Uthukela News Times Plus

Call Directions Website Contact the business

Uthukela News Times Plus "Izindaba zasoThukela zinjengoba zinjalo." To report news and business: 083 2972 906

KUCELWA USIZO UKUTHOLA UMAMA NENDODAKAZI ABANYAMALALE KWANYUSWAKucelwa umphakathi usize ekutholeni u-Okuhle Lubanzi Ndum...
21/10/2026

KUCELWA USIZO UKUTHOLA UMAMA NENDODAKAZI ABANYAMALALE KWANYUSWA

Kucelwa umphakathi usize ekutholeni u-Okuhle Lubanzi Ndumo, oneminyaka engu-9, nonina uNomcebo Lungile Ndumo, okukholakala ukuthi uneminyaka engaba ngu-31.

Bagcine ukubonakala begibela ibhasi ngaseBambanani Hall, KwaNyuswa, eBothas Hill, ngoMsombuluko ekuseni ngo-07:30. Kuthiwa kukhona abababone behamba kuHill Street, ePinetown, kodwa lokhu akukakaqinisekiswa.

U-Okuhle ubegqoke ibhulukwe lesikole eliluhlaza okwesibhakabhaka ngokumnyama, ihembe eliluhlaza nejezi elimnyama. Unina wayegqoke izingubo zesangoma futhi unomlenze owodwa.

Ongaba nolwazi makathinte iReaction Unit South Africa ku-086 123 4333.

Isimo sezulu sanamuhla
21/10/2026

Isimo sezulu sanamuhla

20/10/2026

UGwede uthi makungafakwa i-ANC lapho ingahlangrne khona umuntu ozicelelayo nje ungumuntu ohambe ecela loko akuhlangene neqembu.

OKlebe eMpumalanga babophe abasolwa abahlanu abebezama ukudayisa isilwane iPangolin ngoR500 000. Ubani onolwazi lwalesi...
20/10/2026

OKlebe eMpumalanga babophe abasolwa abahlanu abebezama ukudayisa isilwane iPangolin ngoR500 000.

Ubani onolwazi lwalesilwane ukuthi yini umsebenzi waso?

UBONGE IZIKHULU ZEBHOLA UDOCTOR KHUMALO EQOKELWA KWESIPHEZULU KU-SAFAIngwazi yebhola laseNingizimu Afrika, uDoctor Khuma...
20/10/2026

UBONGE IZIKHULU ZEBHOLA UDOCTOR KHUMALO EQOKELWA KWESIPHEZULU KU-SAFA

Ingwazi yebhola laseNingizimu Afrika, uDoctor Khumalo, uthi umangazwe ukuqokwa kwakhe njengesekela likaSihlalo weKomidi Lezobuchwepheshe kwiSouth African Football Association (SAFA).

U-Khumalo ubonge uMengameli weSAFA, uDanny Jordaan, uKaizer Motaung no-Irvin Khoza, odume ngelika-Iron Duke, ngokumeseka. Ubuye wabonga umndeni wakhe nabazali bakhe abangasekho.

Uthe unolwazi namakhono adingekayo ukuze enze kahle kulesi sikhundla, wagcizelela ukuthi umsebenzi wakhe uzogxila ekuthuthukiseni ibhola laseNingizimu Afrika nasekufezeni izidingo zabathandi balo.

IBHANGE LOMBUSO LIFUNA UKWEHLISA IZIMALI EZIKHOKHWA UMA KUSETSHENZISWA AMA-ATMI-South African Reserve Bank ifuna amabhan...
20/10/2026

IBHANGE LOMBUSO LIFUNA UKWEHLISA IZIMALI EZIKHOKHWA UMA KUSETSHENZISWA AMA-ATM

I-South African Reserve Bank ifuna amabhange aseNingizimu Afrika asebenzisane ukuze kwehliswe izindleko zokukhipha nokufaka imali kuma-ATM.

Ngokwalolu hlelo, abantu abakhipha noma abafaka imali encane bangase bakwazi ukwenza lokho mahhala kunoma iyiphi i-ATM, kungakhathaliseki ukuthi ngeyaliphi ibhange. Abakhipha izimali ezinkulu yibona okungase kuqhubeke kubakhokhiswa.

Lolu hlelo olubizwa nge-Access to Cash kulindeleke ukuthi luqale ukusebenza ngonyaka ozayo. Imininingwane egcwele kulindeleke ukuba imenyezelwe ngoJanuwari.

UBUYISELWE EMSEBENZINI UTHISHA OBEXOSHELWE UKUSHAYA UMFUNDI NGE-DUSTERUthisha wase-Eastern Cape, u-Alindiwe Nyawuza, ubu...
20/10/2026

UBUYISELWE EMSEBENZINI UTHISHA OBEXOSHELWE UKUSHAYA UMFUNDI NGE-DUSTER

Uthisha wase-Eastern Cape, u-Alindiwe Nyawuza, ubuyiselwe emsebenzini ngemuva kokuba umkhandlu wezobudlelwano emsebenzini kwezemfundo (ELRC) uthole ukuthi ukuxoshwa kwakhe kwakuyisijeziso esinzima ngokweqile.

UNyawuza waxoshwa ngemuva kokushaya umfundi nge-duster eminweni, okwaholela ekutheni umunwe utheleleke kakhulu, umfundi wahlinzwa esibhedlela.

Umkhandlu uthe uthisha ukhombise ukuzisola, waxolisa emndenini womfundi futhi wakhokhela izindleko zokwelashwa. Nokho, ugcizelele ukuthi ukujezisa abafundi ngokubashaya akuvumelekile ezikoleni zaseNingizimu Afrika. UNyawuza uzobuyela emsebenzini kodwa ngeke akhokhelwe imali yesikhathi abengasebenzi ngaso.

UZOVELA NGEVIKI ELIZAYO ENKANTOLO OSOLWA NGOKUBULALA UMFUNDI E-MGUNGUNDLOVU TVET COLLEGEOwesilisa oneminyaka engu-32 ubu...
20/10/2026

UZOVELA NGEVIKI ELIZAYO ENKANTOLO OSOLWA NGOKUBULALA UMFUNDI E-MGUNGUNDLOVU TVET COLLEGE

Owesilisa oneminyaka engu-32 ubudala osolwa ngokubulala umfundi obefunda eMgungundlovu TVET College kulindeleke ukuthi abuyele enkantolo ngesonto elizayo ukuze afake isicelo sebheyili.

USiphesihle Sithole uvele ePietermaritzburg Magistrate’s Court mayelana nokubulawa kukaLuyanda Langa,oneminyaka engu 22 ubudala,okusolwa ukuthi wagwazwa kathathu ngesikhathi kunengxabano endaweni okuhlala kuyo abafundi ePietermaritzburg.USithole ubhekene necala lokubulala. Inkantolo itshelwe ukuthi ukewaba namacala phambilini futhi wake wagwetshwa ejele.

Ngaphandle kwenkantolo, abafundi nezihlobo zikaLanga babambe umbhikisho befuna ubulungiswa futhi bebuza ukuthi kwenzeka kanjani ukuthi umuntu onomlando wamacala aqashwe endaweni okuhlala kuyo abafundi.Abafundi bachaze umufi uLanga njengomuntu othule futhi ongenalo udlame.

ISIFUNDAZWE SITHOLE AMA-AMBULENSI AMASHA ANGU-38UMnyango wezeMpilo KwaZulu-Natal usungeze ama-ambulensi amasha angu-38 e...
20/10/2026

ISIFUNDAZWE SITHOLE AMA-AMBULENSI AMASHA ANGU-38

UMnyango wezeMpilo KwaZulu-Natal usungeze ama-ambulensi amasha angu-38 emkhakheni wezimo eziphuthumayo, ngenhloso yokuthuthukisa usizo lwezempilo kubantu esifundazweni.

UNgqongqoshe uNomagugu Simelane uthe umnyango uphinde waba nezimoto ezingu-11 ezisiza ezimweni eziphuthumayo kanye namabhasi amane okuhambisa iziguli.

Ama-ambulensi azokwabelwa izifunda ezahlukene zesifundazwe. USimelane uthe ukushoda kwezimali kusalokhu kuyinselelo ekwandiseni izimoto, waphinde wanxusa imiphakathi ukuthi isize ekuvikeleni ama-ambulensi ekwebiweni nasekulimaleni.

UNgqongqoshe woMnyango wezokuThuthukiswa koMphakathi KwaZulu-Natal, uMbali Shinga, unxuse imiphakathi ukuthi ibuyele eku...
20/10/2026

UNgqongqoshe woMnyango wezokuThuthukiswa koMphakathi KwaZulu-Natal, uMbali Shinga, unxuse imiphakathi ukuthi ibuyele ekulimeni emakhaya ukuze kubhekwane nendlala nobubha.UShinga ubekhuluma emcimbini woSuku Lomhlaba Lokudla obuse-eDumbe Community Church, eWard 8, namhlanje.

Address

150 Murchison Street, Office No. 4
Ladysmith
3370

Telephone

+27738577713

Website

Alerts

Be the first to know and let us send you an email when Uthukela News Times Plus posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Uthukela News Times Plus:

Shortcuts

Share