Havva Aksoy Istanbul

Havva Aksoy Istanbul Contact information, map and directions, contact form, opening hours, services, ratings, photos, videos and announcements from Havva Aksoy Istanbul, Wholesale Grocer, Miami, FL.

08/13/2026

Қашан біз осындайдан шығамыз екен…

Біреудің түрін, сөйлеуін, киімін, өмірін — сұрамаса да түзеткіміз келіп тұрады.

Мен «Р» әрпін анық айта алмаймын. 39 жыл солай өмір сүріп келемін 😂 Маған кедергі болған жоқ. 5 тілде сөйлеймін.

Адам өзі кеңес сұрамаса, оның «кемшілігін» бетіне басудың қажеті бар ма?

Әлде мен дұрыс түсінбеймін бе?

08/12/2026

6 жыл болды саудадамын. Бірақ әлі күнге дейін бір нәрсені түсінбеймін 😂

Бір клиент болады:
«Тауарым қайда? Қайда? Қашан келеді?» деп қайта-қайта жазады.
Сөйтсе, дәл сол кісінің тауары бір себеппен кешігеді 😅

Ал бір клиент болады — дым жазбайды.
Тыныш қана күтеді.
Сөйтсе, тауары уақытында, тіпті кейде ертерек жетеді 😂

Осыны 6 жылдан бері байқап келемін.

Бұл қандай заңдылық өзі? 😂
Түсінетіндер болса, жаза қойыңыздар 👇

08/11/2026

Аллаға шүкір, қазір біз 12 тракқа жеттік. 🚛🤍

Видеода көріп тұрғандарыңыз — бүгін базаға келген 3 трак.
Біреуі — Сабит ағайдың трагы, ал қалған екеуі май ауыстырып, техникалық күтімнен өтуге келді.

Қалған трактарымыздың бәрі жолда, жұмыста. 🙏🏻

Бір кездері 2 трактан бастаған едік…
Бүгін — 12.

Келесі мақсатымыз — 20 трак.
Ал үлкен мақсатым — 100 тракқа жету, Алла қаласа. 🚛

08/11/2026

Кейде осындай сәттерді сырттай қарап тұрып, жүрегім елжіреп кетеді ғой… 🥹🤍

Балам Игит…
Кеше ғана ағылшынша бір сөз айтуға қиналатын сияқты еді, ал бүгін достарымен ағылшынша сайрап, емін-еркін ойнап жүр.

Америкада қанша ұлт болса да, балалар оны бөліп-жармайды екен.
Тура осы видеодағыдай… Бірі — бір ұлттан, бірі — басқа ұлттан. Бірақ бәрі бірге ойнап, бірге күліп жүр. 🤍

Балалардың әлемінде «сен қай ұлтсың?» деген сұрақ жоқ екен.
Оларға керегі — достық пен ойын ғана.

Осындай сәттерді көргенде, балаларымның болашағы үшін жасаған әрбір қадамымызға шүкір деймін. 🤲🏻

08/10/2026

🇺🇸АҚШ-та маған қатты ұнайтын нәрселердің бірі — баланың қауіпсіздігіне деген көзқарас. 🤍

Біздің үйден мектепке небәрі 4 минут. Жолда бір ғана көлік жүретін көшеден өту керек.

Сол жердің өзінде балалар мектепке аман-есен кіріп-шығуы үшін арнайы екі жол қызметкері тұрады. Бірі көліктерді тоқтатады, екіншісі балалардың қауіпсіз өтуін қадағалайды.

Осындай кезде баланың қауіпсіздігіне қаншалықты үлкен мән берілетінін көресің.

Ата-ана үшін бұдан артық тыныштық бар ма екен?..
Мектебі үйімізге жақын. Балам қауіпсіз ортада, сапалы білім алып жатыр. Аллаға шүкір. 🤲🏻

Бір кездері арман болған өмірдің ішінде жүргенімізге кейде өзім де сенбей қаламын…

Армандаудан қорықпаңыздар.
Алла армандарыңызды одан да биік етсін. 🤍

08/10/2026

Осы тракты шамамен $45 000-ға (22 млн)
сатып алдыңыз делік. 🚛

Енді бір ойланып көріңізші.

Қазақстанда осы ақшаға үй сатып алсаңыз, сол үй салған қаражатыңызды бір жылдың ішінде қайтарып бере ала ма?

Ал трактың айырмашылығы — ол жай ғана тұрған мүлік емес. Ол күн сайын жұмыс істейтін актив.

Егер жұмысы тұрақты жүрсе, салған қаражатыңызды шамамен бір жыл көлемінде қайтарып алуға мүмкіндік бар.

Ең қызығы — салған ақшаңыз қайтқаннан кейін трак жоғалып кетпейді. Трак әлі де сіздікі. 🚛

Одан кейін де бірнеше жыл жұмыс істеп, сізге табыс әкелетін актив болып қала береді.

Яғни ақшаңыз жай тұрған жоқ — ақшаңыз сіз үшін жұмыс істеп жатыр.

Менің осы бизнесте ең қатты ұнататыным да — осы.

Әрине, мен «үй жаман инвестиция» деп тұрған жоқпын. Үйдің де өз артықшылығы бар.

Мен тек екі активтің салынған қаражатты қайтару жылдамдығын салыстырып отырмын.

Ал сізге таңдау берсе — 🏠 үй ме, әлде 🚛 трак па?

Комментке жаза кетіңіз 👇😀😊

08/09/2026

Кім айтады бұны Америкада тұрады деп? 😂

Жұмыс, жұмыс деп жүріп, өзінің тапочкасына қарауға да уақыт жоқ. 🤦🏻‍♀️
Неше рет «лақтыршы мынаны» дедім — тыңдамайды. 😂

Ақыры видеода дәл осылай түсіп қалды. 🤣
Енді түрік ата-енем көріп қоймаса болды… 🙈😂

08/08/2026

Бір кездері жолдасым жолға шықса, екі айлап үйге келмейтін.
Күніне 4–5 сағат қана ұйықтап, трак айдайтын.
Мынау — екі айдан кейін баласымен кездескен сәті…

Ол кезде біз мұның бәрі уақытша екенін білдік. Бірақ оңай болған жоқ.

“Шаршадым” демеді. “Болды, қойдым” демеді. Отбасы үшін еңбек етті.

Ал бүгін, Аллаға шүкір, өзі трак айдамайды. Қазір бізбен 20 инвестор жұмыс істеп жатыр.

Бірақ мақсатымыз мұнымен бітпейді.

Алла қаласа — 100 трак.

Кейде адамдар нәтижені көреді.
Бірақ сол нәтижеге жеткенше неден өткеніңді көрмейді.

Менің түсінгенім — отбасының жүгін бір адамға ғана артып қоюдың қажеті жоқ. Ерлі-зайыпты екеуі бір мақсатқа бірге еңбек етсе, ауыр жол да жеңілдейді.

Біз бұл күнге бірге жеттік.
Аллаға шүкір. Әлі басы ғана…»🙏🥹💪

08/07/2026

Шынымды айтсам, осы уақытқа дейін мұны жарияламадым.

Себебі ата-енемнің көңіліне тиіп кетпесін деп ойладым. Олар: «Баламды Америкаға көшіріп әкеттің. Кеңседегі жұмысынан шығарып, шофер қылып қойдың» деп ойлап қала ма деп үндемедім.

Бірақ бүгін мұны жасырғым келмейді.

Иә, Америкаға келген алғашқы жылы жолдасым күніне 20 сағатқа дейін көлік жүргізді. Тәулігіне небәрі 4–5 сағат қана ұйықтайтын.

Бұл біздің өміріміздегі ең қиын кезеңдердің бірі болды. Бірақ ол бірде-бір рет:

«Шаршадым» демеді.
«Ұйқым келді» демеді.
«Қолымнан келмейді» деп те айтпады.

Тек еңбек етті. Күн сайын. Отбасы үшін.

Бүгін, Аллаға шүкір, сол еңбектің жемісін көріп отырмыз.

Кейде адамдар тек нәтижені көреді. Ал сол нәтиженің артында қанша ұйқысыз түн, қанша маңдай тер, қанша сабыр жатқанын ешкім көрмейді. 🤍

Address

Miami, FL

Website

Alerts

Be the first to know and let us send you an email when Havva Aksoy Istanbul posts news and promotions. Your email address will not be used for any other purpose, and you can unsubscribe at any time.

Shortcuts

Share

Category