Paul Maré Bonsmaras

21/10/2026

Ons is baie tevrede met die klompie vervangingsverse, oppad kraal toe om 'n oog oor hulle te gooi.

Oggendstond het rooi-goud in die mond!

30/09/2026

Ons is dankbaar vir elke rolspeler en organisasie wat 'n positiewe rol speel om die Rooivleis wa weer mooi op spoor te kry, na soveel terugslae en skade.

Lees hier: https://grondtotmond.com/2026/09/24/meer-bks-entstofopsies-vir-boere-en-privaat-sektor/
Saai TLU SA RMIS - Red Meat Industry Services National RPO / Nasionale RPO Buffalo Analytics Dunevax Biotech Willie Aucamp

02/08/2026

In die middel van die winter, wys Q3 Bonsmaras hul regte kleur.
Dankie Appel...

10/05/2026

‘n Groot dankie vir almal se belangstelling, spesiaal vir ons vriende, telers en belangstellendes wat die afgelope week deel geneem het aan die WhatsApp-veiling.
Dit was maar vir ons almal ‘n leer kurwe!

Jul ondersteuning is ‘n integrale deel van vanjaar se sukses. Baie dankie vir die lojaliteit en die voortgesette ondersteuning – dit bly ‘n voorreg om ons passie vir die Bonsmara ras uit te leef en goeie genetika te teel.

Ons glo die volgende veiling sal kan terugkeer na die normale manier van veiling-hou.

07/05/2026

Belangstellendes wat reeds by Viljoenskroon Golfklub opgedaag het om te kuier en hulle bod in te sit.

07/05/2026

Dit is Qualitrio se veilingsdag!

Ons mis ons vriende, kopers en ondersteuners op Vlakvlei maar die Whatsapp veiling is in plek, vir 'n veilige, oop en regverdige veiling die jaar.

Al 30 bulle is vanaf 11 uur te koop aan die hoogste bod. Die bieëry sluit 12 uur, waarna 'n 5 min reel toegepas word. Dit beloof om baie interessant te wees. Sien julle op die groep!

06/05/2026

LMR23-092: Lot 7

Sy vaar, DAJ19-028 was ‘n versbul ‘per excellence’. Hy is ook gebruik in die kuddes van Benjamin Bosch en Leon Riekert en teel mooi dogters wat goeie moeders sal word met rustige temperament, melk- en vrugbaarheid.

Sy erfdwang teel koppe en lywe soos te sien is in al die ander seuns van hom op die veiling. Diepte, breedte en sagte bespiering is kenmerkend van hierdie lyn.

Dek sy vroulike nageslag met ‘n bul wat goeie groei eienskappe het en jy is op die wenpad.

04/05/2026

Lot 12 WBB 22-346 is definitief ook een van ons gunsteling bulle wat geteel is uit die alombekende LAR 14-64.
Aan moederskant geteel uit PER 10-19 wat groot sukses by Thinus Maritz behaal het en dan baie sterk uit AG stal van Arthur de Villiers met AG 338 in die agtergrond. Lot 12 se vleis-eienskappe spreek vanself : hy is sag bevlees met goeie karkaswaarde en sy kwaliteit onderhuidse vet moet genoem word. Kyk na sy trotse houding, goeie balans en besonderse diepte/toplyn met sekondêre manlikheid. Lot 12 sal goed te werk om vervangings verse te teel en sy merk maak met speenkalf groei. Toets normaal Myostatin Q204X.

02/05/2026

We share some of our favourites to be sold to the highest bidder, on 7 May via Whatsapp. Enjoy!

02/05/2026

LMR23-106: Lot 5
‘n Qualitrio-kombinasie van top genetika uit die Chris Visser, Kotie Pienaar en Paul Maré kuddes sorg hier vir die pragtige, korrekte fenotipe wat ons het in LMR 23-106.
Verder terug in sy stamboom is histories getoetste genetika van John Lichti, Jan Pienaar en Red Gate Bonsmaras.
Die bul is ‘n toonbeeld van manlikheid met sy wakker oog, mooi sagte bespiering en karteling teen die nek. Hy beweeg glad en gemaklik, wat belangrik is vir effektiewe
dek van die koeie. Sy semen-kwaliteit wat 5 uit 5 punt, is om van huistoe te skryf.
Sy lengte, breedte en diepte met die regte beendikte komplimenteer sy goed gevormde hoewe met mooi hieldiepte. Jy kan hom boonop op koeie en verse aanwend, ‘n groot pluspunt vir stoet- en kommersiële kuddes.