Dirk's Place

03/03/2026

preparation on the track for this coming this weekends race

16/12/2025

16 Desember 1838:
Op Sondag 16 Desember 1838 het die mis opgeklaar en ‘n mooi dag het aangebreek. Met die eerste lig het ongeveer 12 000 (sommige bronne bevestig tot 16 000) Zulukrygers die Bloedrivierlaer omring. Die naaste Zulukrygers was ongeveer 40 meter van die laer af. Die Zulu’s se leiers het aan die krygers die teken gegee om aan te val. Die Voortrekkers was gereed.

In golwe het die Zulu’s aangeval. Elke golf van Zulukrygers is deur die Voortrekkers gestuit deur ‘n sarsie koeëls. Daar is aanmekaar geskiet.. die kruit se rook was later so dig, dat mens skaars kon sien. Die Zulu’s het vir ‘n wyle teruggeval en die Voortrekkers het die vuur gestaak sodat die kruitrook kon wegtrek. Weer het die Zulu’s gestorm en hierdie keer het sommige tot teen die waens gekom waar hulle platgeskiet is. Van die Zulu’s probeer om deur die diep donga te kruip. Die Voortrekkers het hulle van die wal afgeskiet. Weer het die Zulu’s effens teruggeval. Pretorius het die kanonne op die krygers laat losgebrand. Vir ‘n laaste keer het die Zulu’s gestorm maar tevergeefs. Die Zulu’s kon net nie deur die geweervuur van die Voortrekkers dring nie. Die Zulu’s het op die vlug geslaan. Die slag was verby. Pretorius het bevel gegee dat die hekke oopgemaak word. Hy en van die manne het die Zulu’s tot laat middag met hulle perde agtervolg.

Met die Voortrekkers se terugkeer het hulle meer as 3000 krygers om die Bloedrivierlaer gevind wat gesneuwel het. Baie van die krygers wat slegs gewond was, het deur die donga en Ncomarivier gevlug. Die rivier het later bloedrooi geword van al die bloed. Helaas sou die rivier as die Bloedrivier bekend staan. Baie van die gewonde Zulu’s het op die lang oop vlakte aan die oostekant van die laer beswyk. Tot vandag toe staan die vlakte as “Ukhalo lamathambo” bekend. Dit beteken bult van doodsbeendere.

Net drie Voortrekkers was lig gewond met assegaaisteke – Andries Pretorius was een van die drie. Sarel Cilliers het weer ‘n diens gelei vir die manskappe waarin hulle God vir die oorwinning bedank het. Die Vootrekkers in die hooflaer sou hierdie kommando van Pretorius die Wenkommando noem. Alle eer het God toegekom.

04/06/2025

Rooiborslaksman Stay at Dirk's Place

15/05/2025