02/12/2022
هناك 5 انواع/احجام من الخبز الطويل (الفينو) او Le Pain
1 - مينى بيتى بان (طوله من 5 - 6 سم).
2 - بيتى بان (بيتسمى فينو صغير وطوله ضعف طول اللى فات).
3 - لارج بيتى بان (اللى هو الفينو بتاع دلوقتى، وساعات بيتسمى فيينا وطوله 3 مرات ونص الصنف الاولانى خالص).
4 - ديمي باجيت (ويعنى نصف باجيت لان ديمى بالفرنسية تعنى "نصف"، ويسمى احيانا "مينى باجيت" او "باجيت صغير" لو العامل اللى جوة المخبز/ الفرنة/ البولانجيري - هى اسمها كدة :) - من منطقة شعبية او ريفية، ومش عارف يقول الكلام اللى فات :) ) والفرف بينه وما بين الفينو/الفيينا طفيف، الا ان الديمى باجيت اعرض وأسمك وارتفاعه اعلى قليلا وقد يكون اطول سنتى او اتنين، والبعض يسميه فيينا كبير (وطوله ربع متر).
5 - باجيت (وهو الفينو بتاع سنة 2000 وماقبلها) حاليا هو طويل جدا وعريض جدا ، اذ يتعدى طوله نصف متر وعرضه 8 سم وارتفاعه 6 سم، ولا تجده الا عند "بعض" الحلوانية الغربيين الكبار (او اللى فاتحين من 35 سنة مثلا).
عموما افضل واشهى وارقى واطيب خبز هو الذى تشتريه من "الحلواني الغربي" طازجا وملفوفا فى فيلم بلاستيك شفاف لاصق (ورق استرتش وبيسمى احيانا "فيلم طعام") وهاتلاقيه ارخص من المخابز الموجودة بداخل الـ"ميجا ماركتس" اللى زى "سعودى" و"مترو" (ودول بدورهم افضل من الفرن او المخبز الغربي "الأفرنجي" - بلغة سنة 1960 واللى بيسموه "بولانجيري" فى نادى الجزيرة :) - اللى فاتح فى الشارع عادى.
انا وقعت فى غرام الـDemi Baguette ده..
طبعا حوارات ساندوتشات المدرسة والاطفال والمذاكرة مالهمش صالح برقم 4 و5.. وربما 4 كمان.. دول للكبار المتخرجين يا حبايبي.. لما يبقوا عايشين بطولهم ولوحدهم.
شاهد قبل الحذف.. فيديو الديمى باجيت (Demi Baguette)
😊😉😂
