08/10/2026
Sa lehtë e kemi me i respektu dallimet, përderisa nuk na duhet me ndryshu asgjë prej vetes? 😅
Shpesh flasim për respektin, tolerancën dhe pranimin e njerëzve që mendojnë apo jetojnë ndryshe prej nesh.
Por në praktikë, jo gjithmonë jemi aq të hapur.
Jemi mësu me funksionu sipas disa normave, zakoneve e traditave, dhe kur dikush del prej tyre, shpesh shihet si personi që po e komplikon situatën, në vend që thjesht me e pranu që jo të gjithë jemi njësoj.
Nganjëherë zgjedhjet e dikujt tjetër i marrim edhe shumë personalisht. Sikur fakti që dikush jeton ndryshe, automatikisht nënkupton që po e kritikon mënyrën tonë të jetesës.
E nganjëherë thjesht nuk na shkon mendja me e pa situatën prej perspektivës së tjetrit.
Por jo çdo dallim është kundërshtim. Jo çdo refuzim është ofendim. Dhe jo çdo zgjedhje ndryshe është gjykim ndaj nesh.
Nuk kemi nevojë me u pajtu me çdo zgjedhje të dikujt tjetër për me e respektu atë.
Dhe ndoshta respekti nuk është vetëm me e toleru dikë që është ndryshe, por edhe me e konsideru, me mendu për nevojat e tij dhe nganjëherë me u përshtat pak edhe ne.
Sepse gjithëpërfshirja nuk është vetëm me i ftu të gjithë me qenë pjesë e grupit, por edhe me kriju hapësirë që secili me mujt me qenë vetvetja.
E një faleminderit të veçantë për krejt ata që më kanë bo me u ndi e përfshirë, pa pas nevojë me ua kërku. ❤️
