31/07/2024
في حدث حصل امبارح في اوليمبياد باريس حقيقي يحزن جدا
لاعبة الشيش الامريكية " لي كيفير " قدرت تكسب الميدالية الذهبية امبارح في اوليمبياد باريس
مين بقي مدرب لي كيفير اللي ساهم في الانجاز ده ؟
مدرب مصري اسمه " امجد عبد الحليم "
مش بس كدة ، لي كيفير قدرت تكسب الميدالية الذهبية برضه في اوليمبياد طوكيو الماضية و امجد عبد الحليم كان المدرب بتاعها برضه 😮
أمجد كان بيشتغل في مصر و كان مقدم نتائج كويسة جدا لكن للاسف الاتحاد المصري استغني عنه بشكل مفاجئ و بدون اي اسباب
امجد وصلتله عروض كتير بعدها في دول تانية ، لحد ما قرر في عام 2003 انه ينتقل إلى أميركا عشان يدخل طاقم التدريب الخاص برياضة الشيش
امجد اشتغل مع اللاعبة لي كيفير الامريكية من 2004 لما كان عندها ٩ سنين ، فضل يجهزها و يأهلها لحد ما كسبت اتنين ميدالية ذهبية علي التوالي في اوليمبياد طوكيو و اوليمبياد باريس
امجد امبارح عمل الانجاز ده بإسم اميركا و رفع العلم الامريكي ، كادر مهم و شاطر زي ده انت استغنيت عنه بصورة سازجة جدا و راح حقق نجاح لدولة تانية غيرك
حقيقي حاجة تحزن جدا
