Soet Tand

12/10/2026

11/10/2026

🍓🍦 LIZE SE HEERLIKE AARBEI-ROOMYS, MET ’N SOET TAND-TWIST!

Daar is min dinge lekkerder as tuisgemaakte roomys! 😍🍓

Ons het Lize Marié se heerlike aarbei-roomysresep probeer, met ’n klein Soet Tand-draai vir nóg ’n tikkie aarbeigeur.

Ons het die resep gehalveer en 1–2 eetlepels Soet Tand Strawberry Jam bygevoeg. Ons het die roomys ongeveer 3 keer tydens die vriesproses geroer en toe… voilà! ✨ ’n Heerlike, romerige aarbei-bederf!

❤️ Baie dankie, Lize, dat jy jou heerlike resep met ons deel! Dit was so lekker om dit te probeer en ons eie Soet Tand-geur daaraan te gee.

🍓 Ons halwe resep

• 250 ml room
• 250 g vars aarbeie
• 1½ eetlepels versiersuiker
• 1–2 eetlepels Soet Tand Strawberry Jam

Só maak jy dit:

Meng alles saam en plaas in die vrieskas. Roer die mengsel ongeveer 3 keer tydens die vriesproses vir ’n heerlike, romerige resultaat.

Vir dié wat hul roomys minder soet verkies, kan net 1 eetlepel versiersuiker gebruik word.

🍦 Die lekkerte van tuisgemaakte roomys? Jy kan speel met geure en jou eie gunsteling-variasies skep!

Wie gaan Lize se resep met ’n skeppie Soet Tand probeer? 🍓💚

06/10/2026

🍇 Sommige smake vat jou sommer terug huis toe.

Druiwe Hanepoot-konfyt — die smaak van Ouma se kombuis, vars brood en ’n ruim smeer konfyt. ’n Klein bietjie nostalgie in elke happie.

Wie het vir jóú Hanepoot-konfyt leer liefkry? 👇🏼
Ouma, Ma… of is jy steeds ’n groot aanhanger?

Tag iemand wat hierdie smaak sal onthou. 🍇❤️

04/10/2026

Plaastertjies met Vy, Kaas & Pekanneute

Janelle van Soet Tand se drie gunsteling kombinasies:

* Groenvy + Brie
* Rypvy + bokmelkkaas of Camembert
* Swartvy + bloukaas

Maar speel gerus volgens jou smaak! Jy kan ook verskillende speserye en vars kruie byvoeg – tiemie, roosmaryn, swartpeper of selfs ’n knippie kaneel.

Metode:

1. Sny ’n vel skilferkorsdeeg in 10 × 10 cm vierkante.
(Filo- of glutenvrye deeg kan ook gebruik word.)
2. Druk die deeg losweg in ’n gesmeerde kolwyntjiepan.
Geen kolwyntjiepan nie? Gebruik ’n gewone plat bakplaat.
3. Plaas kaas in die middel en sit ’n vy bo-op.
4. Voeg pekanneute en tiemie by.
5. As jy ’n plat bakplaat gebruik, vou die vier hoekies effens na binne sodat die kaas nie uitloop nie.
6. Smeer die deeg met eierwas vir ’n mooi goue afwerking.
7. Bak teen 200 °C vir ongeveer 20 minute, of totdat die deeg goudbruin en bros is.

Die lekkerte is om te speel met geure en kombinasies – maak dit jou eie!

💚 SAVE die vir jou volgemde onthaal bederf!

Vir die potgooi : RSG gesprek met Soet Tand Jams & Preserves volg die link in ons Bio vir meer inligting oor die plaastertjies en alles oor vye 😋

03/10/2026

📻 Het jy gister se insetsel gemis?

Luister gerus na die gesprek met Martelize op RSG se DrieSestig — ons het lekker gesels oor vye, resepte en alles wat jy met hierdie heerlike vrug kan doen. 🌿

Van groen vye tot ryp en swart vye, en natuurlik ’n paar resepte om self te probeer.

🎧 Luister na die SOET TAND insetsel by die skakel hieronder.

En volg Soet Tand vir nog lekker resepte, idees en inspirasie uit ons kombuis. 💚

https://www.rsg.co.za/rsg-fm/potgooisnitte/soet-tand-se-vye/

02/10/2026

Local is lekker 😋

02/10/2026

— VRYDAG OP RSG

Soet Tand is op Driesestig!

360 Speseryroete — Ons gesels alles oor vye - rypvye, groenvye en swartvye, asook heerlike maniere om dit te gebruik.

Skakel Vrydag om 13:25 in op RSG

Laat ons weet wat jy gaan maak!

02/10/2026

📻 VANDAG OM 13:25 OP RSG

Daar is iets besonders aan resepte wat mens aan ’n kombuistafel, ’n koppie koffie en goeie geselskap laat dink. ☕️

Vandag verwys ons op RSG ook na hierdie heerlike Driehoek-Cassata-Kaaskoek – ’n klassieke resep met groenvye, glanskersies, pekanneute en ’n tikkie lemoen.

Skakel 13:25 in en luister saam. 🤎

En daarna kan jy die resep hier kry om self te probeer:

DRIEHOEK-CASSATA-KAASKOEK

Bestanddele

* 125 g sagte botter
* 125 ml strooisuiker
* 1 eiergeel
* 1 houer (230 g) roomkaas, geklop tot glad
* 5 ml vanieljegeursel
* 30 ml rooi glanskersies, baie fyn gekap
* 3 heel groenvye in stroop, gedreineer en fyngekap
* 45 ml fyngekapte pekanneute
* Fyn gerasperde skil van 1 lemoen
* 24 Tennisbeskuitjies

Versiering

* 200 g melksjokolade, fyngekap
* 50 ml likeur, muskadel of melk
* Glanskersies en pekanneute, vir versiering

Metode

1. Maak die kaasmengsel

Verroom die botter en strooisuiker tot lig.

Klop die eiergeel by.

Voeg die roomkaas, vanieljegeursel, kersies, vye, neute en lemoenskil by.

Meng versigtig deur. Moenie die mengsel klop nie, want dit kan maklik skif.

2. Pak die beskuitjies

Lê ’n groot stuk aluminiumfoelie uit.

Rangskik 12 Tennisbeskuitjies daarop in ’n ry van 3 x 4 beskuitjies – 4 beskuitjies op die lengte van die foelie.

Smeer ’n kwart van die kaasmengsel oor die 12 beskuitjies.

Pak ’n tweede laag van 12 beskuitjies bo-op die eerste laag.

Smeer die oorblywende kaasmengsel hieroor.

3. Vorm die driehoek

Bring die kante van die foelie bymekaar sodat die beskuitjies ’n driehoek vorm.

Druk die kaaskoek met jou hande om ’n netjiese driehoek te vorm.

Vries oornag.

Versiering

Smelt die sjokolade tot glad.

Roer die likeur, muskadel of melk by. Klop goed.

Haal die kaaskoek uit die vrieskas en verwyder die foelie.

Smeer die sjokoladeversiersel oor die kaaskoek.

Versier met glanskersies en pekanneute.

Vries weer.

Sny skywe met ’n skerp mes.

Sit bevrore voor met koffie.

Lewer: 8–10 porsies.

29/09/2026

🍋 Dit begin met suurlemoene. Baie van hulle.

By Soet Tand glo ons goeie konfyt en preserve het nie ’n lang lys bestanddele nodig nie — net die regte bestanddele.

Vars, plaaslike suurlemoene word uitgedruk en in ons produkte gebruik vir wat die natuur bedoel het: varsheid, suurheid en natuurlike pektien uit die vrug se pitte.

Geen onnodige ekstras nie.
Geen preserveermiddels nie.
Geen kunsmatige kortpaaie nie.
Net goeie vrugte, baie suurlemoensap en die minimum bestanddele wat nodig is om ’n behoorlike preserve te maak.

En waar ons kan, kies ons plaaslike produkte en plaaslike verskaffers — om die mense en produsente rondom ons te ondersteun.

Eenvoudige bestanddele.
Op die tradisionele manier gemaak.
Sedert 1986. 🍋