De Keur

21/08/2026

21/08/2026

🏉 DE KEUR STAAN 100% AGTER DIE BOKKE! 🏉

Dis BOK FRIDAY by De Keur en ons dra ons groen en goud met trots! 💚💛

Met die Springbokke wat gereed maak vir die eerste wedstryd in “Rugby's Greatest Rivalry”, is daar geen twyfel waar ons ondersteuning lê nie.

Van die boorde tot die pakstore en kantore – De Keur is 100% agter die Bokke!
(Ons het 'n paar All Black ondersteuners ook in ons midde...mag dit 'n goeie, lekker rugby wedstryd wees.)

Sterkte, Bokke! Speel met trots, speel vir mekaar en speel vir Suid-Afrika! 🏆

GO BOKKE! 💚💛

18/08/2026

🌿 WITZENBERG PRESTIGE LANDBOUTOEKENNINGS 2026 🌿

By De Keur glo ons dat die hart van landbou in sy mense lê. Daarom is dit vir ons ’n besondere voorreg om erkenning te gee aan ons kollegas wat tydens die Witzenberg Prestige Landboutoekennings met hul harde werk, kundigheid en toewyding uitgestaan het.

Ons is geweldig trots op elkeen van julle! Julle prestasies getuig nie net van persoonlike uitnemendheid nie, maar ook van die passie en trots waarmee julle elke dag jul werk aanpak.

🏆 Algemene Werker
🥈 Adrowaan Noorman – Leeuwrivier | 2de plek

🚜 Drywers
🥉 Dedire Kamfer – De Keur | 3de plek

💧 Besproeiingspesialis
🥇 Ricardo-Lee Franse – De Hoop | 1ste plek
🥈 Merwin Davids – Rocklands | 2de plek

⚙️ Tegniese Operateur
🥈 Abongile Mbikahlobo – Leeuwrivier | 2de plek

🌱 Junior Bestuur
🥇 Absalom Snyers – Leeuwrivier | 1ste plek

’n Baie spesiale gelukwensing gaan aan Ricardo-Lee Franse van De Hoop, wat boonop aangewys is as die Landbouwerker met die Beste Potensiaal. 🌟

Ricardo-Lee, dit is voorwaar ’n besondere prestasie en ’n wonderlike erkenning van jou potensiaal, harde werk en toewyding. Ons sien met trots uit na wat die toekoms vir jou inhou!

Aan elkeen wat De Keur en ons onderskeie plase so uitstekend verteenwoordig het: ons sien julle harde werk raak, ons waardeer julle bydrae en ons is ongelooflik trots om julle deel van die De Keur-familie te kan noem.

Baie geluk – julle maak ons trots! 🌿👏

12/08/2026

🌱 UIE PLANTTYD IN DIE KOUE BOKKEVELD 🧅

Daar is iets besonders aan uie planttyd. Want elke klein plantjie wat vandag in die grond kom, dra die belofte van môre. 🌱

Dit is lang dae, vroeë oggende en harde werk – ure op die lande terwyl daar geplant, gespuit, besproei en beplan word.

Boerdery leer ’n mens om te glo in dit wat jy nog nie kan sien nie. Om vandag jou beste te gee en te vertrou dat die toekoms mooi en goed sal wees.

🧅 Uie-planttyd in die Koue Bokkeveld – waar harde werk en hoop hand aan hand loop.

Mag dit ’n geseënde seisoen wees en die begin van ’n mooi oes. 🌱🚜

04/08/2026

Ons vier 'n besondere mylpaal by De Keur!

'n Hartlike dankie aan ons toegewyde werknemers wat 10, 20, 30 en 'n VOLLE 40 jaar deel van die De Keur-familie is. Julle lojaliteit, harde werk en toewyding het oor dekades 'n onskatbare bydrae tot ons besigheid gelewer.

Baie dankie dat julle saam met ons groei, bou en 'n verskil maak. Ons waardeer elkeen van julle opreg. Ons glo dat ons nog baie jare van saam-boer sal beleef!

40 jaar
Moos Salmon

30 jaar
Appie Snyders
Matselela Spilimani

20 jaar
Tseliso Moeketsi
Buyisile Stefans
Nceba Mkhithik

10 jaar
Denver Paulse, Gerhardus Beukes, Sara Van Der Merwe, Thabo Mpatsi, Jaydee Nel,
Jennifer Kamfer, Jayson Boer, Alecia Noorman, Engela Titus, Teboho Mohlokonya,
Wezeka Kandlo, Marilyn Ersterhuizen, Jeremy Louw, Gertruida Heyns, Mlindeni Simelane, Thobelani Nqwiliso, Pedia Olivier, Samkelo Jika, Leabua Makoa, Jason Janse, Jonathan Willemse, Vuso Simelane, Granville Davids, Gerrit Mars & Lwazi Zenzile

03/08/2026

23/07/2026

Die volgende vakature het by De Keur Landgoed ontstaan. Die geskikte kandidaat sal op Rocklands plaas diens verrig. Alle relevante aansoeke is welkom.

29/06/2026

Baie geluk Tony, Jacobus en Pieter.

Dankie vir 10 jaar se saamboer, saam somme maak en saam pak. Ons waardeer al jul harde werk!

De Keur Verpakking
10 Jaar
Jacobus Spamer
Tony Mariano

De Keur Landgoed
10 Jaar
Pieter Goliath

09/06/2026

De Keur se Bejaarde Bederfdag!