17/01/2026
Kantina ZANA mirëpret përfaqësues të diplomacisë ndërkombëtare
Sot, patëm nderin dhe kënaqësinë të mirëpresim në Kantinën ZANA përfaqësues nga Ambasada e Suedisë, z. Henrik Riby, nga Ambasada e Zvicrës, z. Christoph Fuchs, si dhe nga Zyra e Bashkimit Evropian në Kosovë, z. Olivier Boudard.
Mysafirët u njohën nga afër me verërat tona, procesin e prodhimit dhe filozofinë që qëndron pas Kantinës ZANA, duke shijuar një degustim të përzgjedhur të verërave tona. Verërat u vlerësuan lart për cilësinë, shijen dhe karakterin e tyre autentik shqiptar.
Gjatë vizitës u zhvilluan biseda shumë pozitive për bashkëpunim në promovimin e turizmit të verës, përfshirë organizimin e guidave turistike të verërave kosovare, të cilat do të prezantohen nga përfaqësuesit e ambasadave në vendet e tyre, duke e çuar shijen e Kosovës përtej kufijve.
Kjo vizitë është një dëshmi e qartë se verërat e Kosovës po fitojnë gjithnjë e më shumë vëmendje ndërkombëtare dhe se Kantina ZANA po shndërrohet në një ndalesë të rëndësishme për dashamirët e verës dhe turizmit rural.
Faleminderit për vizitën dhe besimin — mirë se vini gjithmonë në Kantinën ZANA, aty ku vera rrëfen historinë e tokës sonë. 🍇🍷✨
