BletArta

Bletaria jonë ka zanafillen që në vitet 1955, ku Zymer (Adem) Tahirukaj filloi me kultivimin e bletëve, traditë që është vazhduar nga djali Hakiu. Në vitet e fillimit kultivimi i bletëve është bërë në kushte mjaft të vështira, me koshere të thurura me thupra dhe të lyera me baltë. Në vitet 1970-1980 bletaria ka kultivuar rreth 250 familje bletësh me një prodhim mesatar të mjaltit rreth 2000 kg. Ky

trend i prodhimit vazhdon deri në vitet 1990-2000 ku lufta e fundit ka shkaktuar dëme dhe rënie të numrit të bletëve deri në 10 familje. Që nga përfundimi i luftës e deri në ditët e sotme, numri i bletëvë është rritur gradualisht, ku momentalisht bletishta jonë numëron rreth 180 familje bletësh me prodhim të mjaltit rreth 1000 kg në vit. Duke u bazuar në shumëllojshmërinë e bimëve dhe kushtet klimatike të rajonit të Deçanit, kushtet për prodhimin e mjaltit natyral dhe produkteve tjera nga bletët janë shumë të favorshme. Bletaria jonë bazohet në prodhimin e disa llojeve të mjaltit: Mjalti i Gështenjës, Mjalti i Bagrenit, Mjalti i Malit dhe Mjalti i Bjeshkës. Mjalti i gështenjës dhe ai i bjeshkës janë lloje të veçanta cilat në Kosovë i ofron vetëm rajoni i Deçanit .