Sentru Formasaun sira hotu, atu bele simu estajiáriu sira, hodi hala’o sira-nia estájiu profisionál.

Reprezentante Diretór DAF no atuál Koordenadór Armazén, Florindo de Jesus, agradese tebes ba servsiu hamutuk durante fulan ida iha BTL, E.P, liu-liu apoia halo servisu fíziku iha armazén BTL, E.P nian.

Diretora Ezekutiva CNFP Becora, Bernardete Pinto Miranda Gomes, agradese ba BTL, E.P tanba bele fó espasu ba formandu sira hodi hala’o sira-nia estájiu profisionál, apresia no agredese ba Diretór, Jestór no ekipa BTL, E.P nian, ne’ebé orienta no akompaña ona estajiáriu sira iha terrenu hosi inisiu to’o remata, ho kondisaun no rezultadu ne'ebé di'ak, liuhosi sira-nia aprezentasaun relatóriu finál ohin nian. Maske ho limitasaun tempu, maibé sira apreende no hala’o duni sira-nia prátika iha terenu, hodi reforsa sira-nia 𝑠𝑘𝑖𝑙𝑙 ne’ebé sira hetan durante tuir formasaun iha CNFP Becora.

Estajiáriu CNFP Becora ne’ebé estajia iha BTL, E.P, hamutuk nain 14 no hala’o estájiu profisionál iha Departamentu Produsaun, Distribuisaun no Armazén BTL, E.P nian, durante fulan ida.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

14/09/2026

Ekipa tékniku BTL,E.P Bobonaro Hamos bee matan no hamos galeri inklui lee MK nomos halo ekspansaun P**a Line.

Bobonaro ,14 Setembru 2026 - Téknik operadór (TO) BTL,E.P Munisipiu Bobonaro ne’ebé destakadu iha bee matan Beremau , Galusapulo no Aicumu kontinua hamoos bee matan ne’ebé nakonu ho aitahan hodi asegura bee ba tanke reservatóriu.

No téknik operadór balun hamoos rai henek ne’ebé tama iha bomba galeri nian iha mota Bulobu.

Alen de ne’e ekipa téknik operadór ho OJAC uza sistema survey 123 hodi lee metru kontadór iha zona 1 bairo Atupusin Suku Lohomea, depois de ida ne’e ekipa refere kontinua hasai metru kontadór ne’ebé komsumidór sira la uza.

Enkuantu ekipa téknik operadór balun halo melloramentu no halo ekspansaun sistema kanalizasaun husi p**a GS ba p**a Poly 63mm 2 inch iha zona 2 bairo pemancar aldeia Aculaka suku Lahomea .

(𝐌𝐞́𝐝𝐢𝐚_𝐁𝐓𝐋, 𝐄.𝐏)

14/09/2026

𝐓𝐞́𝐤𝐧𝐢𝐤𝐮 𝐁𝐓𝐋, 𝐄.𝐏 𝐇𝐚𝐦𝐨𝐨𝐬 𝐊𝐚𝐩𝐭𝐚𝐬𝐚𝐮𝐧 𝐧𝐨 𝐇𝐚𝐥𝐨 𝐓𝐫𝐚𝐭𝐚𝐦𝐞𝐧𝐭𝐮 𝐁𝐞𝐞

𝐃𝐢́𝐥𝐢, 𝟏𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔__ Tékniku operadór O&M BTL, E.P ne’ebé destakadu iha 𝑖𝑛𝑡𝑎𝑘𝑒 Benamauk, Maloa no Tohumeta hamoos kaptasaun no kanaliza bee hosi sistema gravitasaun ne’e mai ETA Benamauk, tanke rezervatóriu Maloa, ETA BemosnoCentral, hodi halo tratamentu no bele asegura distribuisaun bee moos ba konsumidór sira.

No tékniku seluk hamoos 𝑏𝑢𝑙𝑘 𝑚𝑒𝑡𝑒𝑟 𝑟𝑎𝑤 𝑤𝑎𝑡𝑒𝑟 atu evita intupidu nomos halo tratamentu bee iha 𝑖𝑛𝑡𝑎𝑘𝑒 Nahaek nomos tanke rezervatóriu Maloa, hodi asegura kualidade bee ba konsumu públiku, molok fornese bee moos ba komunidade sira ne’ebé durante ne’e asesu bee hosi intake Nahaek no tanke rezervatóriu Maloa.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

13/09/2026

Ekipa tékniku BTL,E.P Covalima monitoriza projetu no hadia mk inklui truka valvula nomos atende kliente sira.

Covalima,11 Setembru 2026 - Kordenadór BTL,E.P Munisipiu Covalima hamutuk ho Supervizór akomapnia tékniku nasional halo monitorizasaun ba projetu sistema kanalizasaun bemos ne’ebe kompañia Jufado, Lda implenta iha Suai vila no iha iha okaziaun ne’e kompañia promete sei halo esforsu nune iha tempu badak bele finaliza obra refere.
Alende ne’e ekipa tékniku operadór Suai vila kontinua halo instalasaun metru kontadór iha Leogore.

No ekipa tékniku operadór Fohorem ba truka valvula iha Sadahur Fohorem hodi kontinua fornese bee ba komsumidor sira iha bairo Maubesi Suku Fohorem.

Ekipa apoiu kliente kontinua ba halo atendimentu direita ba kliente sira selu tarifa beemos iha Tabaco-Lot.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

13/09/2026

Ekipa tékniku BTL,E.P Liquiça kontinua hadia kaptasaun bee iha Inteke Daulo ho Eanaloa.

Liquiça ,11 Setembru 2026 -Relasiona ho bailoron naruk halo bematan Daulo ho bematan Eanaloa dadaun ne’e hahu menus bee,tanba ne’e atu garante nafatin fornesimentu bee ba komsumidór sira , kordenadóra BTL.E.P Munisipiu Liquiça ,organiza ekipa tékniku operadór ho asistente operadór no seguransa WTP,ba intake bee matan Daulo, no bee matan Eanaloa hodi hadia kaptasaun no Junta PE NOD 90mm ho PE NOD 63mm hodi aumenta presaun bee husi Inteke Daulo no Eanaloa liu hosi liña transmisaun ba tanke rezervatóriu WTP Sarlema hodi kontinua distribui ba komsumidór sira

(𝐌𝐞́𝐝𝐢𝐚_𝐁𝐓𝐋, 𝐄.𝐏)

13/09/2026

Ekipa tékniku BTL,E.P Baucau muda kanu bee hodi asegura husi projetu alargamentu estrada iha kapital Baucau.

Baucau ,11 Setembru 2026 - Ekipa tékniku operadór (TO) BTL.E.P Munisipiu Baucau maske kalan maibé kontinua nafatin halo servisu hodi muda kanu medida 8 no 3 ho naruk metru 100 iha area Tuanaun hodi asegura husi projetu alargamentu estrada iha fatin ne’e hodi garante nafatin fornesimentu bee ba komsumidór sira iha area referida.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

12/09/2026

𝐀𝐯𝐢𝐳𝐮:

Liuhosi meius komunikasaun ida ne'e, hakarak informa ba konsumidór sira iha área 𝐓𝐞𝐤𝐚-𝐇𝐮𝐝𝐢-𝐋𝐚𝐫𝐚𝐧, 𝐀𝐥𝐞𝐜𝐫𝐢𝐧, 𝐌𝐚𝐬𝐜𝐚𝐫𝐞𝐧𝐡𝐚𝐬, 𝐐𝐮𝐢𝐧𝐭𝐚𝐥 𝐁𝐨𝐨𝐭 no 𝐒𝐚𝐧𝐭𝐚 𝐂𝐫𝐮𝐳 ne'ebé durante ne'e asesu bee hosi 𝐭𝐚𝐧𝐤𝐞 𝐫𝐞𝐳𝐞𝐫𝐯𝐚𝐭𝐨́𝐫𝐢𝐮 𝐋𝐚𝐡𝐚𝐧𝐞 katak, sei iha mudansa ba oráriu distribuisaun bee nian, tanba dader ne’e sei enxe bee ba tanke rezervatóriu, hafoin nakonu mak foin bele fornese fila-fali bee moos ba komunidade sira.

Ba kolaborasaun no pasiénsia, la haluha hato'o obrigadu wa'in.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

12/09/2026

BTL,E.P Partisipa iha Serimónia Lansamentu Fatuk Dahuluk ba Projetu Rehabilitasaun estrada Humboe ba Ermera Vila Antiga.

Ermera,12 Setembru 2026- Prezidente Komisaun Ezekutiva (KE) BTL, E.P, Gustavo da Cruz, akompaña Primeiru-Ministru, Kay Rala Xanana Gusmão ho Ministru Obras Públikas, Samuel Marçal,ofisialmente halo lansamentu fatuk dahuluk ba Projetu Rehabilitasaun Estrada hosi Humboe to'o Ermera Vila Antiga. iha Ermera Vila Antiga, Sabadu semana ne’e.

Depois de halo lansamentu projetu rehabilitasaun ne’e,Primeiru Ministru Kay Rala Xanana Gusmão hateten,projetu rehabilitasaun estrada ne'e hanesan investimentu importante ida husi Governu atu hametin konektividade,hodi fasilita komunidade asesu ba merkadu, saúde no edukasaun, no hamenus izolamentu ba komunidade sira iha Munisípiu Ermera.

Iha okaziaun ne’e Ministru Obras Públikas Samuel Marçal mós informa ,nia parte garante katak projetu ne'e sei hala'o tuir padraun kualidade ne'ebé aas hodi garante durabilidade estrada nian no fó benefísiu ba populasaun durante tinan barak.Governu liuhusi MOP sei kontinua implementa projetu infraestrutura sira iha territóriu tomak hodi apoia dezenvolvimentu nasionál no hadi'a moris povu nian.

Partisipa iha serimónia ne'e Membru Governu,Membru Parlamentu Nasionál,Prezidente Autoridade Munisípiu Ermera, Reprezentante Igreja Katólika, Padre no Madre sira, Autoridade Lokál, Líder Komunitáriu, no Estudante sira.

Enkuantu projetu rehabilitasaun estrada ne’e ho distansia hamutuk kilo metru 6 ne'ebé , implementa hosi kompañia SALI-MAGU Unipesoal L,da. ho durasaun tempu tinan ida.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/09/2026

𝐁𝐓𝐋, 𝐄.𝐏 𝐌𝐨𝐧𝐢𝐭𝐨𝐫𝐢𝐳𝐚 𝐏𝐫𝐨𝐣𝐞𝐭𝐮 𝐊𝐨𝐧𝐬𝐭𝐫𝐮𝐬𝐚𝐮𝐧 𝐒𝐢𝐬𝐭𝐞𝐦𝐚 𝐁𝐞𝐞 𝐌𝐨𝐨𝐬 𝐢𝐡𝐚 𝐑𝐞𝐦𝐞𝐱𝐢𝐨

𝐀𝐢𝐥𝐞𝐮, 𝟏𝟏 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔__Jestór Infraestrutura hamutuk ho Enjeñeiru RP&GIS DEI BTL, E.P akompaña hosi Supervisor BTL, E.P nian monitoriza projetu konstrusaun sistema bee moos, iha Postu-administrativu Remexio, Munisípiu Aileu.

Atividade monitorizasaun ne’e, hodi observa direta servisu fíziku iha terrenu, atu garante kualidade projetu nomos bele hatene persentajen hosi projetu refere. Hosi rezultadu monitorizasaun nian, projetu konstrusaun sistema bee moos iha PA Remexio atinji ona pursentu 10,9 (10,9%).

Projetu ne’e ezekuta hosi kompañia Locobui Zakma Unip Lda, hahú halo servisu hosi 𝑖𝑛𝑡𝑎𝑘𝑒, instalasaun kanu transmisaun no distribuisaun, konstrusaun tanke BPT nomos halo ligasaun ba uma kain sira inklui montajen metru kontadór.

Durante monitorizasaun iha terrenu, Jestór no Enjeñeiru DEI BTL, E.P husu kompañia atu aselera servisu fíziku, nune’e bele responde ba komunidade sira-nia preokupasaun, maibé tenke garante kualidade obra, atu nune’e wainhira finaliza konsumidór sira bele uza ba tempu naruk.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

11/09/2026

Ezekutivu BTL,E.P observa no monitoriza ekipa tékniku operadór sira troka kanu distribuisaun tuan hodi tau kanu foun iha area Lahane Osidental.

Dili , 11 Setembru 2026 -Vise-Prezidente KE BTL, E.P ba Asuntu Tékniku, José Filipe Ximenes Smith akompaña hosi Diretór Operasaun no Manutensaun (DOM) Aleixo Dos Santos no Jestór Distribuisaun halo observasaun ba ekipa tékniku operadór balun ne’ebe troka kanu distribuisaun tuan hodi instala fila fali kanu distribuisaun foun,iha area Lahane Osidental,nune komsumidór sira iha area refere bele asesu bee ho diak.

Alen de observa ekipa tékniku sira ,Vise-Prezidente KE BTL, E.P ba Asuntu Tékniku observa mós tanke rezervatóriu antigu ne’ebe konstroi iha fatin ne’e.

Iha oportunidade ne’e Vise-Prezidente KE BTL, E.P ba Asuntu Tékniku husu ba kamunidade iha fatin ne’e atu kopera ho ekipa tékniku sira hodi bele finaliza servisu ne’e ho diak.

(𝐌𝐞́𝐝𝐢𝐚_𝐁𝐓𝐋, 𝐄.𝐏)

Endereço

Bee Timor-Leste, Avenida 20 De Maio, Caicoli
Dili
P.O.BOX194.

Telefone

+6703311539

Website

https://btl.tl/, https://icw.btl.tl/water-calculator, https://btl.tl/advisory-map, https://gis.btl.tl/water-control-map,

Notificações

Seja o primeiro a saber: enviamos-lhe um e-mail quando BEE TIMOR-LESTE E.P publicar novidades e promoções. O seu endereço de e-mail não será utilizado para nenhum outro fim e pode cancelar a subscrição a qualquer momento.

Contactar O Negócio

Envie uma mensagem para BEE TIMOR-LESTE E.P:

Partilhar

Categoria

Serviço de tratamento de águas