26/05/2026
ကမ္ဘာ့ဖလားပိုက်ကျော်ခြင်းပြိုင်ပွဲ အောင်ပွဲရပိုက်ကျော်ခြင်းအားကစားအဖွဲ့အား ဂုဏ်ပြုညစာစားပွဲအခမ်းအနားနှင့်ဆုငွေပေးအပ်ပွဲ ကျင်းပပြုလုပ်
မလေးရှားနိုင်ငံတွင်ပြုလုပ်ခဲ့သည့်ကမ္ဘာ့ဖလားပိုက်ကျော်ခြင်းပြိုင်ပွဲတွင် အောင်မြင်မှုများရရှိအောင်စွမ်းဆောင်နိုင်ခဲ့ကြသည့် မြန်မာ့လက်ရွေးစင်
ပိုက်ကျော်ခြင်းအဖွဲ့အား ဂုဏ်ပြုသည့် ညစာစားပွဲအခမ်းအနားကို ရန်ကုန်မြို့ရှိ Western Park Royalတွင် (၂၄.၅၂၀၂၆)ရက်နေ့၊ ညနေ(၆)နာရီအချိန်၌ ကျင်းပပြုလုပ်ခဲ့ပါသည်။
အခမ်းအနားသို့ မြန်မာနိုင်ငံပိုက်ကျော်ခြင်းအဖွဲ့ချုပ်ဥက္ကဌဦးရဲဝင့်ထွဋ်တင်၊ ဒုတိယဥက္ကဌ ဦးအောင်မြင့်မြတ်၊ ဒုတိယဥက္ကဌ ဦးဖြိုးဇော်ဦးနှင့် ပိုက်ကျော်ခြင်းအဖွဲ့ချုပ်မှတာဝန်ရှိသူများ၊ မြန်မာ့လက်ရွေးစင်ပိုက်ကျော်ခြင်းအားကစားသမားများ၊ ပိုက်ကျော်ခြင်းအားကစားဖွံ့ဖြိုးတိုးတက်ရေး အားပေးကူညီပေးခဲ့ကြသော အဖွဲ့အစည်းများနှင့် ပိုက်ကျော်ခြင်းချစ်မြတ်နိုးသူ လူပုဂ္ဂိုလ်များတက်ရောက်ခဲ့ကြပြီး မြန်မာနိုင်ငံပိုက်ကျော်ခြင်းအဖွဲ့ချုပ်ဥက္ကဌ ဦးရဲဝင့်ထွဋ်တင်က အောင်ပွဲရမြန်မာ့လက်ရွေးစင်ပိုက်ကျော်ခြင်းအဖွဲ့အား ဂုဏ်ပြုအားပေးစကားများပြောကြားခဲ့ပါသည်။
ဆက်လက်၍ အောင်ပွဲရပိုက်ကျော်ခြင်းအားကစားအဖွဲ့အား ဆုငွေပေးအပ်ခြင်းအခမ်းအနားဆက်လက်ကျင်းပခဲ့ရာ ဆုငွေပေါင်း ကျပ်ငွေ သိန်း(၅၃၀)၊ အမေရိကန်ဒေါ်လာ (၁၀၀၀)နှင့် မလေးရှားရင်းဂစ် (၄၈၅၀)ကို အသီးသီးချီးမြှင့်ပေးခဲ့ပြီး အောင်ပွဲရပိုက်ကျော်ခြင်းအဖွဲ့မှ ဆုငွေများကို လက်ခံရယူခဲ့ပါသည်။
************************************
မြန်မာ့လက်ရွေးစင်ပိုက်ကျော်ခြင်းအသင်း၏ အားကစားဝတ်စုံနှင့်အားကစားအသုံးအဆောင်ပစ္စည်းများကို Glory Sportမှပံ့ပိုးကူညီပေးထားပြီး၊Rocker Beveragesမှလည်း Sepaktakraw World Cup 2026 ပြိုင်ပွဲအတွက် အထူးအားပေးကူညီပံ့ပိုးပေးထားပါသည်။
𝐅𝐞𝐞𝐥 𝐭𝐡𝐞 𝐝𝐢𝐟𝐟𝐞𝐫𝐞𝐧𝐜𝐞, 𝐰𝐞𝐚𝐫 𝐭𝐡𝐞 𝐜𝐨𝐧𝐟𝐢𝐝𝐞𝐧𝐜𝐞.
#ကုန်ခမ်းသွားသောအားအင်တွေအတွက်
