Me and my mother انا وامي

10/17/2026

وصفة حلوة الطبقات بالعسل🥰🥰🥰
المكونات والطريقة:
انا خلطت 4بيضات
نصف كاس عسل او كاس سكر
+م ص فانيلا
+كاس زيت
+2م ص بيكاربونات
+طحين( فرينة) حتى نتحصل على عجينة ثقيلة وما تتلاصقش نقسم العجينة على 2 نبسطها في مول مدهون بالزيت 24/30 وندخلها الفرن مسخن على 180د تطيب وتتحمر (نتقبها بالفرشيطة )
ونعاود نطيب الطبقة 2 في الفرن بنفس الطريقة ونحط الطبقة 1 في مول وندهنها بمربى المشمش أو نوتيلا ونرشها بالمكسرات محمرة ومهرمشة أو جوز الهند ونحط فوقها الطبقة 2
ونشد كسرونة تقيلة نحط فيها 150غ شكلاطة سوداء أو بالحليب نذوبها +م ك زيت في حمام مائي ونكبها فوق الحلوة ونزينها بالشكلاطة البيضاء على شكل خطوط ونحي لها الاطراف أو الجناب بالسكين بعدما تبرد ونقطعها مربعات
بصحتكم❤️❤️🧇

10/13/2026

#البومفور 💯👈تأكلوه مع البربوشة ،شخشوخة تليتلي و…و ….. الفلفل يترقد وتكلوه في نهارو وكي تخبيوه يقعد مدة طويلة في ثلاجة مايصرالوا حتي شيءٍ الوصفة↙️↙️ في الصور
💖👌@تحكمي فلفل تحبي حار ولا حلو أنا خلطت بيناتهم تشلوه وتحلوه في الوسط وتحطوه يفور علي الماء كي تشوفوه تبدل لونو وتمسوه تلقاوه طري نحيوه وحطوه في وعاء كبير وخليوه يبرد
الدرسة 😋تحكمي سنينات ثوم تهرسيهم مع كسبر وملح وشوية فلفل اسود بعد ما تهرسيهم تحطيهم في صحن وتزيديلهم شوي خل وزيت كيما نخدمو لاصوص تاع سلاطة نخلطهم ولوحهم في الفلفل لي يكون برد ( ونحرك الوعاء باه يتخلط الفلفل ونحطهم في العلبة ونقدر ناكل منو في نفس الوقت مع كسرة او مع اي اكلة وكي تحبو تاكلوه نقطعو لو شوية طماطم وهذا اختياري🍅
❌️ملاحظة الفلفل البومفور الأكثرية يخدموه للأعراس ويقطعوه ويزينوه بالزيتون والطماطم
#متابعة تصلكم منشوراتنا 🇩🇿 🍒🍕

10/12/2026

"كريم" زوج العروس الجزائرية اليتيمة "شهرزاد" يتحدث خلال حفل زفافه عن وضعه قبل كل ما حدث قائلاً: "لم أكن أتوقع أن يحدث لي هذا أبداً، لأنني كنت تحت الصفر، منحونا عمرة ورحلة إلى تركيا، ووجهت إليّ دعوات من كل الولايات لقضاء أيام، وسيقومون بمعالجة أسناني، وقد اعتنوا بي من كل شيء، ما شاء الله أنا مندهش حقا بهذا الرزق" ❤🤲🇩🇿

10/09/2026

انا درت
3 بيضات
كاس سكر ناقص إصبع
كاس زيت ناقص إصبع
نص كاس حليب
ضربتهم مليح بالمضرب اليدوي(الفوي)
زدت لافانى اوقشور الليمون
شكارة خميرة كميائية خلطت مليح زدت 3كيسان فرينة (دقيقة ابيض)
و درتهم في المول الاسطورة انا الخليط خرجلى زوج
درتهم في الرف الوسطاني فوق الشبكة ولا ديريهم داخل بلاطو كبير على حرارة متوسطة لمدة نص ساعة كي شوفت الاطراف حمر شعلت من الفوق حمارت لى بالطبع
التزيين اختياري حبيتى بالمربى وجوز الهند او بالصوص شوكولا ولا كما تحبي انا خليتو طبيعي
وبصحتك❤️❤️❤️🧇🍮🍪🥧

10/07/2026

#رسائلكم
انا توحمت على امو ازييس غبرة كنت ناكله نضل ناكل فيه وكي زيدت تاني بقات فيا هكك مهما حاولت نلقا روحي عندو 😌😌 قولولى واش الحل ؟؟؟

10/04/2026

انا درتو لكل كيلو من #التين 500 غ سكر خليهم يباتو فالثلاجة باه يطلق sirop تاعو وغدوة منذاك طيبيه يطلق وحد رغوة نحيها كامل بالمغرف

التعقيم باه يشدلك اطول مدة نغلو البلارة 25 دقيقة متعبد نقلبوها ونخلوها تنشف ونعمرو المعجون وهو سخون ونقلبوه

ونخلوه يبرد مبعد نديروه في الفريجيدير لمدة شهرين و كونجيلاتور لمدة عام

10/02/2026

09/28/2026

وصفة اليوم
تجي بنينة بزاف

المكونات:
2 بيضات
القليل من الملح
8 غرام سكر فانيليا
نصف كاس سكر
نص كاين زيت زيت
نص كاش حليب حليب
2 كاس فريزة(دقيق_ابيض)
كيس بيكنج بودر(خميرة)
نخلط المكونات بالتدريج ثم نضعه في صينية الفرن حتى ينضج


2ملعقة كبيرة كاكاو مر
50 غرام سكر حبيبات
ملعقة كبيرة قهوة سريعة الذوبان

كاس ونص من الحليب

100 غرام شوكولاتة سوداء
30 غرام زبدة
نفرغ النصف على الكيك و نضيف لنصف الاخر القليل من الماء + ملعقة صغيرة من نشا الذرة ونوزعه من الفؤ ق والتزيين اختياري

09/25/2026

(عين بقرة)

انا درتو جا ىيهبل ومش متعب خلاص لازم تكون العين نتاعك ملحمة مليح وموش طايبة بزاف تغسليه مليح ومن بعد تلوحيه في الماء مغلى .بعد ما الطفي عليه مدة 5دقائق إلى 10دقايق وتنحيه تنشفيه مليح تدهنيه بالزيت وتحطيها في بلاطو مفرش بالبابي كويسون من بعد تديريه في الفور اللي تكوني ديجا سخنتيه مليح مليح تلوحيه في الأسفل خلااص نتاع الفرن وتشعليلو الفوق نار خفيفة خلاص وتخليه من 4الى5 ساعات وكل ساعة تقلبيه كي تفوت المدة طفي عليه وخليه في الفرن غدوة كي يبرد راح تلڤايه رائع كما لى يتباع والمحلات ديريه فالكونجلاتور تقدري تستعمليه في اي وقت وتقدري تخليه لرمضان أن شاء الله اللهم بلغنا رمضان لا فاقدين لا مفقودين #امييين