Elzé-farming

22/10/2024

Dis kersie tyd in ons pragtige Oos Vrystaat. Kom kuier saam! Kontak Gwynet Higgo vir kaartjies om lekker saam te kuier. Besoek ook Constantia Cherry Farm vir die heel lekkerste kersie produkte. Ons gaan LEKKER kos maak, so kom honger. Ons deel môre meer...

08/02/2024

A threefold cord is not quickly broken - Ecc 4:12

Ons is omring deur geliefdes wat skouer-aan-skouer saam met ons staan, selfs al is ons almal op ons knieë in gebed.
Wat 'n kosbare geskenk en voorreg is dit nie, om omring te wees met hierdie hartsmense.
Slegs een sin en hulle tree in, hou jou lam arms omhoog.
Vandag dank ons Vader vir elk een van julle.
Ons is lief vir julle 💛

05/02/2024

Daar is min dinge so lekker soos 'n sappige, smaaklike steak.
Stadig op die kole gebraai met 'n yummy bykos.

Hoekom is natuurlik geproduseerde vleis vir ons so belangrik?
Wat die dier ge-eet het, dit is wat ons dan ook uiteindelik eet...
Dit klink dalk vreemd, maar wat hulle eet, het 'n effek op die vleis se smaak.
Die omega 6 tot omega 3 vet verhouding is ook baie beter, omdat die omega 3 vette 2 tot 4 keer hoër is in vrylopende diere.
Hulle is dalk ouer, maar is nie vol antibiotika en groeistimulante nie.

Kontak ons gerus indien jy belanstel in van ons produkte of indien ons jou bees vir jou kan verwerk.
Whats app ons by 0725682834

22/01/2024

11/01/2024

Holderstebolder!!
Hoe gemaak as die hele dag voel asof jy Everest klim?

Vandag was so 'n dag gewees. .. en die hele dag gesels ek met Vader en wonder waarvoor is ek dankbaar vandag ? Die antwoord het so stil stil in my hart gekom...
Hy is met my, Hy is getrou aan Sy karakter en woord, maak nie saak of ek in 'n moeilike bui is nie.
Hy is God, ewig.
My hart groei vlerke en ek kan weer diep asemhaal en in Sy vrede verder loop.
Waarvoor is jy vandag dankbaar? Kom daar sommer vinnig 'n hele lysie vol by jou op?
Of moet jy ook eers bietjie stil gaan word en toelaat dat Vader diep in jou hart praat.

08/01/2024

Kwaliteit vleis....
Vir ons begin dit by die dier moet 'n kwaliteit lewe leef.
Volop veld, mineraal aanvulling deur middel van 'n lek en skoon water.
Dit lei tot pragtige gesonde diere.

14/12/2023

Ek onthou vandag 'n snit (clip) wat ek 'n wyle terug gesien het van Tom Hanks.
Hy praat met 'n paar manne oor lewens lesse wat hy geleer het, een van hulle is 'this too shall pass'. Gaan soek dit gerus op sosiale media.

Vandag herinner dit my aan Salomo se woorde van alles het 'n tyd.

Hoekom is ek dankbaar? Want selfs tye van baie besig wees en hard werk, kom ook tot 'n einde.
Dan kom daar weer 'n tyd van rus en battery herlaai. Van nuwe perspektief en inspirasie.
'n Tyd van nuwe lewenslus en al die bulle by die horings pak.

So, vasbyt... hou bene hou, soos ons op skool langs die sportveld geroep het.

07/12/2023

Hulle sê verandering is so goed soos 'n vakansie....

Ek weet nie of ek heeltemal daarmee saamstem nie.
Die groot positiewe veranderings, voel verseker so.
Die moeilike, uitdagende goed.....dit voel soms so uitmergelend.

Vandag staan en stop ek dun wors. Nie eens op 'n goeie dag is dit een van my gunsteling take nie.
Die derms is gekoek en ek kan voel hoe my bloeddruk besig is om, ook al hoe meer te koek (kook).
Net daar hoor ek in my hart, moet verandering nie bly al is die dag, lewe of taak besig om jou te wen nie?
Die wind is uit my seile, die kwik uit my gemoed, want ek besef ek wil die maklike, geen koste aan myself, tipe verandering hê.
Vandag is ek dankbaar want ons Redder, moes ook deurdruk in moeilike omstandighede. So Hy verstaan hoe ek vandag voel. Verandering is dalk nie altyd maklik nie, maar met meeste dinge in die lewe, is dit moontlik.

So druk deur, indien jy nie vandag suksesvol was nie, probeer more weer.

30/11/2023

KRUMMELPAP....

Hoe was julle week? Myne was... soos die weer, die afgelope week.
Na 'n laaaaang en frustrerende dag, klim ek die aand in die bed en gesels met Vader.
Ek vertel van my woeste dag (so asof Hy nie weet nie), hoe lekker dit sal wees om dalk vir 'n paar dae niks en niemand te sien nie.
Verder praat ek van hoe Hy darem nie soos ek voel oor mense nie (SIEN JULLE HOE DIEP G*T EK VIR MYSELF GROU)
en so met daardie sin, nog vars in my gedagtes...
Hoor ek sag in my hart... My mercy is new every morning
Sjoe, ek ruk tot stilstand en stilte en buig voor God, want Hy stel my net daar reg.

Vanoggend dink ek nogsteeds oor Sy woorde, en weer kom ontmoet Hy my.

Dink aan 'n pot vars krummelpap, onmiddellik water my mond en ruik ek al die lekkerte.
"Maak jy vandag weer in gister se vuil , aangebrande pot pap? Gaan dit dan steeds so lekker wees?" vra Hy
Onmiddellik antwoord ek "Nee... "
"Nou hoekom doen jy dit met jou emosies, jy gaan net aan in gister se frustrasie en warboel..."
En ek besef dat dit presies is wat ek doen, gaan slaap moeg en oorweldig, en staan in daardie selfde toestand op.
Wanneer maak ek die pot skoon? Krap al die aangebrande dele en swart stukke uit, skrop myself bietjie skoon?
Dit is wat elke aand se laaste gesprek met Vader moet wees, 'n tyd en plek waar Hy my kan help om van die onsmaaklike dele in my lewe, ontslae te raak, veral die dele waarvan Hy nie hou nie.
Waarvoor ek vandag dankbaar is, is die feit dat Vader my kan reg help, met my verkeerde idees oor Hom. Ek is dankbaar dat daar vir my ook 'n nuwe oggend is, waar Hy my kom ontmoet, want Sy 'mercy' is nuut teenoor my.

15/11/2023

Hierdie bring ons groot vreugde... Franscois en Natasha lewer al amper 'n jaar lank hierdie diens. So kontak ons vir meer besonderhede.