15/08/2026
မိုးလေအေးအေး တီးပေါ့(တ်) ကြက်သားနို့ဆန်ပြုတ်ပူပူလေး... 🍲
🌧️မိုးရာသီနဲ့ အရမ်းလိုက်ဖက်တဲ့ တီးပေါ့(တ်) ကြက်သားနို့ဆန်ပြုတ်ပူပူလေး လုပ်စားကြည့်ရအောင် . . .
🥣လတ်ဆတ်မွှေးပျံ့တဲ့ တီးပေါ့(တ်)နို့စိမ်းနဲ့ ကြက်သားရဲ့ သဘာ၀အချိုဓာတ် ပေါင်းစပ်ထားတဲ့
ဆန်ပြုတ်ပူပူလေးဟာ မိုးရာသီမှာ တစ်မိသားစုလုံးကို ကျန်းမာစေမယ့် အာဟာရတစ်ခွက်ပါပဲ။
📝ပြုလုပ်နည်းလေးက. . .
အဆင့် (၁) - ကြက်သား ၂၀ သားခန့်ကို ချင်း၊ ကြက်သွန်ဖြူ ဓားပြားရိုက်၊ ဆားအနည်းငယ်နဲ့ နူးအောင်ပြုတ်ပါ။ ကြက်သားနူးရင် အမျှင်လေးတွေ နွှင်ထားပြီး ကြက်ပြုတ်ရည်ကို သီးသန့်ဖယ်ထားပါ။
အဆင့် (၂) - ကြက်ပြုတ်ရည်ထဲကို ဆေးထားတဲ့ဆန် (နို့ဆီဘူး ၁ ဘူးစာခန့်) ထည့်ပြီး ဆန်စေ့လေးတွေ ကွဲအိလာတဲ့အထိ မီးအေးအေးနဲ့ ကျိုပါ။
အဆင့် (၃) - ဆန်ပြုတ် အိလာပြီဆိုရင် နွှင်ထားတဲ့ ကြက်သားမျှင်နဲ့ ဆားအနည်းငယ်ထည့်ပါ။
အဆင့် (၄) - မီးပိတ်ခါနီး တီးပေါ့(တ်)နို့စိမ်းလောင်းထည့်ပြီး သမအောင် မွှေပေးလိုက်ပါ။ နို့စိမ်းထည့်ပြီးပြီးချင်း ဆန်ပြုတ်ရဲ့ အရောင်က ဝါဝင်းအိစိမ့်သွားပြီး အနံ့လေးကလည်း မွှေးပျံ့လာပါလိမ့်မယ်။ နို့စိမ်းထည့်ပြီး အကြာကြီး ထပ်မကျိုပါနဲ့တော့နော်။
အဆင့် (၅) - ပန်းကန်လုံးထဲ ခပ်ထည့်ပြီး ကြက်သွန်မြိတ်၊ ငရုတ်ကောင်းမှုန့် ဖြူးကာ အရသာရှိရှိ သုံးဆောင်နိုင်ပါပြီ 🥄
😋လွယ်လွယ်လေးနဲ့ အကောင်းမွန်ဆုံးအာဟာရဖြစ်လို့ မိသားစု ၃ ယောက်မှ ၅ ယောက်လောက်ထိ လုံလုံလောက်လောက်စားနိုင်ပါတယ်။
#နို့စိမ်းကြက်သားဆန်ပြုတ်
